Shem'z Store Beauty Products

30/10/2025

03/08/2025

No(CEBMB'99) Lucas 12:13-21:
"Ang Sambingay mahitungod sa Dato nga Buangbuang
¹³ Unya may usa ka tawo didto sa pundok nga miingon kaniya, “Magtutudlo, sultihi ang akong igsoon nga bahinan ako niya sa katigayonan nga gibilin kanamo sa among amahan.”
¹⁴ Si Jesus mitubag kaniya, “Kinsa may naghatag kanakog katungod sa paghusay o pagbahin sa katigayonan tali kaninyong duha?”
¹⁵ Ug mipadayon siya pagsulti kanilang tanan, “Pagbantay kamo ug likayi ninyo ang bisan unsang kahakog kay ang tinuod nga kinabuhi sa tawo wala diha sa mga butang nga iyang gihuptan bisan unsa pa siya kadato.” 1 Tim. 6:9 1 Tim. 6:17
¹⁶ Unya misugilon si Jesus kanila niining sambingaya: “Dihay usa ka dato nga may yuta nga maayog abot.
¹⁷ Namalandong siya, ‘Wala na akoy kabutangan sa tanan kong abot. Unsa may angay kong buhaton?
¹⁸ Ah, kini mao ang akong buhaton,’ miingon siya sa iyang kaugalingon; ‘gub-on ko ang akong kamalig ug magtukod ako ug mas dako diin akong tigumon unya ang abot ug ang uban kong mga kabtangan.
¹⁹ Unya moingon ako sa akong kaugalingon: Pagkabulahan nimo! Anaa na kanimo ang tanang mga butang nga imong gikinahanglan alang sa daghang katuigan. Pagpahayahay na lang, kaon, inom ug paglipay!’ Ecc. 2:24
²⁰ Apan ang Dios miingon kaniya, ‘Uy, buang! Niini gayong gabhiona mamatay ka, unya kinsa na may makapanag-iya nianang tanang butang nga imong gitigom alang sa imong kaugalingon?’”
²¹ Ug mitapos si Jesus pag-ingon, “Mao kini ang mahitabo kanila nga magtigom ug mga bahandi alang sa ilang kaugalingon apan dili dato sa atubangan sa Dios.”"

02/08/2025

18/07/2025

(CEBMB'99) Mateo 12:1-8:
"― 12 ―

Ang Pangutana mahitungod sa Adlawng Igpapahulay
( Mar. 2:23-28; Luc. 6:1-5)
¹ Usa niana ka Adlawng Igpapahulay, naglakaw si Jesus ug ang iyang mga tinun-an latas sa kaumahan sa trigo. Gigutom ang iyang mga tinun-an busa nangutlo silag mga uhay sa trigo aron ilang kan-on. Deut. 23:25
² Sa pagkakita niini sa mga Pariseo, miingon sila kang Jesus, “Tan-awa ra, dili ba supak man sa atong Balaod ang gihimo sa imong mga tinun-an niining Adlawng Igpapahulay?”
³ Si Jesus mitubag, “Wala ba diay kamo makabasa sa gibuhat ni David sa dihang gigutom siya ug ang iyang mga kauban?
⁴ Misulod siya sa balay sa Dios ug siya ug ang iyang mga kauban mikaon sa pan nga gihalad ngadto sa Dios bisag supak sa Balaod nga mangaon sila niadtong pan kay ang mga pari ra man ang gitugotan sa pagkaon niini. Lev. 24:9 (3-4) 1 Sam. 21:1-6
⁵ O wala ba diay kamo makabasa sa Balaod ni Moises, nga sa matag Adlawng Igpapahulay ang mga pari sulod sa Templo nakalapas man sa balaod sa Adlawng Igpapahulay apan wala sila ilha nga nakasala? Lev. 24:5-8 Num. 28:9-10
⁶ Sultihan ko kamo nga dinhi aniay labaw pa kay sa Templo.
⁷ Kon nakasabot pa lang kamo sa kahulogan niining bahina sa kasulatan nga nag-ingon, ‘Kaluoy ang akong gusto, dili mga halad,’ dili unta ninyo pakasad-on ang mga tawo nga walay sala. Os. 6:6 Mat. 9:13
⁸ Kay ang Anak sa Tawo mao ang magbuot sa angayng buhaton sa Adlawng Igpapahulay.” (1-8) Mar. 2:23-28 (1-8) Luc. 6:1-5"

12/07/2025

Playback 😍