https://www.facebook.com/170640139474605/

The Secretary Zaria LG, Zaria Local Government Sectariat, Zaria (2026)

12/05/2026

A yau, Sakataren Karamar Hukumar Zaria, Hon. Shuaibu Abdullahi (Mai Canter), daga cikin manufofinsa na bada dama da kuma hada kai da kungiyoyi don cigaban al’umma, yayin da yake wakiltar Shugaban Karamar Hukumar Zariya, Engr. Jamil Ahmad Muhammad (Jaga), ya karbi bakuncin tawaga da mambobin kungiyar “𝐊𝐀𝐒𝐀𝐇𝐀 𝐊𝐖𝐀𝐑𝐀𝐈𝐊𝐀𝐓𝐔𝐊𝐀 𝐂𝐎𝐌𝐌𝐔𝐍𝐈𝐓𝐘 𝐃𝐄𝐕𝐄𝐋𝐎𝐏𝐌𝐄𝐍𝐓 𝐀𝐒𝐒𝐎𝐂𝐈𝐀𝐓𝐈𝐎𝐍 𝐙𝐀𝐑𝐈𝐀” da kuma “𝐓𝐔𝐃𝐔𝐍 𝐉𝐔𝐊𝐔𝐍 𝐖𝐎𝐌𝐄𝐍 𝐀𝐖𝐀𝐑𝐄𝐍𝐄𝐒𝐒 𝐅𝐎𝐑𝐔𝐌” a ofishinsa.

Sunkai ziyarar ne domin kara karfafa hadin gwiwa tsakanin gwamnatin karamar hukumar Zaria da kungiyoyin wajen bunkasa hadin kai, karfafa mata, da kuma ci gaban al’umma a fadin Zaria.

Sakataren ya yaba wa kungiyoyin bisa jajircewarsu da gudunmawar da suke bayarwa wajen cigaban al’umma, tare da tabbatar musu da ci gaba da samun goyon bayan karamar hukumar kan duk wasu shirye-shiryen da za su amfani jama’a.

Haka kuma, ya sake jaddada kudurin wannan gwamnati karkashin jagorancin Engr. Jamil Ahmad Muhammad (Jaga) na tabbatar da shugabanci mai bai wa kowa dama, hada kan al’umma, da kuma dorewar ci gaba a matakin karkara.

𝗦𝗶𝗴𝗻𝗲𝗱:
𝗛𝗮𝘀𝘀𝗮𝗻 𝗭𝗮𝗸𝗮𝗿𝗶𝘆𝘆𝗮
𝗣.𝗔 𝗠𝗲𝗱𝗶𝗮 𝗮𝗻𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻
𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝘂𝗻𝗰𝗶𝗹 𝗦𝗲𝗰𝗿𝗲𝘁𝗮𝗿𝘆
𝗭𝗮𝗿𝗶𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁
11𝘁𝗵 𝗔𝗽𝗿𝗶𝗹, 𝟮𝟬𝟮𝟲

08/05/2026

JUMMA’AT MUBARAK 📿🕌

YA ALLAH! Grant us peace of mind and keep our hopes alive. Many feel broken and in need of comfort. It may be hard for some to focus on blessings when times are tough. When storms are brewing and days look dark, guide us to the path of light. Aameen.

06/05/2026

Sakataren Karamar Hukumar Zaria, Hon. Shuaibu Abdullahi (Mai Canter), a yau, yayin da yake wakiltar Shugaban Karamar Hukumar, Engr. Jamil Ahmad Muhammad (Jaga), ya karba bakuncin wasu kungiyoyin siyasa, masu ruwa da tsaki, da kuma sauran mutane dabandaban a ofishinsa.

