08/02/2023
یہ دونوں تصاویر کسی کیلنڈر کے بدلتے ہوئے سال کی طرح بدل گئیں دو ہنستے کھلتے چہرے پل بھر میں ختم ہو گئے۔
یہ تصاویر کسی مضبوط اعصاب والے انسان کو بھی توڑ کر رکھ دینے کیلئے کافی ہیں!
ایک ترک شہری میسوت، ساری رات اپنی پندرہ سالہ بیٹی ارماک لیلہ کا ہاتھ تھامے اس ملبے کے ڈھیر کے ساتھ بیٹھا رہا ہے جس کے تلے اس کی بیٹی کی میت موجود تھی۔ارماک ملبے تلے پھنسی رہی اور بالآخر دم توڑ گئی میسوت کو معلوم ہے کہ اس کی بیٹی اب زندہ نہیں ہے، مگر وہ بیٹی کو تنہا چھوڑنے کی ہمت نہیں کرتا ہے یا ایسی ہمت کرنا نہیں چاہتا۔
قدرتی آفات قدرت کیلئے شاید قدرتی ہوں، ہمارے لیئے محض آفات ہوتی ہیں۔
اللہ پاک ہمارے ترک بہن بھائیوں پر رحم فرمائے۔
اپنے پیاروں سے پیار کیجیئے!
دوسروں کے پیاروں سے پیار کیجیئے!
کیونکہ پیار قدرتی آفات کے ملبے تلے دب کر بھی نہیں مرتا!
