جب قلمیں ظالم جابر کی عظمت کے قصیدیے لکھتی ہوں
جب حق کی باتیں کہنے پہ انساں کی زباں کٹتی ہوں
اس حال میں ہم دیوانوں سے تم کہتے ہو خاموش رہو۔
26/10/2025
بادشاہ مامون نے اعلان کروا دیا کہ جس نے قرآن کو کلام اللہ کہا تو گردن اڑا دی جائے گی قرآن کلام نہیں مخلوق ہے، سیکڑوں علما شہید کردیے گئے کئی جیلوں میں ڈال دیے یا ملک بدر کر دیے ایسے میں امام احمد بن حنبل ؒ امت کی رہنمائی کے لیے بڑھے اور ڈٹ گئے مناظرے کا اعلان ہوا ۔
لیکن مامون کے انتقال کے سبب ٹل گیا معتصم بااللہ حاکم بنا اور وہی عقیدہ باطل اپنایا اور امام کو مناظرے کے لیے بلایا گیا امام نے دلائل کے انبار لگا دیے لیکن معتصم کے سرکاری مناظروں کو ڈر کہ اگر ہار تسلیم کرلی تو جان سے جائیں گے تین دن مناظرہ ہوا امام کی ایک نہ سنی گئی ۔
اور امام کو ساٹھ کوڑوں کی سزا مقرر کر دی گئی جمعہ کا دن مقرر ہوا امام کو زنجیروں میں جھکڑ کہ لایا جارہا بغداد کے لوگ امام کی ایک جھلک دیکھنے کو امڈ آئے امام سر جھکائے جارہے ایک لمبا تڑنگا شخص ہجوم کو چیرتا چلاتا امام کی طرف لپکا ” احمد احمد “ مجھے جانتے ہو ؟؟
نہیں جانتا احمد میں ابو الحیثم ہوں بغداد کا سب سے بڑا چور امام میری پشت پہ نظر دوڑائیے میں نے ان کوتوالوں سے ہزاروں کوڑے کھائے لیکن چوریاں نہیں چھوڑیں دیکھنا امام کہیں انکے کوڑوں کے ڈر سے تم حق مت چھوڑ دینا کہ اگر میں نے چوریاں چھوڑ دیں تو صرف میرے بچوں کے پیٹ پہ فرق پڑے گا۔
لیکن اگر امام آپ اس وقت پیچھے ہٹ گئے تو امت برباد ہوجائے گی امام غش کھا کہ گر پڑے دربار میں ہوش آیا حبشی کوڑا لے کہ آپ پہ برسانے لگا جسم کی بوٹیاں اڑنے لگیں ٹانگوں کی ہڈیاں نمایاں ہو گئیں امام نے آہ تک نہ نکالی تیس کوڑوں کے بعد ایک شخص پاس آیا ” ایک دفعہ میرے کان میں چپکے سے کہہ دیجیے قرآن مخلوق ہے معتصم سے آپ کی سفارش کردوں گا “ امام نے ایک لمبی سانس لی اور فرمایا ” تو ایک مرتبہ میرے کان میں کہہ دے قرآن مخلوق نہیں اللہ کا کلام ہے قیامت میں میں اللہ کو تیری گواہی دوں گا۔
یہ دین اسلام جو ہم تک آن پہنچا اتنی اسانی سے نہیں پہنچا لاکھوں علماء حق نے اپنی جانوں کے نذرانے پیش کیے ہیں ۔
اے ایمان کا دعویٰ کرنے والو! اس ایمان اور اسلام میں جس کے دعویدار ہو پورے پورے داخل ہوجاؤ، تمہاری عافیت اسی میں ہے اور حق و باطل ایک ساتھ خلط ملط کر کے شیطان کی پیروی نہ کرو وہ تمہارا بہت بڑا دشمن ہے۔
Be the first to know and let us send you an email when Murtaza khan Baloch posts news and promotions. Your email address will not be used for any other purpose, and you can unsubscribe at any time.
