https://www.facebook.com/101070255635126/

Xil Aden Hussain Mohamed 'Aden Dirir', Burco (2026)

20/10/2025

RAGGU SADEX JEER BUU QADH-QADHAA!!!

Anigu laba jeeer waan soo maray midna ma soo marin, Ilaahay baan ka Magangalay Middaaas;;;;

Subax wanaagsan idilkiinba

30/08/2025

Cabdi Qays wuxuu yidhi.

Marba xuubka bilicdiyo
Talo lagaa xayuubshaa
Xurmo beel ahaataa
Oo aad xumaantaa
Wakhtigaa is xidhayoo
Mar buu sharafku xaydmaa
Ninkii laga xishoon jiray
Aan cidiba xaaleen
Ninkii laga xishoon jiray
Aan cidi ka xadhig xidhan Adduunyooy!!!!!.

Gudoomiyihii Golaha Wakiilada Somaliland buu ahaa, Ninkii Sadexaad ee Dalka ugu Sareeyey ayuu ahaa, Codkii iyo Cududdii Reer Somaliland ayuu Darajadaas ku gaadhay, Xisbiga Wadani ayuu ka tirsanaa, Golaha dhexe ayuu ka tirsanaa, Guddida Fulinta ayuu ka tirsanaa. Dalkan oo 14 Gobol ah buu haystay, Xisbi Qaran ayuu Furankaraayey, Madaxwaynaha Qaranka ayuu u Tartamikaraayey, Maantana wuxuu ku jiraa,

Marba xuubka bilicdiyo
Talo lagaa xayuubshaa
Xurmo beel ahaataa!!!!

17/08/2025

SIDAANNLA FILAAYO MADAXWAYNAHA SOMALILAND AYAA MAALMAHA SOO SOCDA MAGAALADA BURCO KUSOO WAJAHAN.

MADAXWAYNE C/RAXMAAN MAXAMED C/LAAHI (CIRRO) MUDDO SAGAAL BILOOD AH OO UU TALADA DALKA HAYEY WAA MARKII KOOWAAD EE UU MAGAALADA BURCO YIMAADO.

Su-aasha aan is waydiiyey waxay tahay, Madaxwayne C/raxmaan (Cirro) muxuu Reer Burco u sidaa?

Safarka Madaxwaynaha ee uu Burco ku imanaayo Annigoo Il Caafimaad qabta ku eegaya, Aqoontayda Gaabanna Adeegsanaya, Qaar ka mid ah Baahiyaha Burco ka Duulaya, aan Dhawr Qodob is yara dul-taago.

Ø Marka h**e Mudane Madaxwayne ku soo dhawow Magaaladaadii Burco ee aad Deegaan-ahaan kasoo jeedo,

Ø Marka Labaad Mudane Madaxwayne, waxaad tahay Madaxwaynihii Afraad ee Degmada Burco kasoo jeeda ee Dalkan Somaliland Madaxwayne ka noqday,

Ø Marka Sadexaad, Mudane Madaxwayne, Caqligii iyo Cuduuddii, iyo Codkii Dadwaynaha Reer Burco kugu doorteen ee ay waxba kala hadhin waa mid aad ogsoontahay oo Caad kaama saarna.

Ø Marka Afraad Mudane Madaxwayne, wixii Safarkaagan ka h**eeyay Burco waxaad iman jirtay, Adigoo Mucaarad ah, oo Musharax Madaxwayne ah, oo Burco Baahiyaheeda kala duwan Xogogaal u ah, oo Reer Burco wax yaabo badan u Balan-qaaday.

Ø Marka Shanaad Mudane Madaxwayne, markii Koowaad waxaad Burco imanaysaa Adigoo Madaxwayne ah oo Muddo Xilleedkaagii Sanad dhaw-dhaw Madaxwaynihii Qaranka Somaliland aad tahay.

Mudane Madaxwayne, Hal Qodob waa iga Xasuusin, , Hal Qodobna waa iga warbixin, Hal Qodobna waa iga Talo-soojeedin.

