24/03/2026
نئون ڳوٺ: پوليس ٿاڻي جي بالڪل سامهون چورن جي وڏي ڪارروائي غريب پورهيت موٽرسائيڪل کان محروم
نئون ڳوٺ (رپورٽ: اياز علي سومرو) نئون ڳوٺ ٿاڻي جي حدن ۾ بدامني جو وڌندڙ سيلاب چورن پوليس جي نڪ هيٺان ڪارروائي ڪندي هڪ غريب مسڪين جي موٽرسائيڪل چوري ڪري ورتي رپورٽ موجب نئون ڳوٺ ٿاڻي جي بلڪل سامهون نامياري پورهيت امين ساهڙ جي موٽرسائيڪل نامعلوم چور ڪاهي ويا موٽرسائيڪل چوري ٿيڻ بعد پورهيت امين ساهڙ ميڊيا اڳيان دانهيندي چيو تہ مان هڪ غريب پورهيت آهيان موٽرسائيڪل منهنجي روزگار جو واحد ذريعو هئي افسوس جو مقام آهي ته پوليس ٿاڻي جي اڳيان بہ شهري محفوظ ناهن چور بي خوف ٿي منهنجي موٽرسائيڪل چوري ڪري ويا آهن ۽ پوليس اگهور ننڊ ۾ ستل آهي پورهيت امين ساهڙ روئيندي ڊي آءِ جي حيدرآباد ۽ ايس ايس پي دادو کان گهر ڪئي آهي تہ واقعي جو نوٽيس وٺي سندس موٽرسائيڪل واپس ڪرائي وڃي ۽ علائقي ۾ وڌندڙ بدامني کي روڪيو وڃي تہ جيئن ٻيا شهري اهڙي نقصان کان بچي سگهن