أهلاً بكم في عالم زينب 🤍
هنا أشارك يومياتي، أفكاري، وتجارب من الحياة كما هي
ببساطة، صدق، وطاقة إيجابي
26/06/2026
اليوم والله لا أجد كلاما أكتبه
أشعر أن الدموع أصدق من الحروف.
سلامٌ على الحسين، وسلام على كل قلبٍ حزن لمصابه، وسلامٌ على تلك الأرواح الطاهرة التي ارتقت في كربلاء وهي ثابتة على الحق.
يا أبا عبد الله، نسأل الله أن لا يحرمنا من محبتكم، وأن يجعلنا من السائرين على نهجكم.
لعنَ الله قاتليكم ومن رضي بما فعلوا إلى
يوم الدين.
عظّم الله أجورنا و أجور المؤمنين جميعًا في هذا اليوم
31/05/2026
مياوووو عليكم 😸🎀
شوفوا عيني عيني إحنا لابسين ملابس العيد من اول يوم لليوم ونتمشى ولحد هسه ننتظر العيدية!
كوكي حصل ملابس وحلويات واكل بس اني لا … (بيناتنا يعني 😉).
عود ليش يعني الواحد ينتقل من فئة “مستلمين” إلى فئة “مانحين” من نكبر.
يلا احچولنا، شكد أكبر عيدية استلمتوها؟ ومنو جان ينطيكم أحلى وأكبر عيدية؟
وبصراحة الدلال و أكبر العيديات جانت دائمًا من خوالي بس اعلى عيدية كانت من خالو كريم، الله يحفظه ويطول بعمره، ويرحم اللي راحو و يسكنهم جنات النعيم.
جنت كل ما يجي لبيتنا خطار ( ضيوف يعني باللهجة العراقية) و بعد ما نرجع من زيارة احد كذلك اطلعهم أحسبهن وحدة وحدة وأعيد العد إذا طلع الرقم مو عاجبني! 🤭💰
تحياتي
زينب
04/04/2026
كل ما نكول يا الله ها بدة الربيع
إلا و ابى الشتاء إلا ان يمد راسة و يدزلنا تذكير انه بأي لحظة نمطرها ثلج عليكم.
وتالي
صباحكم / مساءكم خير وبركة
24/01/2026
الحمد لله سبحانه وتعالى مرت علية اسبوعين كانت من اصعب ما تكون صحياً يومية رايحة جاية للطوارئ نامو مستشفى طلعوا من المستشفى وهزي رطب يا نخلة.
الحمد لله رغم التعب و الالم و اعباء هذه الدنيا التي لا تنتهي لكن قدر الله ولطف الحمد لله.
والله لن يضركم شيئ في السماء ولا في الارض
مادام الله يعلم دواخلكم وما تضمرون..
فحسبي الله تعالى ونعم الوكيل.
القادم احسن واجمل ان شاء الله تعالى.
.
22/01/2026
مو كل يوم أكون قوية…
بس كل يوم أختار ما أستسلم.
وهذا كافي.
اهتموا بصحتكم جدا و حبوا نفسكم
ومادامكم صح لا تلتفتون لأحد..
-ZA
31/12/2025
Happy new year
كل عام وانتم بخير و عام جديد مليئ بكل ما تحبون 2026
Be the first to know and let us send you an email when عالم زينب، Zainab’s World posts news and promotions. Your email address will not be used for any other purpose, and you can unsubscribe at any time.
