Lustramarknaden

Hjem
Norge
Gaupne
Lustramarknaden

Ein marknad for alle 🌞🌼🍃
Jubileumsutgåve 5.-7.juni 2026 - me fyller 40 år! Me gler oss til å feire ilag med dikka alle! 💛

Les meir på vår heimeside eller i innlegga her på sida om alt det fine du kan bli med på!

28/05/2026

Fredag 5.juni - gratis familiekonsert, grillmat og sosial ettermiddag!

Me vil invitera dikka alle til ein sosial ettermiddag fredag 5.juni ved scena vår ved Lustrabadet.

Denne ettermiddagen blir det grillmat frå SPAR Gaupne, marknad, leiker, open ungdomsklubb, konsertar, pizzabord på Gaupnetunet, fredagspub og ein koseleg ettermiddag ilag!

Me skal feira at Lustramarknaden er 40 år, me skal danse og me skal kose oss ilag!

24 år gamle Gunn Kvaale frå Sogndal er ein ambisiøs låtskrivar og popartist som allereie har utmerka seg som artist, og kan blant anna vise til milepælar som Luttprisen for “Årets artist” og turné med Maria Mena, fleire radiohits og over halvannan million streams på julelåta "Heim til deg", samt eit kritikerrost debutalbum fullt av ektefølte låtar som handlar om livet, kjærleik og å finne seg sjølv oppi det heile.

Fredag 5.juni er ho klar for å få deg til å føle, synge og danse når ho inntek scena vår for ei uforgløymelege konsertoppleving.

Før Gunn går på skal me få høyre elektronika musikk med tekstar på sognamaol frå Kroken Electronic Collective. K.E.C vart fødd under ein elektronika-festival i Kroken i 2012, og lagar og gjev ut musikk i ulike sjangrar.

Marknaden opnar kl 16.00 og kl 17.00 ynskjer me velkommen frå scena! 🩷

Tusen takk til gode lokalbanken vår Luster Sparebank som sponsar konsertane denne ettermiddagen.

26/05/2026

Konsertar på Lustramarknaden, laurdag 6.juni.

Laurdagen blir det ulike konsertar frå scena vår saman med prisutdeling til Årets Lustring, Årets bedrift og Luster Sparebank sine stipend.

Først ut er Allsang med Helga Farestveit og Heidi Vigdal.

"Å få Sognafolket til å syngja saman, er noko av det flottaste eg veit", seier Helga, og håpar at folk tek med songstemma si og syng med. Det blir songar for dei eldre, dei yngre og noko for dei i mellom. Frå gamle gode, slagerar i Ønskekonserten til ballader gjennom 70- og 80 åra, heilt fram til notidas populærmusikk. Kor mange av songane kjenner du? Det blir delt ut songhefter på borda.

Så kjem Ung scene på, som me skreiv om hin dagen.

Deretter spelar Hafslobelgen opp til dans.

Hafslobelgen er ein av landets eldste toradarklubbar, stifta i 1988. Dei siste åra har dei bite godt ifrå seg i tevlingar, med topplasseringar på Blømingsfestivalen, på Vestlandsmeisterskapen og under Landsfestivalen i gammaldans.
Under Landsfestivalen i 2025 i Oppdal vart dei kåra til den beste klubben i landet!

Me avsluttar programmet frå scena med ein konsert med den Ukrainske folkemusikkgruppa Vyshyvanka.

Dei framfører ukrainske folkesanger både a capella og med gitarakkompagnement. Dei har vunne internasjonale konkurranser med musikken sin.

Program med tidspunkter finn de på vår heimeside:
https://www.lustramarknaden.no/for-besøkande

Velkomne til Lustramarknaden 5.-6.juni. 🌸🍓🧋

23/05/2026

Om to veker går av stabelen, og me er med på å starte laurdagen med to treningsøkter! 🤩

På Morgonjogg tek me oss ein runde i området rundt Gaupne, med oppstart og avslutning ved Luster Trening. Runda vil vere på omtrent 6 km, og me tilpassar tempo til gruppa. Her kan du bli med uansett løpsform 😄

X-fit er eit konsept der me kombinerer både styrke og kondisjon, og nyttar både manualar, vektstong og eiga kroppsvekt. Her kan ein enkelt tilpasse intensitet etter nivå og ynskje. 💪

Treningane er gratis for alle!
Du melder deg på ved å følje lenkja i bioen vår på Instagram,
eller ved å scrolle deg ned til innlegget om Lustramarknaden på heimesida vår.

