07/07/2026
PAALALA: Bago umalis ng Pilipinas, tiyaking alam mo kung anong klase ng visa ang ibinigay sa iyo ng iyong recruitment agency o employer. Huwag basta umasa na kumpleto at tama ang lahat ng dokumentong ipinasa sa iyo.
Basahin at unawain ang nakasaad sa iyong visa. Alamin kung ito ba ay work visa, visit visa, o iba pang uri ng visa, at tiyaking tumutugma ito sa trabahong iyong papasukan.
Mahalaga rin na alam mo ang pangalan ng iyong employer, ang bansang pupuntahan, ang posisyong iyong aaplayan, at ang mga pangunahing detalye ng iyong kontrata. Kung may hindi malinaw, magtanong agad sa iyong recruitment agency o sa mga kinauukulang ahensiya ng pamahalaan bago ang iyong pag-alis.
Ang kakulangan ng kaalaman tungkol sa iyong mga dokumento ay maaaring magdulot ng abala sa immigration, pagkaantala ng iyong biyahe, o mas malalang problema pagdating sa bansang iyong pupuntahan.
Tandaan: Ang pagiging handa at may sapat na kaalaman sa iyong mga dokumento ay isa sa pinakamahalagang hakbang upang maging ligtas at maayos ang iyong pag-alis bilang OFW.
