Flora Turlag

Flora Turlag Flora Turlag skal arbeide for eit enkelt, aktivt, allsidig og naturvenneleg friluftsliv 🤩

Dette skjer denne veka ✨Tysdag 1. september🌿 Tur til Moldahytta med Signe Nordvik som turleiar. Vi går til Moldahytta fr...
29/08/2026

Dette skjer denne veka ✨

Tysdag 1. september
🌿 Tur til Moldahytta med Signe Nordvik som turleiar. Vi går til Moldahytta frå Ytrehus. Turen tek ca 1,5 time. Påmelding seinast kl. 20:00 kvelden før.

Tysdag 1. september
🌿 Unge Naturtalenter 2026/2027
Bli med på Unge Naturtalenter! Er du mellom 15 og 19 år og klar for eit år med friluftsliv, utfordringar og nye venner? Unge Naturtalenter er eit gratis, årslangt program der du får lære friluftsliv gjennom ekte opplevingar ute i naturen.

Onsdag 2. september
🌿Sopptur til Agledalen. Dette vert ein ettermiddagstur der ein både går tur, plukkar sopp og får kontrollert det ein finn av godkjend soppkontrollør 🍄‍🟫 Avreise kl. 16:30 frå Evja. Vi parkerer ved avkøyringa i Langedalen og går innover mot Angedalen. Undervegs plukkar vi sopp og snakkar om det vi finn. Framme i Angedalen kontrollerer vi korgene; ny kontroll før heimreise av det vi måtte finne på tilbaketuren. Turleiar og soppkontrollør er Fred Arild Grøneng.

Laurdag 5. september
🌿 Kom deg ut-dagen! Dette er DNT sin nasjonale aktivitetsdag for heile familien! 🚶‍♂️Vi inviterer til ein spennande og variert aktivitetsdag på Sørstrand Folkepark. Vi minner om at på alle Barnas Turlag turar og arrangement har omsorgspersonar ansvaret for sine eigne barn. Arrangementet starter kl. 12:00 og varer til kl. 15:00.

Søndag 6. september
🌿 Tur til Alden! Denne turen er eit samarbeid med Indre Sunnfjord Turlag. Vi går samla oppover frå kaia i Aldevågen og deler oss ved stiskille for dei som vil til Ytstenova 418moh først og deretter til Instenova 480moh ⛰ Resten av turfølget går rett til Instenova. Heile turen via Ytstenova og Instenova er omlag 6 km tur-retur. Turen rett opp til Instenova er omlag 4 km tur-retur.

Det kan bli samordna køyring frå Festplassen v/Laksen i Førde kl. 07:45 til Florø. Gi beskjed ved påmelding om du vil bli med på fellestransport og har bil eller treng transport. Avreise frå Fugleskjærskaia i Florø kl. 09:00 og retur kl. 14:00 frå Alden. Møt opp i god tid før avgang. Påmelding innan kl. 18:00 fredag kveld.

Påmelding og meir info finn du på lenka nedanfor 👇
https://www.dnt.no/dnt-der-du-er/dnt-sogn-og-fjordane/flora-turlag/vare-fellesturar/

Turtips - Steindalen 🌿Bruk UT-appen til fine nye turmål - Flora Turlag har 237 turmål og steder - i heile landet finn du...
27/08/2026

Turtips - Steindalen 🌿

Bruk UT-appen til fine nye turmål - Flora Turlag har 237 turmål og steder - i heile landet finn du 12 000 turmål og steder - på fleire av dei finn ein informasjon om turmålet som kan være kulturminne, fjelltopp, vadeplass mm. Flora Turlag har 139 turforslag i UT-appen - i heile landet finn ein over 9 000 turforslag. Flora Turlag har 5 hytter - i heile landet over 1 100 hytter.

Når du er på tur og bruker UT-appen og sjekkUT - legg gjerne att ei helsing om kva du ser eller korleis turen var. Bilde som seier litt om plassen. Dersom du ikkje vil skrive - sjekker du berre inn og du kjem i statistikken over turgåere. Ved innsjekk blir ein med på Turtrimmen til Flora Turlag.