21/05/2026

Ung scene! 🎤🎶

Lustramarknaden heiar på unge artistar og sidan me har ei scene vil me gjerne dele den med ungdommar som har lyst å spele for eit publikum og vise seg fram! Me har plukka ut ein liten gjeng frå UKM i mars og me må berre sei at me er imponerte over kor mange dyktige ungdommar me har i regionen vår! ✨

Sequence of events er eit rockeband som består av Viljar, Jone og Gunnar, tre gutar på 13-14 år. Dei spelar energisk rock frå 70-og 80-talet, så her er det musikk mange vil kjenne att. Med seg har dei også lærar Henrik Hovland på bass.

Amalie er 15 år og går i 9. klasse på Luster ungdomsskule. Hennar store interesser er musikk (sang, ukulele) og dyr. Ho har sunge heile livet og sidan 2023 har ho vore vokalist i eit band som er ein del av Solvorn Rockeverkstad.

Tora kjem frå Leikanger og var ei av dei som utmerka seg under årets UKM, der ho deltok både solo, med duett og i storband. Ho spelar óg trombone i Leikanger Skulemusikk.

Me gler oss til dei skal stå på scena vår laurdag 6.juni! 🧡☀️🌸

20/05/2026

Masse god mat å smake på Lustramarknaden! 🧡

Reksta villsau er ny utstillar hjå oss. Lars Erik og Anita bur på øya Reksta utafor Florø der dei driv med villsau. Garden er økologisk driven og sauene går ute heile året der dei beitar på lynghei og innmark. Dei lagar spekepølse etter gamal oppskrift, dei gjer alt arbeidet sjølve og pølsene blir røyka heime på garden og tørkar i ei sjøbu. Dei lagar også fenalår, rognebærgelé og ramslaukpuré.

Almgard iskrem kjem tilbake til i år, med den gode isen og gaudaen deira. Laurien og Guus driv småskala gardsdrift i Feios og lagar iskrem basert på italienske oppskrifter. Med seg i produksjonen har dei blant anna Buskrei, Bernadotte, Aagje og Nora av sorten Telemarkskyr. Dei driv økologisk og er oppteken av så lokale produkt som mogleg. Sorbetisen lagar dei med hovudsakleg si eiga frukt, som bringebær, rips plomme og eple.

Bøtun er ein familiedriven gard som ligg 240 meter over havet på Lambhaug i Luster kommune. Mange kjenner nok Mathilde, Martin, familien deira og alt dei får til. Dei driv økologisk marknadshage og frå denne produserer dei mange ulike varer til matbordet. Sjokolade i ulike former, chutney, urtesalt, fermentert kål, blomstersukker med meir.

Ellevilt - kjøt og fisk brenn for kvalitet og tradisjonar. Bernt Alexander kjem med grillvogna si og har Glacier MC Luster sin eigen burger på menyen på marknaden. 😎 Ellevilt er lidenskap og matglede. Det er ingrediensar som skapar kvalitet på sluttresultatet. Når Ellevilt snakkar om kvalitet, meiner dei kvalitet heile vegen. Dyra skal ha gode forhold, kjøtet skal vere rett mørna og råvarene skal vere behandla riktig.

Dette var eit lite utvalg av dei som tek turen til oss under kategorien lokalmat på årets utgåve av Lustramarknaden. Me gler oss til å smake på all den gode maten og møte dei fine folka som produserer den!

Fredag 5.juni kl 16-20
Laurdag 6.juni kl 10-16

🍔🍗🧀🍎🍓🍦

12/05/2026

Laurdag 6.juni kl 11.30 blir det PUMPTRACKMORO på Pumptracken ved Gaupne skule!

