06/10/2018
MGA MAG-AARAL NG SHS, PUSPUSAN ANG PAGHAHANDA PARA SA DARATING NA DAGANGANAN 2018
Naging puspusan ng paghahanda ng mga mag-aaral ng senior high school ng Pambansang Mataas na Paaralan ng Fatima kanina kaugnay sa idaraos na Daganganan 2018 na magsisimula na sa Lunes.
Ilan sa mga mag-aaral ng bawat baitang ay nagpatayo ng mga tent at naglunsad ng mga booth gamit ang mga kawayan, dahol ng niyog, trapal at iba pang klase ng kahoy.
Gumawa rin ang ilang grupo ng mga estudyante ng mga banderitas upang gawing palamuti sa pagsalubong sa nasabing pagdiriwang.
"Puspusan ang aming preparasyon lalo na sa paggawa ng mga booth dahil kabilang ang mga ito sa pinakamahalagang mga event ng Daganganan 2018," saad ni Kristina Ranque, mag-aaral mula sa Grade 12 - STEM B at isa sa mga nakiisa sa paghahanda.
Bukod sa mga mag-aaral, nakiisa din si Napoleon Pabroa, g**o sa Entreprenuership, sa isinagawang preparasyon upang gabayan ang mga mag-aaral ng senior high school sa pagtatayo ng kanilang mga booth.
"Challenging at nakakapagod ang preparasyon, subalit parte ito ng application ng mga students sa kanilang mga natutunan sa asignaturang Entrepreneurship," pahayag ni Pabroa.