Daga cikin wadanda s**a kai ziyarar akwai matasa daga Gundumar Wucicciri wadanda suke karkashin kungiya mai suna Uba Sani and Abbas Tajudden Continuous Support Group. Kungiyar ta kai ziyarar ne domin tabbatar da biyayyarsu, nuna gamsuwa da jagorancin gwamnatin APC, tare da tattauna dabarun da za su bi dangane da harkokin siyasa mai zuwa da kuma yadda za su ci gaba da goyon bayan jam’iyyar APC a dukkan matakai.

A wata ganawar, Sakataren ya kuma karbi bakuncin shugabanni da mambobin Uba Sani Ambassadors, wata kungiya mai tsari da kuma manufa ta wayar da kan jama’a da goyon bayan siyasa domin tabbatar da manufofin Jamiyyar APC a Karamar Hukumar Zaria.

A yayin tattaunawar, an mayar da hankali kan karfafa tsarin cikin gida, magance wasu batutuwan kungiyoyi, da kuma daidaita dabaru da za su inganta hadin kai tsakanin kungiyoyin goyon baya da ke aiki a karkashinsa, gabanin zabukan da ke tafe.

𝗦𝗶𝗴𝗻𝗲𝗱:
𝗛𝗮𝘀𝘀𝗮𝗻 𝗭𝗮𝗸𝗮𝗿𝗶𝘆𝘆𝗮
𝗣.𝗔 𝗠𝗲𝗱𝗶𝗮 𝗮𝗻𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻
𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝘂𝗻𝗰𝗶𝗹 𝗦𝗲𝗰𝗿𝗲𝘁𝗮𝗿𝘆
𝗭𝗮𝗿𝗶𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁
6𝘁𝗵 𝗔𝗽𝗿𝗶𝗹, 𝟮𝟬𝟮𝟲

05/05/2026

A yau, Sakataren Karamar Hukumar Zaria, Hon. Shuaibu Abdullahi (Mai Canter), karkashin jagorancin Shugaban Karamar Hukumar, Engr. Jamil Ahmad Muhammad (Jaga), ya ci gaba da ganawa da muhimman masu ruwa da tsaki, don kara tabbatar da kudurin wannan gwamnati na rungumar kowa da kuma inganta hadin gwiwa a matakin kasa.

Daga cikin wadanda ya karba akwai shugabanni da mambobin Kungiyar Tinubu/Uba Sani Continuous Support Group. Tawagar ta kai ziyarar ban girma domin sake gabatar da kansu a matsayin wata kungiya mai kishin Jam’iyyar ta APC wacce ta taka muhimmiyar rawa wajen wayar da kan jama’a da goyon baya ga jam’iyyar APC a fadin Jihar Kaduna. Sun sake jaddada biyayyarsu da rikon amana ga manufofin jam’iyyar, tare da bayyana aniyarsu ta ci gaba da kokarin karfafa jam’iyyar a dukkan matakai.

Haka kuma, Sakataren ya karbi bakuncin mambobin Kungiyar Masu Sayar da Wayoyi da Injiniyoyi ta Karamar Hukumar Zaria mai suna Association of Phone Sales and Engineers, Zaria Local Government. Kungiyar ta ziyarci ofishin ne domin nuna godiya ga Sakataren bisa manufofinsa na bude kofa ga kowa da kuma saukin kai wajen mu’amala. Taron ya gudana cikin fahimta da tattaunawa mai ma’ana, inda aka mayar da hankali kan hadin gwiwa da rawar da kananan ‘yan kasuwa ke takawa wajen cigaban al’umma.

A yayin ganawar, Kungiyoyin biyu sun kuma bayyana matsayinta na siyasa tare da nuna cikakken goyon bayanta ga jam’iyyar APC, inda s**a jaddada kudurinsu na bada gudunmawa ga cigaban jam’iyyar a cikin karamar hukumar Zaria.