Me får besøk av eit par karar som har vore med å bygd Kaupanger Rullepark. Dei skal vise oss sine beste triks og lære vekk nokre av dei etterpå.

Jørgen Sakariassen, 30 år, har mange sykkeltimar i banken, på både stisykkel og BMX. Etter å ha flytta til Sogndal og sett behovet for ein innendørs rullepark for å ha eit heilårs sykkeltilbod i regionen, tok han saka i eigne hender. No er Kaupanger Rullepark en solid arena for all rullande aktivitet året rundt. Jørgen er ofte i parken, og tykkjer det er veldig fint at barn, unge og voksne boltrar seg i dei mange anlegga i regionen!

Henrik Ulleland, 30 år, er ein aktiv syklist som har gjort seg godt til kjenne i det norske sykkelmiljøet. Enten er han på jobb i Rekkje, på dugnad som styremedlem i Sogn terrengsykkel eller ute og syklar og grev stiar på fritida. Han meistrer det meste, frå sti til dirt, frå BMX til landeveg. Du finn han helst på Kaupanger med bilen full av spader og syklar.

Dette blir moro!
Me gler oss til desse karane kjem på besøk til oss!

Ta med deg sykkel, sparkesykkel, rullebrett eller rulleskøyter og hjelm og møt opp ved Pumptracken i Gaupne i god tid før kl 11.30 laurdag 6.juni.

☀️🛴🚲🛹🛼🍦🥤

07/05/2026

Mange fine utstillarar er påmelde til årets Lustramarknad! 💛🌾

Det er veldig kjekt når nye utstillarar finn vegen til oss.

Veitastrond Triobakst er ei lita familiebedrift på Veitastrond, starta av Kristina, Kari og Åshild. No har Randi, barnebarnet til Kristina og svigerdotter til Kari, teke over verksemda. Ho har lært seg handverket av gründerane.

I kårhuset har ho laga til bakeri, der ho held fram med produksjonen av flatbrød, lefsekling og kaffilefser.

--
På få år er Nordigard Ramstad utvikla frå tradisjonell fjellgard med sauehald til eit blomstrande turist- og lokalmateventyr. Dei helde hus på Skjåk og tek turen over fjellet til oss.

Dei lagar stuttreiste kvalitetsprodukt for heim, hovud og hender – laga av eldsjeler med hjarte for det nære, heimelågå og naturlege.

Dei sel Gudbrandsdalskaku som det ryktast er ei svært etterspurt kake, så me er jo veldig spente på om denne blir med i bilen over fjellet? Gardsvertinna Gudrun lagar eigne heimelaga såper og hudpleieprodukt der det meste av ingrediensane er henta frå der garden ligg.

--
Årethun Foredling kjem frå Lærdal og dei måtte snu bilen sin i fjor grunna brannen som råka butikken deira, difor er det ekstra kjekt å ynskje dei velkomne til oss i år! Endeleg skal Lustringane og alle andre besøkande får sjå og smake på alt det gode desse damene produserer.

Årethun er stifta med hensikt å redda mengdar med frukt og bær. Dei er rundt om i private hagar, hjå bonden eller på pakkeriet og hentar frukt og bær. Desse råvarene foredlar dei til ærlege og smakfulle produkt som til dømes fryseturka frukt og bær, saft og syltetøy.

Kun 29 dagar att no til me opnar Gaupne sentrum for folket og arrangerar versjon 40 av Lustramarknaden! 🌼🌷🍒

Fredag 5.juni kl 16-20
Laurdag 6.juni kl 10-16

https://www.lustramarknaden.no/for-besøkande

04/05/2026

Program for jubileumshelga 5.- 6.juni! 🩵💛💚

Det er mange fine ting som skjer under jubileumshelga vår og her er ei oversikt over alt som skjer + program for scena laurdag 6.juni og alt av aktiviteter barn og unge kan bli med på.

