14/02/2026
"NAMAID KAW"
BISMILLAH.
Naglalasa kita landoh sin awal tagnah,
Kasilasa sin kita mahunit hitugilah,
Janjih ta duwa sampay napas malawah,
Ikaw iban sin ako paglasa dih magutah…
KasLasa ko kaymo wayrOon sa liyuhOn,,
TupOt Ikaw sadja in ha laum jantOng,
Bisan pa in ka awnan napas kO bugtuOn,
Bang ha pasalan mO bisan mag saruOn dOon…
Kuyag sin atay kO bang ikaw in iban,
SaKaynagOn kO dum adlaw kaw kakitaan,
In Agi mo kakoh dih mO akO taykuran,
Pagsakali limawak kaw sin way pardusahan…
Tagha kaw Namaid way na nag balik,
In ikaw dayang kO nalawah na ha daig,
Pangatayan ko ini landOh nasakit,
Ha Pasalan mO luha na pulak palik…
Maytah mO iyawam bang mo dih da gunahon,
Binin mO isa isa huwat huwat mo balikOn,
Nalawah na sa kaw panton bukal alOn,
Dayang ko kalasahan pakain kaw lawagOn…
Kuhno pa baha kaw balik kakitaan?
Atay ko ini ikaw in angan angan,
Atasan ko libutOn dunya ginlupaan,
Ha supaya kaw dayang ko kalo kalanggalan…
Masi ako timatagad magbalik kaw pa daig kO,
Sabab yan in suwara wakto ka pamaid mO,
Sampay bihayaOn mag lawag lawag kaymO,
DAYANG kO malangka andOh balika na akO…
Hawno na in pagkasilasa daran mO pagsabbuton?
Mag uno na hi baran bang mO dih na balikon?
Sampay hakatugan mawmu kaw tagainupOn,
Ikaw kalasahan ha daig ko walah na sa doOn..
Bang ta kaw dih na kabatukan ha dunya ini,
Tagaran ta kaw tuyuan ha adlaw mahuli,
Kalo baha didtO magbalik kaw kakOh kumasi,
Biyah sin kasilasa mO tagnah daran mo hi pag subali..
Tattap kaw dayang kO ha laum sin atay,
LutuOn ta kaw sambil pa kamatay,
Ha habarat sin tuhan kalo didto mag tunay,
Ikaw iban ako lundang kasi panOn mag abay…
Mahuli in tarasul ini panumtuman da kuman,
Ha hambOok bagay biraddali Lingkatan,
Liyukis ko ini sabab siya in biyaktulan,
Kalo mahinang lunas ha palih sin pangatayan..
Mahuli wabahdu
wassalam wailallika
www.tarasulnet.com
Musician/band
