08/09/2026
سابق وزیراعظم عمران خان کے قریبی دوست صاحبزادہ جہانگیر کی ایک ویڈیو وائرل ہو رہی ہے جس میں انہوں نے کہا کہ عمران خان کی جب جمائمہ سے شادی ہورہی تھی تو مجھے ان کا فون آیا کہ میں لندن آ رہاہوں اور تمہارے گھر میں ٹھہروں گا، 10 دن کے بعد شادی ہے، ان کی بہنیں سب لوگ آ چکے تھے ، میں عمران خان کو کو لے کر آیا تو ان کے ہاتھ میں چھوٹا سا بیگ تھا ، میں نے وہ کھولا تو اس میں ایک کالا سوٹ وہ بھی الٹا سیدھا رکھا ہوا تھا اور ایک ٹائی پڑی تھی، میں نے بیگ اس لیئے کھولا تھا کہ کپڑے لٹکاوں گا ، میں نے کہا کہ تم ارب پتی لڑکی سے شادی کرنے آئے ہو اور یہ لائے ہو اپنے ساتھ، تو عمران مجھے کہنے لگا کہ چیکو تم نہیں بدلو گے، انسان باہر سے نہیں بلکہ اندر سے پہچانا جاتاہے، میں جب کپڑے لٹکا رہا تھا تو میری آنکھوں سے آنسو نکل آئے ۔