𝗦𝗶𝗴𝗻𝗲𝗱:
𝗛𝗮𝘀𝘀𝗮𝗻 𝗭𝗮𝗸𝗮𝗿𝗶𝘆𝘆𝗮
𝗣.𝗔 𝗠𝗲𝗱𝗶𝗮 𝗮𝗻𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻
𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝘂𝗻𝗰𝗶𝗹 𝗦𝗲𝗰𝗿𝗲𝘁𝗮𝗿𝘆
𝗭𝗮𝗿𝗶𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁
5𝘁𝗵 𝗔𝗽𝗿𝗶𝗹, 𝟮𝟬𝟮𝟲

05/05/2026

Hon. Shuaibu Abdullahi (Mai Canter), karkashin jagorancin Shugaban Karamar Hukumar Zaria, Engr. Jamil Ahmad Muhammad (Jaga), ya ci gaba a yau da gudanar da ganawa da kungiyoyi da sauran mutane daban daban a ofishinsa, inda hakan ke kara tabbatar da kudirin wannan gwamnati na bude kofa ga kowa da kuma bai wa matasa dama.

Daga cikin wadanda ya karba akwai dan takarar shugabancin Kungiyar Daliban Zazzau ta Kasa (NAZAS), mai suna Bilal Bashir wanda ya kai ziyarar girmamawar domin neman goyon baya, shawarwari gabanin zabukan kungiyar da ke tafe.

A yayin ganawar, Sakataren ya jaddada muhimmancin shugabanci mai dogaro da gaskiya, da’a, da hidima ga al’umma. Ya kuma karfafa wa dan takarar gwiwa da ya kasance mai mai da hankali, ya rungumi dabi’un hadin kai da zaman tare, tare da fifita jin dadin dalibai idan aka ba shi damar jagoranci.

𝗦𝗶𝗴𝗻𝗲𝗱:
𝗛𝗮𝘀𝘀𝗮𝗻 𝗭𝗮𝗸𝗮𝗿𝗶𝘆𝘆𝗮
𝗣.𝗔 𝗠𝗲𝗱𝗶𝗮 𝗮𝗻𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻
𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝘂𝗻𝗰𝗶𝗹 𝗦𝗲𝗰𝗿𝗲𝘁𝗮𝗿𝘆
𝗭𝗮𝗿𝗶𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁
5𝘁𝗵 𝗔𝗽𝗿𝗶𝗹, 𝟮𝟬𝟮𝟲

04/05/2026

A yau, Sakataren Karamar Hukumar Zaria, Hon. Shuaibu Abdullahi (Mai Canter), karkashin jagorancin Shugaban Karamar Hukumar, Engr. Jamil Ahmad Muhammad (Jaga), ya karbi tawagar Shugabanni da mambobi daga kungiyar TINUBU/UBA SANI GRASSROOTS EXPANSION MOVEMENT 2027 (TUGEM) a Zaria.

Kungiyar, wadda Hon. Aliyu Usman (Aliko) ya kafa, kungiyar an kafata ce ta domin tsarawa da tabbatar da grassroots mobilization , kuma an samar da ita domin wayar da kai da fadadaa goyon bayan Shugaban Kasa Bola Ahmed Tinubu, Gwamna Uba Sani, da dukkan ‘yan takarar jam’iyyar APC a Zaria da ma sauran wurare. Wannan tsari yana gudana ne karkashin jagoranci da kulawar Hon. Shuaibu Abdullahi (Mai Canter) da Darakta Janar na Kaduna State Schools Quality Assurance Authority (KSSQAA), Farfesa Usman Abubakar Zaria.

A yayin ganawar, Sakataren ya yaba da kokaari da jajircewar shugabanni da mambobin kungiyar, musamman yadda s**a tsara tsarin su da inganci da tsari mai kyau domin tabbatar da isar da sako da hulda da jama’a a matakin kasa.

Ya jaddada muhimmancin hadin kai da tsari wajen karfafa dimokuradiyya da kuma ci gaban siyasa a matakin karamar hukumar. Haka kuma ya karfafa musu gwiwa da su ci gaba da jajircewa da mai da hankali wajen cimma manufofinsu.

