11/03/2026
QARSHEN KOWA DA KOMAI
Mutuwa rigar kowa ce. Duk wanda aka haifa a duniya dole ne wata rana ya dandana ɗacin rabuwa da ita. Ba ta duba girman mutum, ba ta la’akari da dukiya ko sarauta. Talaka da me kuɗi, sarki da bawansa, malami da jahili 🤏 duk a ƙarshe hanya ɗaya suke bi.
Wannan duniya wuri ne na wucewa mun zo cikin ta ne na ɗan lokaci, sannan mu bar ta mu wuce zuwa wani mataki na gaskiya.
Qarshen wata izza. Duk wata ɗaukaka da mutum yake takama da ita a duniya, wata rana sai ta zama labari.
Mutum na iya rayuwa cikin girma da daraja, mutane suna masa kallon girmamawa, amma lokaci na tafiya ne yana tuna mana cewa izza ta gaskiya babu ita a duniya .
Izzar mutum ita ce ayyukansa na alkhairy, domin su ne ke rage masa daraja ko da bayan ya bar duniya.
Qarshen dukkan mulki. Tarihi ya nuna mana yadda sarakuna da shugabanni s**a zo s**a tafi. Wanda a yau yake da iko da umarni, gobe wataƙila ya zama labari a bakin mutane.
Mulki amanar ɗan lokaci ne ana ba mutum shi na ɗan lokaci domin ya yi adalci da alkhairy.
Amma idan lokacin ya cika, mulkin ya ƙare, mutum ya koma kamar sauran halittu babu iko, babu umarni.
Qarshen duk wata wadata. Dukiyoyi, gidaje, gonaki da dukkan abubuwan jin daɗi da mutum ya tara a duniya ba za su bi shi ba idan ajalinsa ya zo.
Wadata tana iya faranta ran mutum a rayuwa, amma ba ita ce mafita ta ƙarshe ba. Abin da ze bi mutum shi ne kyawawan ayyuka, tausayi ga mutane, da gaskiya a rayuwarsa.
Saboda haka, mu ringa tuna cewa duniya ba gida ba ce na dindindin. Mu yi rayuwa cikin tawali’u, mu yi alkhairy, mu riƙe gaskiya, domin duk abin da muke yi a yau shi ne ze zama tarihinmu gobe.
Mutuwa rigar kowa ce, kyakkyawan suna da ayyukan alkhairy su ne abin da ke sa mutum ya bar duniya cikin daraja.
Allah ka kyautata karshen mu 😭kasa mutuwa ta zamo hutu a garrmu ka jikan iyayenmu d kakannin mu
ka sa mu cika da Kalmar shahada,
Allah ka karbi ibadanmu ya hayyu ya qayyum 🤲.
copy's by✍️Zaiñab Auwal Musa
