10/06/2026
Ya ku maza masu neman aure, abu ne mai kyau mutum ya nemi matar da ta haddace Al-Qur'ani, domin wannan babban falala ne da ni'ima daga Allah.
Amma yana da muhimmanci ku sani cewa haddar Al-Qur'ani kaɗai ba ita ce ma'aunin kyakkyawar mace ba.
Kafin ka zaɓi mace, ka duba:
🌹 Tarbiyyarta da mu'amalarta da iyayenta da sauran mutane.
🌹 Tsoron Allah da yadda take kiyaye addininta a aikace.
🌹 Kyawawan halaye kamar haƙuri, ladabi, tawali'u da gaskiya.
🌹 Fahimtarta game da hakkokin aure da zamantakewar iyali.
Manzon Allah ﷺ ya nuna muhimmancin addini da kyawawan halaye wajen zaɓen abokin zama.
Domin akwai masu haddar Al-Qur'ani amma ba sa aiki da abin da s**a haddace yadda ya kamata, kamar yadda akwai waɗanda ba hafizai ba amma suke da kyakkyawan ɗabi U da addini da tarbiyya.
Al-Qur'ani a ƙirji babban alheri ne, amma Al-Qur'ani a ɗabi'a da aiki shi ne mafi girman alheri.
Allah Ya ba ku ikon zaɓar abokan zama nagari waɗanda za su taimaka muku wajen bauta masa da gina gida na gari.
"Kar ka tsaya kan abin da ido yake gani kawai, ka duba abin da hali da tarbiyya suke nunawa."
