Gujjar Etihad forum Jaba

Gujjar Etihad forum Jaba Official page of Gujjar Etihad forum JABA

20/05/2026

📍 خانپور ۔۔
خوش آئند خبر۔۔۔
چیئرمین گجر اتحاد فورم جابہ، جناب ملک وقار نور صاحب سے سردار محمد لیاقت صاحب کی خانپور پمپ پر اہم ملاقات ہوئی، جس میں گاؤں جابہ کے جملہ ترقیاتی منصوبوں پر تفصیلی تبادلۂ خیال کیا گیا۔
ملاقات کے دوران اس بات کی مکمل یقین دہانی کروائی گئی کہ گزشتہ گجر اتحاد فورم کی طے شدہ لسٹ کے مطابق تمام ترقیاتی کاموں کا جلد از جلد آغاز کیا جائے گا۔ابتدائی مرحلے میں:
✔️ پہلوان لینک روڈ کی پختگی
✔️ جابہ کلس میں بجلی کے مسائل کا فوری حل (فیز ٹو)
✔️ ٹارہ گلی میں بجلی کی فراہمی
✔️ کلوٹ (پلی) چھم اور کلوٹ (پلی) سردار دلدار
✔️ سکی کسی روڈ اور گڈوائی روڈ کی پختگی
یہ تمام منصوبے اسی فیز کا حصہ ہوں گے۔
گجر اتحاد فورم جابہ ہمیشہ کی طرح اپنی تمام تر توانائیاں بروئے کار لاتے ہوئے گاؤں جابہ کی تمام اقوام کی فلاح و بہبود اور علاقے کی تعمیر و ترقی کیلئے عملی اقدامات جاری رکھے گا۔
🤝 ترقی کا سفر جاری ہے — آپ کے تعاون سے!

💞تشکّر و امتنان💞جابہ چناری (PSO) پیٹرول پمپ کی پُروقار افتتاحی تقریب کے موقع پر محترم جناب راشد روشن صاحب کی جانب سے دی ...
12/05/2026

💞تشکّر و امتنان💞
جابہ چناری (PSO) پیٹرول پمپ کی پُروقار افتتاحی تقریب کے موقع پر محترم جناب راشد روشن صاحب کی جانب سے دی گئی خصوصی دعوت اور شاندار میزبانی پر ہم دل کی گہرائیوں سے اُن کے انتہائی مشکور و ممنون ہیں۔
اس باوقار تقریب میں جن معزز شخصیات کو خصوصی دعوت دی گئی،اُن میں گروپ
چیئرمین(گجر اتحاد فورم جابہ)
ملک وقار نور صاحب،
محترم گلستان صاحب(صدر کور کمیٹی گجر اتحاد فورم جابہ)
صفدر عرف (دفتر)،
لیاقت روشن،
حفیظ لطیف،
سردار دلدار ،
شکیل بھائی،
سردار ظہیر ،
اویس طفیل،
ریاض بھائی،
ملک سنی نور،
صدیر بھائی،
ملک عثمان،
سردار چنزیب،
اور ملک فیاض شامل تھے۔
محترم راشد روشن صاحب کی جانب سے مہمانوں کے اعزاز میں جس اعلیٰ درجے کا پروٹوکول،خلوص اور پرتکلف اہتمام کیا گیا،وہ یقیناً قابلِ تحسین اور یادگار ہے۔یہ محبت،عزت اور اپنائیت اُن کی اعلیٰ شخصیت کا منہ بولتا ثبوت ہے۔
ہم ایک بار پھر دل کی اتھاہ گہرائیوں سے محترم راشد بھائی کی اس پُرخلوص دعوت اور عزت افزائی پر شکریہ ادا کرتے ہیں اور دعا گوہ ہیں کہ
اللہ تعالیٰ انکے عزت و وقار میں مزید اضافہ کریں..
آمین ثمہ آمین۔۔۔
خصوصی تشکّر بجانب۔۔۔
میڈیا سیل گجر اتحاد فورم جابہ

10/05/2026

مبارکباد اور نیک تمناؤں کے ساتھ ایک خوش آئند آغاز۔۔۔۔۔
گجر اتحاد فورم جابہ کے صدر، نہایت معزز و محترم شخصیت شیر افضل میاں صاحب (اونر PSO پیٹرولیم)، ان کے قابل فخر فرزند فدا میاں اور جملہ معزز میاں برادران کو نئے پیٹرول پمپ کے پُروقار اور شاندار افتتاح پر دلی مبارکباد پیش کرتے ہیں۔
یہ محض ایک کاروباری کامیابی نہیں بلکہ گاؤں جابہ کی عوام کے لیے ایک اہم سہولت کا اضافہ ہے، جو علاقے میں ترقی، آسانی اور معیاری خدمات کی نئی راہیں ہموار کرے گا۔ ہمیں کامل یقین ہے کہ میاں برادران کی یہ کاوش مستقبل میں ایک مثالی سروس کا درجہ حاصل کرے گی۔
آج اس پُروقار افتتاحی تقریب میں گجر اتحاد فورم جابہ کے چیئرمین،محترم جناب ملک وقار نور صاحب اور محترم شکیل بھائی نے (خانپور)سے طویل مسافت کے بعد خصوصی شرکت کر کے اس خوشی کو دوبالا کیا اور میاں برادران کو اپنی جانب سے بھرپور مبارکباد اور نیک تمنائیں پیش کیں۔
دعا ہے کہ اللہ تعالیٰ میاں برادران کے اس نئے کاروبار میں بے شمار برکتیں عطا فرمائیں،اسے دن دگنی رات چوگنی ترقی نصیب کریں اور اسے اہلِ علاقہ، خصوصاً گاؤں جابہ کی عوام کے لیے خدمت کا بہترین ذریعہ بنائیں۔
آمین ثمہ آمین
💫 گجر اتحاد فورم جابہ
اتحاد، خدمت اور ترقی کا عزم ۔۔
میڈیا سیل۔۔گجر اتحاد فورم جابہ

