PRO Water and Power Division Diamer

PRO Water and Power Division Diamer Water and Power Division Diamer

11/08/2026

📢 اہم اطلاع برائے سولر صارفین

تمام سولر صارفین کو مطلع کیا جاتا ہے کہ جن افراد نے سولر پینلز کے لیے درخواست دی تھی اور جن کے نام منظور شدہ فہرست میں شامل ہو چکے ہیں، وہ 14 اگست 2026ء تک Transportation Challan جمع کروا کر بلنگ آفس چلاس سے اپنا Clearance Certificate حاصل کریں۔

بصورتِ دیگر 14 اگست 2026ء کے بعد کوئی فیس جمع نہیں کی جائے گی اور نہ ہی Transportation Challan قبول کیا جائے گا۔

سولر پینلز کی تقسیم کے عمل کے لیے نئی تاریخ کا اعلان 15 اگست 2026ء کے بعد کیا جائے گا۔

تمام متعلقہ صارفین سے گزارش ہے کہ مقررہ تاریخ کی پابندی کرتے ہوئے اپنے ضروری کاغذات اور فیس کا عمل بروقت مکمل کریں۔

شکریہ
محکمہ واٹر اینڈ پاور، دیامر

محکمہ برقیات کی جانب سے حاجی محمد فرقان صاحب کی ملازمت کی مدت مکمل ہونے پر ان کے اعزاز میں ایک پُروقار الوداعی تقریب کا ...
10/08/2026

محکمہ برقیات کی جانب سے حاجی محمد فرقان صاحب کی ملازمت کی مدت مکمل ہونے پر ان کے اعزاز میں ایک پُروقار الوداعی تقریب کا انعقاد کیا گیا، جس میں محکمہ کے ملازمین، ساتھیوں اور دوست احباب نے شرکت کی۔

تقریب کے دوران حاجی محمد فرقان صاحب کی محکمہ برقیات کے لیے طویل عرصے تک انجام دی جانے والی خدمات، محنت، فرض شناسی اور خلوص کو سراہتے ہوئے انہیں خراجِ تحسین پیش کیا گیا۔ شرکاء نے ان کی محکمہ کے لیے خدمات کو قابلِ قدر قرار دیتے ہوئے ان کے مستقبل کے لیے نیک خواہشات کا اظہار کیا۔

اس موقع پر حاجی محمد فرقان صاحب کو ملازمت سے باعزت ریٹائرمنٹ پر مبارکباد پیش کی گئی اور ان کی آئندہ زندگی کے لیے صحت، خوشی، سکون اور کامیابی کی دعا کی گئی۔

محکمہ برقیات کے افسران و ملازمین نے اس عزم کا اظہار کیا کہ حاجی محمد فرقان صاحب کی خدمات اور محکمہ کے لیے ان کی گراں قدر کاوشوں کو ہمیشہ قدر و احترام کی نگاہ سے یاد رکھا جائے گا۔

اللہ تعالیٰ حاجی محمد فرقان صاحب کو صحت و تندرستی، خوشیوں اور سکون سے بھرپور زندگی عطا فرمائے۔ آمین۔

عوامی نوٹسموضوع: غیر رجسٹرڈ صارفین کی رجسٹریشن کے حوالے سے اہم اطلاعتمام معزز صارفین کو مطلع کیا جاتا ہے کہ جو صارفین تا...
09/08/2026

عوامی نوٹس

موضوع: غیر رجسٹرڈ صارفین کی رجسٹریشن کے حوالے سے اہم اطلاع

تمام معزز صارفین کو مطلع کیا جاتا ہے کہ جو صارفین تاحال ادارے کے ریکارڈ میں رجسٹرڈ نہیں ہیں، وہ اس نوٹس کے اجراء کی تاریخ سے 10 دن کے اندر اندر اپنی رجسٹریشن لازمی طور پر مکمل کروائیں۔

تمام غیر رجسٹرڈ صارفین کو واضح طور پر متنبہ کیا جاتا ہے کہ مقررہ 10 روزہ مدت گزرنے کے بعد بلنگ/چیکنگ ٹیم کی جانب سے غیر رجسٹرڈ صارفین کی نشاندہی اور جانچ کا عمل شروع کیا جائے گا۔ ایسے صارفین کے خلاف قابلِ اطلاق قوانین و ضوابط کے تحت ایف آئی آر، جرمانہ اور دیگر قانونی کارروائی عمل میں لائی جائے گی۔

مزید برآں، اگر کسی غیر رجسٹرڈ صارف کو بجلی کے غیر مجاز/غیر قانونی استعمال میں ملوث پایا گیا تو اس سے قواعد و ضوابط کے مطابق سابقہ مدت کے واجبات، بل اور دیگر قابلِ اطلاق چارجز بھی وصول کیے جائیں گے۔

لہٰذا تمام صارفین کو ہدایت کی جاتی ہے کہ کسی بھی قانونی کارروائی اور اضافی مالی بوجھ سے بچنے کے لیے 10 دن کے اندر اپنی رجسٹریشن ہر صورت یقینی بنائیں۔

واضح رہے کہ مقررہ مدت کے بعد غیر رجسٹرڈ صارفین کے خلاف ایف آئی آر اور جرمانے سمیت قانونی کارروائی بلاامتیاز عمل میں لائی جائے گی۔

