20/10/2023
Ita Ɗaukaka a Facebook mataki uku ce:
1. Akwai wanda yake samun ɗaukaka iyakar tsahon ransa in dai zai hau Facebook yayi rubutu tabbas za'a bibiya kuma kullum yana ƙara samun sababbin mabiya (Misali irin ɗaukakar Ali Nuhu a Kannywood.
2. Akwai wanda yake samun ɗaukaka na tsahon wani lokaci saboda yasamu wata dama wacce da zarar ta tafi masu bibiyarsa za su barshi (Misali irin ɗaukakar Ibrahim Maishunku a Kannywood.
3. Akwai wanda yake samun ɗaukaka na takaitaccen lokaci ma'ana yayi wani abun bajinta ayi ta tattaunawa akansa na sati ɗaya ko biyu daga nan sai ya koma irin yadda yake a baya (Misali kamar irin ɗaukakar Zahardeen Sani a Kannywood.
Anan Facebook kusan duk shekara sai an samu sababbin mutane musamman mata wadanda zaka ga ana yayinsu kafin a ajiyesu a ɗauko wasu.
Mafi yawancin waɗanda suke daukaka tauraronsu ya dusashe dama fa ba marubuta bane ba babu wani rubutu da sukeyi wanda za'a ci gaba da bibiyarsu saboda shi.
Duk yawan followers ɗinka idan baka da abinda zaka rubuta ko kuma wani salo da kafi ƙwarewa akansa watarana zasu watse su barka. Don haka duk salon da ka iya to ka ingantashi.
Note: Post ɗina na masu neman kuɗi ne ko koyar da wani Ilimi a Facebook Duk wanda yake ganin followers shirme ne to ya rike comment ɗinsa domin akwai mutanen da Facebook ɗin da muke rainawa shine cinsu shine shansu.© Wazir neh ✍️
