Assistant Commissioner Muslim Bagh

30/10/2026

_اسسٹنٹ کمشنر مسلم باغ ماجد سلیم کا بی ایس ڈی آئی ترقیاتی منصوبوں کا دورہ، جاری کاموں کی پیش رفت اور معیار کا تفصیلی جائزہ۔_

اسسٹنٹ کمشنر مسلم باغ نے شہر میں جاری بی ایس ڈی آئی کے ترقیاتی منصوبوں کا معائنہ کیا، کام کے معیار کو مزید بہتر بنانے اور منصوبوں کو مقررہ مدت میں مکمل کرنے کی ہدایات جاری کیں۔

ویڈیو دیکھیں 👇

30/10/2026

مسلم باغ | RHC کان مہترزئی کا دورہ

اسسٹنٹ کمشنر مسلم باغ ماجد سلیم کا رورل ہیلتھ سینٹر کان مہترزئی کا دورہ۔

ہسپتال کی فعالیت، عملے کی حاضری اور طبی سہولیات کا جائزہ۔

عوام کو معیاری طبی سہولیات کی فراہمی پر زور۔

غفلت اور غیر حاضری پر کوئی سمجھوتہ نہیں ہوگا۔

عوامی صحت، انتظامیہ کی اولین ترجیح۔

28/10/2026

مسلم باغ
اسسٹنٹ کمشنر آفس مسلم باغ
اسسٹنٹ کمشنر مسلم باغ ماجد سلیم کے زیر صدارت کیسکو کوئٹہ الیکٹرک سپلائی کمپنی کیساتھ شہر کے سیاسی و سماجی رہنماؤں اور ایگزیکٹیو انجینئر کیسکو سرکل لورالائی صادق علی بگٹی اور سب ڈویژنل آفیسر کیسکو مسلم باغ عبدالاحد کے درمیان اجلاس منعقد ہوا جس میں شہر مسلم باغ اور گرد و نواح میں بجلی کے متعلق تفصیلی گفتگو ہوئے ایکسیئن کیسکو اور ایس ڈی او نے مختلف مسائل پر بریفننگ دی جبکہ عوام اپنے مسائل افیسران کے سامنے رکھ دی جس پر اگئے اقدامات اٹھانے اور اعلی حکام تک مسائل پہنچانے کا فیصلہ ہوا اخر میں اسسٹنٹ کمشنر مسلم باغ ماجد سلیم نے بتایا کہ ہر ممکن کوشش کرینگے کہ مسلم باغ شہر و گردونواح میں بجلی کا مسئلہ حل ہو جائے

27/10/2026

یومِ سیاہ کشمیر کے موقع پر ضلع قلعہ سیف اللہ میں تقریبات کا انعقاد

کان مہترزئی: 27 اکتوبر یومِ سیاہ کشمیر کے موقع پر گورنمنٹ بوائز انٹر کالج کان مہترزئی کے زیرِ اہتمام ایک خصوصی تقریب منعقد ہوئی۔ پروگرام کا آغاز تلاوتِ کلامِ پاک اور قومی ترانے سے کیا گیا۔

تقریب کے دوران طلباء نے کشمیر میں بھارتی مظالم کے خلاف پُرجوش تقاریر کیں اور کشمیری عوام کے ساتھ یکجہتی کا اظہار کیا۔

اس موقع پر اسسٹنٹ کمشنر مسلم باغ ماجد سلیم اور کالج کے پرنسپل منیر احمد ' لیکچرر حق نواز' لیکچرر مس فرزانہ نے خطاب کرتے ہوئے کشمیری عوام پر ہونے والے مظالم کی مذمت کی اور ان کے حقِ خودارادیت کی حمایت کا اعادہ کیا۔

تقریب میں اسسٹنٹ کمشنر مسلم باغ ماجد سلیم، پرنسپل گورنمنٹ بوائز انٹر کالج کان مہترزئی، اساتذہ اور دیگر شرکاء نے شرکت کی۔ تقریب کا مقصد نئی نسل میں مسئلہ کشمیر کے حوالے سے شعور اجاگر کرنا اور کشمیری عوام کے ساتھ اظہارِ یکجہتی کرنا تھا۔

27/10/2026

27/10/2026

مسلم باغ
یومِ کشمیر کے حوالے سے ریلی کا انعقاد
مسلم باغ میں 27 اکتوبر یومِ کشمیر کے حوالے سے ایک ریلی نکالی گئی، جس میں اسسٹنٹ کمشنر مسلم باغ ماجد سلیم مختلف لائن ڈپارٹمنٹس کے افیسران و اہلکاروں سمیت عوام کی کثیر تعداد نے شرکت کی
ریلی کا مقصد کشمیری عوام کے ساتھ یکجہتی کا اظہار اور مسئلہ کشمیر کو اجاگر کرنا تھا شرکاء نے کشمیری عوام کی جدوجہد اور حقِ خودارادیت کی حمایت کا اظہار کیا۔

26/10/2026

مسلم باغ: کنچوغی میں واٹر کورس کی بحالی کے کام کا معائنہ

مسلم باغ: اسسٹنٹ کمشنر مسلم باغ ماجد سلیم نے ایگزیکٹو انجینئر محکمہ آبپاشی کے ہمراہ کنچوغی کے علاقے میں جاری ترقیاتی منصوبے اور واٹر کورس کی بحالی کے کام کا معائنہ کیا۔

اس موقع پر منصوبے پر ہونے والی پیش رفت اور تعمیراتی کام کے معیار کا جائزہ لیا گیا۔ اسسٹنٹ کمشنر نے متعلقہ حکام سے منصوبے کے حوالے سے تفصیلات حاصل کیں۔

واٹر کورس کی بحالی کا مقصد آبپاشی کے نظام کو بہتر بنانا اور علاقے میں پانی کی فراہمی سے متعلق سہولیات میں بہتری لانا ہے۔

24/10/2026

مسلم باغ: اسسٹنٹ کمشنر ماجد سلیم کا پی ڈی ایم اے ایمرجنسی سینٹر کان مہترزئی کا دورہ

مسلم باغ: اسسٹنٹ کمشنر مسلم باغ ماجد سلیم نے موسم سرما کی تیاریوں کے سلسلے میں پی ڈی ایم اے ایمرجنسی سینٹر کان مہترزئی کا دورہ کیا، جہاں انہوں نے دستیاب انتظامات، افرادی قوت اور تعینات مشینری کا تفصیلی جائزہ لیا۔

اس موقع پر اسسٹنٹ کمشنر نے متعلقہ عملے کو ہدایت کی کہ کسی بھی ہنگامی صورتحال سے بروقت نمٹنے کے لیے تمام وسائل، مشینری اور افرادی قوت کو ہمہ وقت تیار رکھا جائے تاکہ عوام کو درپیش مشکلات کا فوری ازالہ یقینی بنایا جا سکے۔

انہوں نے اس بات پر زور دیا کہ عوام کی سہولت اور محفوظ آمدورفت کے لیے تمام متعلقہ ادارے اپنی ذمہ داریاں مؤثر انداز میں ادا کریں۔