25/01/2025
Learning facilities giturn-over ni Cong. Maricar Zamora-Mabanglo
Napamatud-an pag usab ni Davao de Oro first district Congresswoman Maricar Zamora-Mabanglo nga adunay buhat ang iyang slogan nga dihang iyang gipangunahan ang pag turn-over sa 2 Storey, 6 Classrooms Building sa Camansi National High School (Brgy. Camansi) ug 2 Storey, 4 Classrooms Building sa Magtaya Elementary School (Brgy. Mayaon), Lungsod sa Montevista.
Nahimong makasaysayan ang adlawng Byernes, Enero 24 para sa benepisyaryong mga tulunghaan diin natubag na ang dugay nang pangandoy nga dugang pasilidad.
Ang Camansi NHS adunay 315 ka mga estudyante, samtang ang Magtaya Elementary School anaay 186 ka estudyante.
Human sa turn-over ceremony, gi-anunsyo ni Zamora-Mabanglo nga magamit na gayud sa mga estudyante ug magtutudlo ang bag-ong gambalay.
“Kay sayod kita, makatabang kini sa ilahang komportable ug epektibong pagkat-on,” sigun ni Zamora.
Kauban sa kongresista atol sa short program sila Vice Mayor Aweng Lungtad, Dodong Cuarenta kauban ang Team Arangkada.
Anaa sab ang mga schools principals: Sir Jason Eyana ug Sir Ian Robillos, mga magtutudlo ug mga ginikanan.
“Isip usa sa naga-suporta sa pagduso sa budget sa DepED, padayon ang atong suporta sa natad sa edukasyon alang sa maayong ka-ugmaon sa atong mga kabataan,” matod ni Zamora nga nangandoy og tinood nga kaLAMBOan para sa probinsya sa Davao de Oro.
Si Zamora-Mabanglo nailhan nga walay puas sa pag pangusog sa pagduso og mga programang pang edukasyon gikan elementary hangtod kolehiyo bisan paman sa graduate school.
Mahinumduman nga mihatag si Zamora-Mabanglo bag-ohay pa sa duha ka topnotchers sa LEPT og tagsa ka P100,000 isip reward sailang paningkamot ug paghatag dungog sa probinsya.
Via Adam Bernabe Morrell