“XASUUSIN”

1. Mudane Madaxwayne 6-dii Gobol ee Somaliland ka koobnayd, Gobolka Togdheer wuxuu Xuduud la leeyahay 4 Gogol, waxaanay Gobolladaasi kala yihin, M/jeex, Saaxil, Sanaag, iyo Sool.

2. Waa Gobollka Xuduudda ugu dheer la leh Xadka Itoobiya,

3. Waa Gobolka Labaad ee Somaliland ugu wayn,

4. Waa Gobolka labaad ee Dadwaynaha Reer Somaliland ugu badan ay ku noolyihin,

5. Waa Gobolkii Koowaad ee Shirkii Somaliland lagaga Dhawaaqay marti-geliyey.

6. 6-dii Madaxwayne ee Dalka soo Maamulay, waa Gobolka 4 Madaxwayne kasoo jeedaan.

“WAR-BIXIN”

A. 5-tii Madaxwayne ee adiga kaa h**eeyay, waa Gobol Xaqqii iyo Xuquuqdii uu lahaa aan ka helin! Marka laga reebo Waddada Ceerigaabo iyo Burco, iyo Mashaariic yaryar oo aad u kooban.

B. Adeegyadii Dadwaynaha ee Dawladdu Bixin-jirtay waa Gobol aad iyo aad uga Arradan! Sida Caafimaadka, Waxbarashada, Tamarta, Waddooyinka, Dhaammamka, Biyo-xidheennada, ilaha Dhaqaalaha, iyo Adeegyada kale ee Dadwaynaha Muhiimka u ah.

C. Waa Gobol Xaqqiisii iyo Xuquuqdiisii inuu si Degdeg ah u helo baahan

“TALO SOO JEEDIN”

1. Mudane Madaxwayne, Madaxwaynayaashii adiga kaa h**eeyey, markay Degmada Burco Booqasho ku yimaadaan, Dadwaynihii Reer Burco ee Madaxwaynahooda doonaayey inay arkaan, ee doonaayey inay war-bixin siiyaan, ee doonaayey inay Madaxwaynahooda wareeystaan, waxaa ka Mashquulin jiray, oo Meel ay Madaxwaynaha u maraan ka waayi-jireen, intii Madaxwaynaha Hargaysa kasoo Raacday ee Waftigiisa ka mid ahayd!
Dadwaynaha Reer Burco si aanay taasi ugu dhicin, Mudane Madaxwayne Adiga iyo Reer Burco yaan Cidi idiin kala Turjumin! Yaan Cidi idin kala Mashquulin! Muddada yar ee aad Burco Booqashada ku joogto Dadwaynaha Reer Burco Jaaniskooda siisaa.

2. Mudane Madaxwayne, Dhismaha Dawladnimo ee Somaliland leedahay waa Sadex Madax, A. FULIN, B. SHARCI DEJIN, C. GARSOOR.
Fulinta waxaa ugu Sareeya Sadex Xafiis oo kala ah A. Xafiiska Madaxwaynaha, B. Xafiiska Madaxwayne ku xigeenka, C. Xafiiska Arrimaha Gudaha.
Sharci dejinta waxaa ugu sareeya laba Xafiis oo kala ah,Guurtida iyo Wakiilada. Garsoorka waxaa ugu Sareeya Maxk**adda Sare. Total waa 6 Xafiis.

Ciidamada Qaranka waxaa ugu sareeye 4 Xafiis oo kala ah, Xarunta Guud ee Booliska, Xarunta Guud ee Meleteriga, Xarunta Guud ee Asluubta, Xarunta Guud ee Sirdoonka.
4+6=10 Xafiis. Xafiisyada Wasaraadaha A-da ah sida, W/Maaliyadda, W/Caafimaadka, W/Waxbarashada, W/Gaashaandhigga, W/Macdanta W/H/Guud. Oo noqonaya 6 Xafiis. 6+10=16 Xafiis.

Mudane Madaxwayne 16-ka Xafiis Dhammaantood in Hargaysa laga dhigo ma Caddaalad baa? Mudane Madaxwayne waxaan Tallo kusoo jeedinayaa inaad 6 Xafiis Burco usoo Rarto.

