04/06/2026
ہاتھ میں پانی کی بوتل پکڑے کشمیر کا یہ نوجوان بھی سوچتا ہوگا کہ آخر پاکستان ٹیم میں اپنی جگہ بنانے کے لیے اور کیا کرنا پڑے گا؟
ایک ایسا اسپنر جس نے ڈومیسٹک کرکٹ میں اپنی صلاحیتوں کا لوہا منوایا، پی ایس ایل میں بہترین کارکردگی دکھائی اور وکٹیں حاصل کرکے خود کو ثابت کیا، لیکن اس کے باوجود مسلسل بینچ پر بیٹھا رہا۔
بات یہ نہیں کہ صفیان مقیم میدان میں اترتے ہی ہر میچ جتوا دے گا یا دس وکٹیں لے گا، بات صرف میرٹ کی ہے۔ جو کھلاڑی اپنی کارکردگی کی بنیاد پر موقع کا حق دار ہو، اسے کم از کم اپنی صلاحیتیں دکھانے کا موقع ضرور ملنا چاہیے۔
اگر دوسرے کھلاڑی مسلسل مواقع حاصل کر سکتے ہیں تو پھر صفیان مقیم کو کیوں نظر انداز کیا جا رہا ہے؟
ایک نوجوان کھلاڑی کی محنت، قربانی اور خوابوں کی بھی کوئی قیمت ہونی چاہیے۔
پاکستان کرکٹ کو تعلقات اور پسند ناپسند سے نہیں بلکہ کارکردگی اور میرٹ سے چلنا ہوگا۔ ورنہ نہ صرف باصلاحیت کھلاڑیوں کی حوصلہ شکنی ہوگی بلکہ قومی کرکٹ کا مستقبل بھی متاثر ہوگا۔
اگر آپ بھی سمجھتے ہیں کہ صفیان مقیم کو اس کا جائز موقع ملنا چاہیے تو اس آواز کو آگے پہنچائیں۔