Kan nevne at sidersmakinga på Gaupnetunet byrjar å fylle seg opp, så viss dette er noko du vil ha med deg er det lurt å kjøpe billett no. Alle aktiviteter som står billett eller påmelding bak må de kjøpe billett til eller melde dykk på. De finn meir informasjon og billettar under booking på vår heimeside. www.lustramarknaden.no

Me gler oss so masse til å dele denne helga med dikka alle!
So mange fine ting som skjer og eit mylder av aktivitetar, utstillarar, konsertar og mykje anna kos - akkurat slik me likar det! 🥰🍓☀️🌾🚜🎈🎶

--
Tusen takk til våre hovudsponsorar som gjer denne helga muleg - de er goe! 🩷 Luster kommune Luster Sparebank Lerum Avery Dennison Pyramiden Senter

24/04/2026

Då er booking for alle dei fine aktivitetane me skapar saman med lokale aktørar opna på heimesida vår! 🥰

Luster Trening
Laurdag 6.juni, kl 08.30-09.15, morgonjogg
Laurdag 6.juni, kl 08.30-09.25, X-fit. 16 plassar
Gratis for alle, både medlemmer og ikkje-medlem
Hugs å melde deg på!

Morgonbading på Lustrabadet
Laurdag 6.juni, kl 08.30-10.00
Søndag 7.juni, kl 08.30-10.00
Kr 100 pr pers

Yoga med Britt
Laurdag 6.juni, kl 16.00-17.15
kr 150 pr pers

Sidersmaking på Gaupnetunet:
Laurdag 6.juni, kl 19.00-21.30
kr 300 pr pers, 45 plassar

Kvelden blir innleia med historia om sidereventyret og Sider frå Sogn med Åge Eitungjerdet frå Ciderhuset Balholm.
Siderprodusentar frå Luster: Skjolden Sideri Kroken Fjordgard Luster Naturvin og Gaupnetunet sin eigen sider.

--
Her kan du booke og melde deg på: https://www.lustramarknaden.no/about-3-1

Velkommen til Lustramarknadens jubileumshelg 5.-6.juni der me feirar 40 år med mange fine ting på programmet gjennom helga! ✨

22/04/2026

Søker frivillige og folk som har lyst å hjelpa oss litt 🌼

Me treng litt hjelp under årets Lustramarknad, det er ein stor kabal som må gå opp og me manglar nokre hender. Er det nokon som har lyst å bidra litt?

Under er ei oversikt over nokre postar me treng hjelp til. Posten laurdag 6.juni mellom 11-15 er det lagt opp til at de kosar dikka på marknad, men held oversikt på borda rundt om at desse er fine. Me har eigne folk som fiksar søppel gjennom dagen, så er er kun litt rydding og tørking av bord😊

Dersom det er noko på denne lista du har lyst å bidra med, send ein melding til Cathrin på tlf 45230928 eller ein epost til [email protected] 🧡

20/04/2026

Morgonbad og sauna på Lustrabadet under jubileumshelga.💦🥽

Våre venner på Lustrabadet opnar tidleg denne helga for at dei som ynskjer kan få seg eit herleg morgonbad eller kanskje ein tur i saunaen før frukost og marknad?

Laurdag 6.juni: kl 08.30-10.00
Søndag 7.juni: kl 08.30-10.00

kr 100 pr pers.

Me er so heldige som har dette fine badet i kommunen vår! 🩵

Billettkjøp for alle aktiviteter opnar på vår heimeside onsdag 22.april. 👉 https://www.lustramarknaden.no/about-3-1

Velkommen til Lustramarknadens jubileumshelg 5.-7.juni 2026 der me feirar 40 år med mange fine ting på programmet gjennom helga! ✨

Adresse

Rådhusvegen 5
Gaupne
6868

Telefon

+4745230928

Nettsted

https://www.lustramarknaden.no/

Varslinger

Vær den første som vet og la oss sende deg en e-post når Lustramarknaden legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Lustramarknaden:

Snarveier

Vil du plassere din bedrift på toppen av Matvarebutikker-listen i Gaupne?

Del

Type

Bondens marked