12/03/2023
Ikaw ba ang Jupiter o ang Venus? Mag-isa ka na lang na nakatanglaw sa Tindahan ni Lola Veray.
Araw-araw gigising ng maaga para magbukas ng tindahan, magluluto ng almusal na ibebenta at mamimili ng merienda at pananghalian ng mga regular na customer. Araw-araw na routine, kinakaya kahit masakit sa buto at katawan, kailangan magbanat ng buto para maging kapaki-pakinabang at may silbi sa society. Ang discriminasyon sa labas ng tahanan ay matindi. Manliliit ka kapag disabled kana at wala kang silbi kaya pinipilit mo parin maging normal sa paningin ng iba. Kinakaya ang mga gawain ng isang normal na tao. Ang hirap ng buhay ngayon, lahat ng paninda halos nagtaas na ng presyo. Ramdam ko na hindi lahat may pambili. Humina ang kita ng tindahan, dos pesos na tubo nauutang pa. Maliit na tubo na pinagtatyagaan kong ipunin para mapaikot pero ang puhunan ay hindi na sapat. Kaya simula sa April, ako ay magtataas ng presyo. 2nd quarter ng taon. Sana guminhawa ang ating mga buhay sa kabila ng pamahal ng pamahal na mga bilihin. Kaya kailangan natin dagdagan ang sipag at tyaga sa paghahanap-buhay.
Nawa'y sa mga susunod na buwan ng 2023 ay may bituwin pa rin na magbibigay liwanag sa ating mga kinabukasan.🙏🙏🙏