A matsayin tallafi ga ayyukansu, Sakataren ya ba da gudummawar Naira Dubu Dari Biyu (₦200,000) domin taimaka wa ƙungiyar wajen gudanar da ayyukanta.

𝗦𝗶𝗴𝗻𝗲𝗱:
𝗛𝗮𝘀𝘀𝗮𝗻 𝗭𝗮𝗸𝗮𝗿𝗶𝘆𝘆𝗮
𝗣.𝗔 𝗠𝗲𝗱𝗶𝗮 𝗮𝗻𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻
𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝘂𝗻𝗰𝗶𝗹 𝗦𝗲𝗰𝗿𝗲𝘁𝗮𝗿𝘆
𝗭𝗮𝗿𝗶𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁
𝟰𝘁𝗵 𝗔𝗽𝗿𝗶𝗹, 𝟮𝟬𝟮𝟲

01/05/2026

BARKA DA JUMA’AH

Ya Ubangijinmu, ka ba mu alheri a duniya, ka ba mu alheri a lahira, ka tsare mu daga azabar wuta. Ameen

30/04/2026

A yau, Sakataren Karamar Hukumar Zaria, Hon. Shuaibu Abdullahi (Mai Canter), yayin da yake wakiltar Shugaban Karamar Hukumar, Engr. Jamil Ahmad Muhammad (Jaga), ya karbi bakuncin mutane daban-daban da kungiyoyin masu ruwa da tsaki a ofishinsa.

Daga cikin wadanda ya karba akwai Comrade Sani Ibrahim Ndagana (Ajeeb Dan Gaske), dan takarar shugaban Dalibai na National Association of Zazzau Students (NAZAS), tare da tawagarsa. Dan takarar ya bayyana cewa sun kai ziyarar ne domin neman goyon baya da shawarwari daga Sakataren, yayin da yake takara na wakiltar dalibai a kananan hukumomi goma sha daya na lardin Zazzau.

A nasa jawabin, Sakataren ya yaba da ziyarar tare da ba shi shawarwari masu muhimmanci, inda ya bukace shi da ya kasance cikin shiri ko dai na nasara ko akasin haka. Ya kuma jaddada muhimmancin sadaukar da kai, juriya, da gaskiya a shugabanci, bisa la’akari da kwarewarsa a harkokin siyasa.

Haka kuma, Sakataren ya karbi bakuncin tawagar kungiyar UBA SANI 2WICE MOVEMENT, wadda fitacciyar kungiyar goyon bayan gwamna Senator Uba Sani ce a Zaria da Jihar Kaduna, karkashin jagorancin Kwamishinan Kudi, Ibrahim T. Muhammed. Sun kai ziyarar ne domin gaisuwa da nuna goyon bayansu.

Sakataren ya yabawa kokarinsu tare da sake jaddada goyon bayansa ga manufofin kungiyar, yana mai nuna kudurinsa na ci gaba da tallata shugabancin Gwamna Uba Sani da jam’iyyar APC a Zaria. Haka kuma ya yabawa shugabannin kungiyar bisa kokarinsu wajen ganin nasarar jam’iyyar APC a zaben 2027 mai zuwa.

Daga karshe, Sakataren ya karbi bakuncin mambobin JUSHI YOUTH PROGRESSIVE FORUM karkashin jagorancin Mallam Mustapha. Kungiyar ta bayyana ayyukanta da s**a hada da daukar nauyin jarabawar JAMB ga dalibai, tallafawa masu kananan sana’o’i, shirye-shiryen horaswa, da ayyukan ci gaban al’umma. Sun kuma jaddada goyon bayansu ga ayyukan gwamnati da kuma kudurinsu na ganin jam’iyyar APC ta samu nasara a zabuka masu zuwa.

