02/12/2022
دا خبره ما مخکښې هم ليکلې وه - چې څومره هم سافټ ډرنکس يا مشروبات دي - کۀ هغه د انرجي ډرنکس په نامه وي ، کۀ د سوډا ډرنکس ، کاربونېټډ ډرنکس او کۀ يا پۀ بله نامه وي - دا ټول د وجود له پاره زهر دي -
پۀ دغه يو ګلاس مشروب کښې کم از کم اتۀ يا لس څمڅوکۍ چيني وي - دومره چيني بيا اينه نشي ميټابولايز کولے او هغه پۀ اينې د چربي پۀ صورت کښې جمع کيږي - چې fatty liver بيماري جوړوي - د دې پۀ نتېجه کښې وزن زيات شي او شوګر مرض جوړولے شي - کوليسټرول زيات شي - چې د بلډ پرېشر او زړۀ بيماري پېدا کولے شي -
د دې مشروباتو له وجې يورک اېسډ زيات شي او د gout بيماري جوړوي - پۀ دې کښې فاسفورک اېسډ وي چې غاښونه او هډوکي کمزوري کوي - کېفين پکښې هم وي چې خوب تښتوي - بوتل چې د کولاوېدو سره کوم پرش کوي هغه کاربن ډائي اکسايډ ګېس وي - او کله چې تاسو وډرېقېږئ او وايئ چې د معدې نه ګېس خارج شۀ - هغه هم د بوتل هغه خپل کاربن ډائي اکسايډ وي -
دا مشروبات د پېسو او د صحت د زيان نه علاوه نور هېڅ هم نۀ دي - د ټولو نه ښۀ مشروب هغه دے - کۀ څوک وس لري نو ښۀ تازه فروټ دې اخلي او کور دې ترې مشروب جوړوي - او ماته دې دعا هم کوي 😊
ډاکټر ديدار يوسفزے