بحکم:
ایکسیئن
واٹر اینڈ پاور ڈویژن، دیامر

06/08/2026

📢 اہم اطلاع

تمام متعلقہ صارفین کو مطلع کیا جاتا ہے کہ آج سولر پینلز کی تقسیم اسسٹنٹ کمشنر، چلاس کے دفتر سے کی جائے گی۔

لہٰذا تمام متعلقہ افراد سے گزارش ہے کہ وہ مقررہ وقت پر اسسٹنٹ کمشنر چلاس کے دفتر تشریف لائیں اور اپنے ضروری دستاویزات کے ساتھ سولر پینلز وصول کریں۔

محکمہ برقیات

05/08/2026

📢 اہم اطلاع

تمام معزز صارفین کو مطلع کیا جاتا ہے کہ تھک نالہ میں دوبارہ سیلاب آنے کے باعث، حفاظتی اقدامات کے پیشِ نظر تھک کے دونوں پاور ہاؤسز (3 میگاواٹ اور 2 میگاواٹ) کو عارضی طور پر بند کر دیا گیا ہے۔

بجلی کی فراہمی حالات معمول پر آنے اور پاور ہاؤسز کو محفوظ قرار دیے جانے کے بعد بحال کر دی جائے گی۔

اس عارضی بندش کے باعث ہونے والی زحمت پر معذرت خواہ ہیں اور صارفین سے تعاون کی درخواست ہے۔

محکمہ برقیات، دیامر

تمام معزز صارفین کو مطلع کیا جاتا ہے کہ تھک نالہ کا پانی تاحال انتہائی گندا (سلٹ آلود) ہونے کی وجہ سے پاور ہاؤس کو چلانا...
05/08/2026

تمام معزز صارفین کو مطلع کیا جاتا ہے کہ تھک نالہ کا پانی تاحال انتہائی گندا (سلٹ آلود) ہونے کی وجہ سے پاور ہاؤس کو چلانا ممکن نہیں ہے۔ اس صورتحال میں مشینری کو نقصان پہنچنے کا خدشہ ہے۔

لہٰذا پانی کے صاف ہونے تک بجلی کی فراہمی عارضی طور پر معطل رہے گی۔ جیسے ہی پانی کی صورتحال بہتر ہوگی اور پاور ہاؤس کو محفوظ طریقے سے چلانا ممکن ہوگا، بجلی کی سپلائی فوری طور پر بحال کر دی جائے گی۔

04/08/2026

تمام معزز صارفین کو مطلع کیا جاتا ہے کہ تھک نالہ اور نیاٹ نالہ میں اچانک سیلاب آنے کی وجہ سے حفاظتی اقدامات کے تحت 3 میگاواٹ تھک پاور ہاؤس اور 2 میگاواٹ تھک پاور ہاؤس کو عارضی طور پر بند کر دیا گیا ہے۔

صورتحال معمول پر آتے ہی اور ضروری حفاظتی معائنہ مکمل ہونے کے بعد بجلی کی فراہمی بحال کر دی جائے گی۔۔
محکمہ برقیات، دیامر

چلاس ۔ ڈپٹی کمشنر دیامر لیفٹیننٹ ریٹائرڈ محمد اویس عباسی سے ایگزیکٹو انجینئر محکمہ برقیات دیامر محبت خان سولر پینل تقسیم...
04/08/2026

چلاس ۔ ڈپٹی کمشنر دیامر لیفٹیننٹ ریٹائرڈ محمد اویس عباسی سے ایگزیکٹو انجینئر محکمہ برقیات دیامر محبت خان سولر پینل تقسیم کے حوالے سے ملاقات کررہے ہیں

03/08/2026

اہم اطلاع برائے سولر پینل صارفین

تمام سولر پینل صارفین کو مطلع کیا جاتا ہے کہ جن صارفین کے نام 1 جولائی 2026ء سے 28 جولائی 2026ء تک جاری کی گئی فہرست میں شامل ہیں اور جن کے کلیئرنس سرٹیفکیٹس بھی جاری ہو چکے ہیں، لیکن انہوں نے ابھی تک اپنے سولر پینلز وصول نہیں کیے، وہ 5 اگست 2026 کو سولر پینلز C&W ورکشاپ سے حاصل کریں۔

مزید برآں، جن صارفین نے 28 جولائی 2026ء کو کلیئرنس سرٹیفکیٹ کے لیے اپنے دستاویزات جمع کرائے تھے، وہ 5 اگست 2026 کو بلنگ آفس سے اپنے کلیئرنس سرٹیفکیٹس وصول کریں۔

اہم نوٹ:
28 جولائی 2026ء کے بعد سولر پینل فیس/چالان جمع کرانے کا آن لائن لنک متعلقہ اعلیٰ حکام کی جانب سے بند کر دیا گیا ہے، لہٰذا اس تاریخ کے بعد کوئی نیا چالان جمع نہیں کیا جا سکتا۔اگر کسی نے آن لائن فیس جمع کی تو وہ خود ذمہ دار ہوگا ۔

Address

Water And Power Chilas
Chilas

Telephone

+923441010515

Website

Alerts

Be the first to know and let us send you an email when PRO Water and Power Division Diamer posts news and promotions. Your email address will not be used for any other purpose, and you can unsubscribe at any time.

Shortcuts

Share

Category