07/12/2025
المنشور هادا مش دفاع عن ،
بس حبيت ألفِت نظركم لبعض النقاط لأني لاحظت مبالغة في انتقاده وصلت للسب والقذف بشخصه
- إنت انتقدت فادي "المحتكر المستغل الحرامي إلخ" .. طيب ايش بالنسبة لحوالي 300 ل500 تاجر في قطاع غزة بيشتغلوا بنفس حجم تجارة وثروة فادي وبنفس طريقة التنسيق والدفع وبيبيعوا بنفس الأسعار المضاعفة؟ مش المنطقي لما بدك تنتقد الناس اللي "جوّعوك وسرقوك" تنتقدهم كلهم؟ ولّا فادي بنظرك هو اللي جوّع أهل غزة وجابلهم الموت والدمار والمجاعة وخراب الديار؟
- وبالنسبة للمنحة المالية فهي جاية من شخصين، هم فادي وشريكه، ليش مسكتوا في فادي وتركتوا شريكه؟ هادا ماله ملوّث مثلاً وهادا ماله مزوّق؟ مع إنه تجارتهم وحدة وتنسيقها واحد وتسويقها "وسعرها" واحد.
لا وحتى كمان عائلة الدحدوح بترفض منحة "المدعو" فادي الديب، مع إنه مفترض انه منحة عائلات الزيتون وصلتهم من شريكه "اللي هو من حي الزيتون"، مش من فادي. والمضحك إنه بعض العائلات عملت نسخ لصق لمنشور رفض المنحة المتداول مع إنه فادي ما عرض عليهم المنحة ههه. يلا مهوا ترند وبدنا ندلو بدلونا فيه
- بعض العائلات انبرى "عدد" من أبناءها يسبّوا فادي في سيل من المنشورات، وبغض النظر عن صحة الاتهامات إلا إنه بعض أبناء هاي العائلات اشتهروا بل وكانوا يتباهوا بالحديث عن سرقة قوت الناس وبيعه أيام المجاعة، وأنا اشتريت الطحين من ناس منهم الكيلو ب80 وب100 شيكل
طيب ليش ما انتقدت قريبك لما كان يدخن ب2000 شيكل كل يوم من قوت اولادنا؟ ع الأقل فادي اشتغل في الحرب على السجاير والجوالات وبعدها في الدراجات وألواح الطاقة، اللي ما كانوا يخطروا على بالي أيام المجاعة، مش في الطحين والمواد الغذائية.
- طيب انت شايف فادي الديب "محتكر وتاجر صعد نجمه في الحرب"، وقرر من ماله الشخصي يتبرع (كل شهر) ل1000 أسرة من الأيتام والمحتاجين من أبناء حيّه، طيب مش "المحتكر" اللي بيساعد الناس بعشرات آلاف الدولارات شهرياً أفضل من المحتكر اللي ما حدا داري فيه؟
(ونعم بقول ماله الشخصي لأنه طِلع من رصيده وكان ممكن يقرر ما يطلعه، بغض النظر عن تفاصيل كيف ومن وينله وو)
- بالنسبة لموضوع إنه المنحة لتلميع نفسه.. مئات العائلات والأشخاص بتعرف انه أيام المجاعة وقبلها وبعدها فادي كان يقدم للناس آلاف الطرود والوجبات الغذائية للناس، خصوصاً الرز المطبوخ، ووقف مع ناس كتير، هل حدا منكم شاف صورة أو منشور لتوزيعها يلمّع فيها نفسه؟
- منشور الرفض من العائلات ركّز على الطريقة "المذلّة" اللي عرضت بها المنحة، والمقصود انه العيلة تجيب كشف "لبيت" فادي، طيب هل كان المطلوب منه يركب سيارته ويلفلف عليهم ويترك تجارته وشغله؟ ليش هل هو مؤسسة خيرية أو مبادر؟ وبنظرك كيف كان ممكن يوصّل هادي الفلوس للناس؟
- كتير منّا بيجزم إنه معظم المبادرين لصوص ، وفتات المال بيوصل منهم للناس، ليش قبلته من المبادرين ومنه لا، مع إنه مال المبادرين جاي "كله" تبرّع للناس .. على الأقل كان ممكن على مدار 3 شهور تكسي 6000 أسرة من الأيتام وتقيهم برد الشتا، سيبهم يوصلوا للغلابا وخليك معتقد انه فادي وفلان وفلان مستغلين
- طيب انت بتعتقد انه فادي الديب تاجر مستغل، وبناءاً على اعتقادك فمن حقك تنتقده، بس ليش تسبّه في أهله وأهل بيته يا ابن الناس؟ وانت بتعرف انه ابن عيلة وأسرة محترمة ونضيفة ومناضلة من عائلات الشجاعية؟ انتقده هو مش تسب أهله، ووضح انتقادك وحاول ترفقه بالدلائل، وانتقد كل المستغلّين والمبادرين اللي استغلوا الناس
ملاحظة : جميع العائلات التي تم دعوتها للمبادرة حضروا جميعهم دون استثناء قبل ساعة البدء الا عائلة واحده اعتذرت وهذا يعتبر نجاح للمبادرة
وللتأكيد مجدداً، منشوري هادا مش دفاع عن فادي ولكن فادي ابو رامي صديقي من قبل الحرب كان ياخد مني جاج لمطبخه وكان في بينا شغل من ايام المزارع والجاج