03/05/2026

چیئرمین گجر اتحاد فورم جابہ، ملک وقار نور صاحب کی رہائش گاہ پر آج ایک اہم اور نتیجہ خیز ملاقات منعقد ہوئی، جس میں ٹھکیدار کامران صاحب نے خصوصی شرکت کی۔
ملاقات کے دوران علاقہ جابہ کی ترقی اور بالخصوص سڑکوں کی پختگی کے حوالے سے تفصیلی گفتگو کی گئی۔ ٹھکیدار کامران صاحب نے یقین دہانی کرواتے ہوئے دو ہفتوں کا واضح ٹائم فریم دیا، جس کے تحت فیز ون کے آغاز میں محلہ پہلوان روڈ کی پختگی کا باقاعدہ کام شروع کیا جائے گا۔
اس منصوبے کی تکمیل کے بعد علاقے کی دیگر لنک روڈز، جن کے ٹینڈرز وفاقی وزیر برائے مذہبی امور سردار محمد یوسف صاحب کی جانب سے جاری کیے جا چکے ہیں، پر بھی عملی کام کا آغاز کیا جائے گا۔ یہ اقدامات علاقہ کی تعمیر و ترقی میں ایک اہم سنگِ میل ثابت ہوں گے اور عوام کو بہتر سفری سہولیات فراہم کریں گے۔
اس موقع پر لیاقت روشن، سردار حفیظ لطیف، بشارت اور دیگر معزز احباب بھی موجود تھے، جنہوں نے اس پیش رفت کو خوش آئند قرار دیتے ہوئے مکمل تعاون کی یقین دہانی کروائی۔
گجر اتحاد فورم جابہ ہمیشہ کی طرح عوامی خدمت، علاقائی ترقی اور بنیادی سہولیات کی فراہمی کے لیے اپنی الحمدللہ کاوشیں جاری رکھے گا۔

28/04/2026

گاؤں جابہ میں آج بجلی کی طویل بندش پر چیئرمین ملک وقار نور صاحب و ٹیم انتظامیہ گجر اتحاد فورم جابہ کے فوری اقدامات—ٹیم ممبر سردار حفیظ لطیف کی کوششوں سے واپڈا ٹیم موقع پر پہنچی،جبکہ نوجوانوں اور اہلِ علاقہ کے تعاون سے مسئلہ حل کیا اور الحمدللہ بجلی بحال کروانے میں اہم کردار ادا کیا۔گجر اتحاد فورم جابہ اور پوری ٹیم کی جانب سے دل کی گہرائیوں سے خراجِ تحسین پیش کیا جاتا ہے بلخصوص جنمیں شامل تھے۔۔۔
محمد رمیض، محمد شکیل گڈوائی اور واپڈا کی ٹیم کو،جنہوں نے ایک کال پر فوری طور پر عمل کرتے ہوئے بجلی کی بحالی کا کام شروع کیا۔

آپ کی بروقت کارروائی، محنت اور ذمہ داری کا احساس قابلِ تعریف ہے، جو علاقے کی خدمت کا بہترین ثبوت ہے۔
منجانب۔۔چیئرمین و ٹیم انتظامیہ۔۔۔
گجر اتحاد فورم جابہ

25/04/2026

چیئرمین گجر اتحاد فورم جابہ جناب ملک وقار نور صاحب اور ٹیم ممبر حفیظ لطیف کی قیادت میں محلہ گڈوائی (جابہ) کاایک دیرینہ زمین کا تنازع احسن طریقے سے حل کر لیا گیا،جو محمد صدیق چاچا اور محمد شاہ زیب کے درمیان کافی عرصے سے جاری تھا۔
اس اہم مصالحت میں ملک اکرم اینڈ برادرز، عبدالرشید (مانہ ماما)، گل ثمر چاچا، شیخ راشد، محمد رفیق اور دیگر معززین نے دانشمندی اور تحمل کا مظاہرہ کرتے ہوئے کلیدی کردار ادا کیا۔ مشترکہ کاوشوں سے نہ صرف غلط فہمیاں دور ہوئیں بلکہ فریقین کے درمیان باہمی رضامندی سے صلح بھی ہو گئی۔
اس اقدام سے علاقے میں امن، بھائی چارے اور اتحاد کی ایک قابلِ تقلید مثال قائم ہوئی،جس پر تمام کردار ادا کرنے والے افراد خراجِ تحسین کے مستحق ہیں۔ٹیم انتظامیہ گجر اتحاد فورم جابہ ہمہ وقت کوشاں ھیکہ جرگہ کی صورت میں مسائل حل کرانے میں اپنا قلیدی کردار ادا کریں۔آپ تمام قابلِ قدر احباب کی توجہ کا بے حدّ شکریہ ۔۔۔

