14/06/2026
"स्वस्थ बाख्रा, सफल किसान" भन्ने नारासहित राष्ट्रपति महिला उत्थान जीविकोपार्जन सुधार कार्यक्रम अन्तर्गत आयोजित ५ दिने बाख्रा पालन सम्बन्धी तालिम कार्यक्रम श्री शुभभवानी कृषि सहकारी संस्था लिमिटेडका सचिव हरिस सिंह ठेकरे को सभापतित्व तथा अपिहिमाल गाउँपालिका वडा नं. ५ का वडा सदस्य सान्ती टमटा ज्यूको प्रमुख आतिथ्यतामा सम्पन्न भएको छ।
कार्यक्रममा वडा नं. ५ वडा सचिव श्रीमती मेनुका उपाध्याय, अपिनाम्पा संरक्षण क्षेत्र व्यवस्थापन समितिका सदस्य श्री सोभान सिंह लोथ्याल, अपिहिमाल गाउँपालिकामा शिक्षा शाखामा कार्यरत श्री कमल सिंह रोकाया लगायतको विशेष उपस्थिति रहेको थियो। तालिममा प्रशिक्षकद्वय श्री लिलाधर जोशी र श्री राजेन्द्र टमटाले बाख्रा पालन सम्बन्धी व्यावहारिक तथा प्राविधिक ज्ञान प्रदान गर्नुभएको थियो।
कार्यक्रम सफलतापूर्वक सम्पन्न गर्न सहयोग पुर्याउने सम्पूर्ण अतिथि, प्रशिक्षक, सहभागी तथा सहयोगीहरूमा हार्दिक धन्यवाद व्यक्त गर्दछौं। 🐐🌱🙏