A nasa jawabin, Sakataren ya yaba da irin gudunmawar da kungiyar ke bayarwa wajen ci gaban al’umma. A matsayinsa na dan unguwar Jushi, ya bayyana cikakken goyon bayansa da alakar sa da kungiyar. A matsayin tallafi ga ayyukansu, ya amince da bayar da gurbin tallafawa mata guda goma (10) domin bunkasa kananan sana’o’insu.

𝗦𝗶𝗴𝗻𝗲𝗱:
𝗛𝗮𝘀𝘀𝗮𝗻 𝗭𝗮𝗸𝗮𝗿𝗶𝘆𝘆𝗮
𝗣.𝗔 𝗠𝗲𝗱𝗶𝗮 𝗮𝗻𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻
𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝘂𝗻𝗰𝗶𝗹 𝗦𝗲𝗰𝗿𝗲𝘁𝗮𝗿𝘆
𝗭𝗮𝗿𝗶𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁 𝗖𝗼𝘂𝗻𝗰𝗶𝗹
𝟯𝟬𝘁𝗵 𝗔𝗽𝗿𝗶𝗹, 𝟮𝟬𝟮𝟲

30/04/2026

Alhamdulillah, Allah ya taimake Mu.

28/04/2026

A yammacin yau, wata kungiyar jajirtattun matasa wadda ta kunshi mata da maza muasu dogaro da kansu mai suna Modern Design Tailoring Organization daga Tudun Wada, Zaria, ta kai ziyarar ban girma ga Sakataren Karamar Hukumar, Hon. Shuaibu Abdullahi, a office dinsa, yayin da yake wakiltar Shugaban Karamar Hukuma, Engr. Jamil Ahmad Muhammad.

Kungiyar ta bayyana ziyarar tasu da nufin sake jaddada cikakken goyon bayansu ga Sakataren da kuma jam’iyyar APC a Zaria. Haka kuma sun yi amfani da wannan dama wajen bayyana kudirorinsu na inganta manufofinsu na siyasa da kuma ayyukan ci gaban al’umma.

A matsayin girmamawa ga shugabancinsa da kuma jajircewarsa wajen gudanarwa, tawagar ta karrama Sakataren da lambar yabo ta kwarewa (Award of Excellence).

A nasa jawabin, Sakataren ya nuna godiya bisa ziyarar tare da yaba wa kungiyar kan hadin kansu, dogaro da kai, da kuma rawar da suke takawa a siyasance da kuma wajen ci gaban al’umma. Domin karfafa musu gwiwa da tallafawa ga ayyukansu, ya ba su gudummawar Naira dubu hamsin (N50,000) domin su ci gaba da bunkasa kungiyar da ayyukanta.

𝗦𝗶𝗴𝗻𝗲𝗱:
𝗛𝗮𝘀𝘀𝗮𝗻 𝗭𝗮𝗸𝗮𝗿𝗶𝘆𝘆𝗮
𝗣.𝗔 𝗠𝗲𝗱𝗶𝗮 𝗮𝗻𝗱 𝗖𝗼𝗺𝗺𝘂𝗻𝗶𝗰𝗮𝘁𝗶𝗼𝗻
𝗢𝗳𝗳𝗶𝗰𝗲 𝗼𝗳 𝘁𝗵𝗲 𝗖𝗼𝘂𝗻𝗰𝗶𝗹 𝗦𝗲𝗰𝗿𝗲𝘁𝗮𝗿𝘆
𝗭𝗮𝗿𝗶𝗮 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁
𝟮𝟲𝘁𝗵 𝗔𝗽𝗿𝗶𝗹 𝟮𝟬𝟮𝟲

The Secretary Zaria LG

12/05/2026

08/05/2026

06/05/2026

05/05/2026

05/05/2026

04/05/2026

01/05/2026

30/04/2026

30/04/2026

28/04/2026

Address

Website

Alerts

Shortcuts

Share