گجر اتحاد فورم جابہ کے چیئرمین جناب ملک وقار نور کی مدبرانہ قیادت میں پہلوان جابہ کا ایک نہایت سنگین اور دیرینہ تنازع، ج...
22/04/2026

گجر اتحاد فورم جابہ کے چیئرمین جناب ملک وقار نور کی مدبرانہ قیادت میں پہلوان جابہ کا ایک نہایت سنگین اور دیرینہ تنازع، جو کافی عرصے سے پیچیدگی اختیار کر چکا تھا، بالآخر نہایت خوش اسلوبی، دانشمندی اور باہمی افہام و تفہیم کے ذریعے حل کر لیا گیا۔ اس معاملے میں تمام فریقین کے جذبات اور حساسیت کو مدنظر رکھتے ہوئے ایسا متوازن اور منصفانہ فیصلہ کیا گیا جس نے علاقے میں امن و سکون اور بھائی چارے کی فضا کو مزید مضبوط کیا۔

اس کامیاب جرگہ میں معزز شرکاء نے بھرپور کردار ادا کیا، جن میں ملک وقار نور،ملک ممتاز،حاجی محمد دین، محمد اشفاق،جعفر صادق اورنگزیب لالہ پہلوان، محمد انور اور محمد خان شامل ہیں۔ان تمام معزز شخصیات کی سنجیدہ کاوشوں، اخلاص اور اجتماعی دانش نے اس پیچیدہ مسئلے کو خوش اسلوبی سے حل کرنے میں کلیدی کردار ادا کیا۔

یہ جرگہ اس بات کی روشن مثال ہے کہ جب قیادت مخلص ہو اور تمام شرکاء نیک نیتی کے ساتھ ایک پلیٹ فارم پر جمع ہوں تو بڑے سے بڑا تنازع بھی باہمی اتفاق رائے سے احسن طریقے سے حل کیا جا سکتا ہے۔ہمارا مشن پیچیدہ مسائل کو اپنی چادر اور چار دیواری کے دہلیز کے اندر رہتے ہوئے نہایت باعزت طریقے سے برزگوں کی سرپرستی میں بہتر طریقے سے حل تلاش کرنا اولین ترجیحات میں شامل ہیں۔۔۔اللہ تعالٰی ہمیں اتفاق ؤ اتحاد کیساتھ متحد رہنے کی توفیق عطا فرمائیں۔آمین ثمہ آمین

24/03/2026

چیئرمین گجر اتحاد فورم جابہ جناب ملک وقار نور صاحب کی سربراہی میں ایک اہم وفد کی ملاقات منعقد ہوئی، جس میں گاؤں جابہ کے بنیادی مسائل کو بھرپور انداز میں اجاگر کیا گیا۔
اس موقع پر چیئرمین صاحب نے سردار محمد یوسف کے سامنے بجلی کی فراہمی اور لوکل لنک روڈ کی پختگی کے حوالے سے نہایت واضح اور دو ٹوک مؤقف اپنایا۔ انہوں نے کہا کہ اگر ہمارے اجتماعی مسائل پر فوری اور ترجیحی بنیادوں پر کام کا آغاز نہ کیا گیا تو گاؤں جابہ کی گجر قوم سخت مؤقف اختیار کرنے پر مجبور ہوگی۔
سردار محمد یوسف صاحب نے وفد کو یقین دہانی کروائی کہ عید کی چھٹیوں کے بعد ان تمام مسائل پر عملی اقدامات کا آغاز کر دیا جائے گا اور واضح پیش رفت سامنے آئے گی۔
چیئرمین گجر اتحاد فورم جابہ نے آج ایک بار پھر واضح الفاظ میں کہا کہ یہ ہماری جانب سے آخری گزارش ہے، اب صرف عملی اقدامات ہی قابل قبول ہوں گے۔
گجر اتحاد فورم جابہ اپنی عوام کے حقوق کے لیے ہر سطح پر آواز بلند کرتا رہے گا اور علاقے کی ترقی و خوشحالی کے لیے انشاءاللہ اپنی جدوجہد جاری رکھے گا۔

Address

Village Sheep Farm Jaba District &Tehsil Manshera KPK
Mansehra
ISLAMABAD

Telephone

+923135001542

Website

Alerts

Be the first to know and let us send you an email when Gujjar Etihad forum Jaba posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Gujjar Etihad forum Jaba:

Shortcuts

Share