Steindalen er fint turområde på hausten - som turen til Dyrdalen, Steindalsfjellet eller opp på Fagernipa.

Lista med SjekkUT finn du ved å søke på Flora Turlag Turtrim 2026 i UT-appen. Informasjon om Flora Turlag finn du på: https://www.dnt.no/flora

Dei som har besøkt flest SjekkUT-poster i turtrimmen 2026 har besøkt 158 SjekkUT-punkt og 258 besøk på ulike punkt. Den som har flest besøk har 276 besøk på 36 SjekkUT punkt. To personar har besøkt alle 241 punkta (tatt i løpet av 2 år).

Foto: Arnfrid Bergheim

‼️OBS‼️Øyane Over er dessverre avlyst på grunn av vêret. Klar for eit av årets vakraste tur? Søndag 30. august går vi Øy...
25/08/2026

‼️OBS‼️Øyane Over er dessverre avlyst på grunn av vêret.

Klar for eit av årets vakraste tur? Søndag 30. august går vi Øyane Over! 🤩

Turen har vore på programmet i over 40 år, og kan lett kallast ein klassikar! Turen tek deg med til øyane Hovden, Batalden, Skorpa og Kinn i skjergarden utanfor Florø ⛰🌊 Du kan velge om du vil gå over toppane eller langs sjøen på alle øyane.

Meir om Øyane Over finn du på vår nettside, link nedanfor 👇

https://aktiviteter.dnt.no/register/oyaneover202511_13112025014717 #/

Vakre og frodige Svanøy baud på sommar i dag, 25.august. Litt seint kanskje, men svært så kjærkomme for oss 10 som brukt...
25/08/2026

Vakre og frodige Svanøy baud på sommar i dag, 25.august. Litt seint kanskje, men svært så kjærkomme for oss 10 som brukte dagen til tur og sopplæring. Tre av oss valde å gå Nordsjøløypa, medan resten sykla til Kvalstad og tok austre stien opp til Vågsfjellet.
Soppen har i år brukt lang tid på å poppe opp og er ikkje så langt særleg artsrik. Men vi fann nok til at soppkontrolløren Fred Arild fekk nok å snakke om på turen opp, på god og tørr sti. Vel oppe kom nistepakken fram, og vi fekk eit fantastisk utsyn over øyriket her i Søre Kinn.
Så bar det nedatt same vegen og medan praten gjekk, skilde hovudet og beina lag, og vi hamna brått utanfor stien. Men ned kom vi langs eit hjortegjerde i eit søkk i terrenget og med humøret på topp.😅
Vel tilbake ved Svanøy hovudgard valde nokre av oss å svinge innom Austneståa og ta ein seinare båt heim. Dei opplevde nok ein idyllisk stad på unike Svanøy. Og måtte dette vêret vare til kommande turar i Flora Turlag utover hausten. 🙏

Program for veke 35 ⛰🌿Tysdag 25. august ☀️ Tur til Svanøy med sykkel, sopptur til Vågsfjellet 🚴‍♀️ Avreise Florø hamn kl...
23/08/2026

Program for veke 35 ⛰🌿

Tysdag 25. august
☀️ Tur til Svanøy med sykkel, sopptur til Vågsfjellet 🚴‍♀️ Avreise Florø hamn kl. 09:00. Signe Nordvik og Fred Arild Grøneng er turleiarar. Vi tek sykkel med på båten, eller ein kan låne sykkel på butikken om ein ynskjer (ring då 46829215). Vi syklar til Kvalstad/Norsk Hjortesenter, 4,7 km. Du kan også bli med på turen og gå Nordsjøløypa, frå Hovedgården til Hjortesenteret 🦌 Vi syklar/går tilbake til kaia. Kanskje rekk vi ein tur til Austneståna også. Båt kl. 15:15 eller kl. 16:55.

Fredag 28.-30. august
☀️ Padlehelg Smørhamn 2026. Då gler vi oss over å kunne invitere til padlehelg i Bremanger. OBS! Ingen ledige plassar.

Søndag 30. august
‼️ Øyane Over 2026 er dessverre avlyst pga. vêret.

Meir info og påmelding til turane finn du på vår nettside, link nedafor 👇🏻

https://www.dnt.no/dnt-der-du-er/dnt-sogn-og-fjordane/flora-turlag/vare-fellesturar/

Jubileumspadletur med Flora Turlag! 🌊🚣🏻‍♂️ Vi var 19 deltakarar som padla i sol og vind på onsdag ☀️
21/08/2026

Jubileumspadletur med Flora Turlag! 🌊🚣🏻‍♂️ Vi var 19 deltakarar som padla i sol og vind på onsdag ☀️

Tysdagsturen denne veka gjekk til Heia og Ørneklompen frå skianlegget ved Humlestøylen. Endeleg hadde vi vêrgudane på vå...
18/08/2026

Tysdagsturen denne veka gjekk til Heia og Ørneklompen frå skianlegget ved Humlestøylen. Endeleg hadde vi vêrgudane på vår side, blå himmel og ☀️ Vi gjekk opp lia til Langevatnet til vi kom vi opp på Heia, 703 moh. Der vart det matpause med fin utsikt mot Alnakken, Naustedalen, Blægja og øyane vest av Florø. Etter pausa gjekk vi ned att til Langevatnet. Ved demninga i austenden av vatnet var det i meste laget med vatten. Ved bruk av stavar og ei hjelpande hand, greidde vi å få alle velberga over. Så var det opp bratta til Ørneklompen og etter nokre småpauser og litt molteplukking var vi framme. Sola varma og det var ein nytelse å sitte der med den fine utsikta. Det vart sagt under pausa, at her skulle vi ha tatt middagskvilda😴. Men til slutt måtte vi bryte opp, for å gå ned lia til bilane. Under vegs blei det plukka ein del kantarellar og alle 14 var einige om at det var ein kjempefin tur🥾🏃‍♂️

Neste veke har vi mykje kjekt på programmet! ⛰🌿Tysdag 18. august ☀ Tur til Heia frå skianlegget ved Humlestølen. Her er ...
15/08/2026

Neste veke har vi mykje kjekt på programmet! ⛰🌿

Tysdag 18. august
☀ Tur til Heia frå skianlegget ved Humlestølen. Her er det SjekkUt. Turen tek ca. 1,5 t og er ein grei tur å gå. Vi kan ta tur til Ørneklompen på tilbakevegen. Oppmøte på Evja kl. 09:30 og samkøyring derifrå. Vel møtt!

Onsdag 19. august
☀ Onsdagspadling - jubileumstur rundt Florø. Vi samlast ved DNT-naustet på Prestholmen kl. 17:30. Retning blir lagt opp etter vêrforhalda.

Fredag 21.-23. august
☀ Helga 21.-23. august arrangerar vi praktisk stibyggerkurs i Kalvåg på stien mot stormhytta Dosabu. Kurset arrangerast i samarbeid med Utmarksressurs AS. Registrer deg innan kl. 16:00 torsdag 20. august. Oppmøte frå kl. 16:00 på Kjeldstad Feriehytter der vi fordeler oss på romma.

Laurdag 22. august
‼️Tur til Gjegnabu er dessverre avlyst!

Påmelding og meir info om turane og arrangementa, finn du i vår aktivitetskalender; link i bio.

Adresse

Florø
6900

Åpningstider

Mandag 10:00 - 15:00
Tirsdag 10:00 - 15:00
Onsdag 10:00 - 15:00
Torsdag 10:00 - 15:00
Fredag 10:00 - 15:00

Telefon

+4790699057

Nettsted

Varslinger

Vær den første som vet og la oss sende deg en e-post når Flora Turlag legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Flora Turlag:

Snarveier

Del