3. Mudane Madaxwayne waxaa Muhiim ah Gobol kasta iyo Degmo kasta wax soo saarkeeda iyo Afaca Eebbe siiyey in looga danbeeyo, Degmada Burco waxaa ku taala Seyladda Xoolaha ee Somaliland ugu wayn, Xoolihii Degmada Burco Xaq u lahayd in lagu Cashuuro,
in loo diido oo Degmo kale lagu Cashuuro ma Caddaaladbaa?
Badeecadda Degedda Berbera kasoo Degtay, maxaa Burco ama Ceerigaano loogu Cashuuriwaayey?
Mudane Madaxwayne Badeecad kasta halkii ay Dalka kasoo gashay in lagu Cashuuro ayey Caddaaladdu tahay, sida Gaadhiga Degedda Berbera kasoo Degay loogu Cashuuro, Xoolaha Gobolka Togdheer soo galay waa in Degmada Burco lagu Cashuuraa,
Mudane Madaxwayne Xeerkan Cashuuraha Berriga ee Cid Gaar ah lagu Naasnuujinaayo waa in Shirci dejintu Wax ka Bedel ku sameeysaa.

4. Mudane Madaxwayne Gobolka Togdheer Waddooyinka Muhiimka ah ee Dalka oo dhan Munaafacaadka u leh, Sida Waddada Burco, Oodwayne ilaa Hargaysa, Waddada Burco iyo Waraabeeye, Waddada Qoryaale iyo Ballidhiig, Waddada Wadaamo’go iyo Qurulugud ilaa Buhoodle, Mudane Madaxwayne Waddooyinkaas Kor ku xusan waa inaad Muhiimad Gaar ah siisaa oo Mashaariicda ugu Horeeysa ee Xukumaddaadu Fulinayso aad ka dhigtaa.

5. Mudane Madaxwayne Adeegyadii Dadwaynaha ee Dawladdu Bixin-jirtay Sida Caafimaadka, Waxbarashada, Tamarta, Waddooyinka, Dhaammamka, Biyo-xidheennada, ilaha Dhaqaalaha, iyo Adeegyada kale ee Dadwaynaha Muhiimka u ah, sidii aad Kor ugu qaadi-lahayd waa inaad Xoogga saartaa, oo Gobolkan Adeeeggiisa Bulsho Kor usoo qaaddaa.

FRD: Xildhibaan Aadan Xuseen Maxamed (A.Dirir)

13/08/2025

Markaan arko Qof leh, Annagoo Reer Maygaag ah, Annagoo Reer Galool ah, Annagoo Reer Qudhac ah, haddaan sidaas la yeelin waxa dhaca waa la arkidoonaa!! Ayaan is idhaahdaa si Boqolkan Qof ee Wadanka degen isu waayaan, yaa Afar Malyan Shan Malyan oo Qof China ama Hindiya kasoo qaada oo Wadanka keena!

Sababtoo ah Dadkeenu, ama Muwaadiniinta Reer Somaliland ee Wadanka degen, Qof kasta Subaxdii marka uu soo kaco ee Suuqa usoo baxo wuxuu arkayaa Qofkii uu Weligii arkaayey ee Garanaayey ee Magaciisa iyo Abtirsiimadiisa iyo Qabiilkiisaba Xafidsanaa!
Taasina waxay Sabab u noqotay in Qabyaaladii Garab iyo Gaashaan laga dhigto!
Lkn Qofku marka uu Subaxdii soo kaco, haddii uu Boqol Qof oo kala Midam ah, kala dal ah, kala Af ah Arkilaha, Qabyaaladan iyo Reer Hebelnimadan Cidiba ma Xasuusateen.

Sanadkii 2008-dii waxaan tagay Xajka, Oday Reer Burco ah oo Nin wayn ah ayaa naga lumay! 2 Casho ka bacdi ayaanu Odaygii helnay, Nin Dhintay oo Nuux Cabdi Cadde la odhanjiray AHUN ayaa Odaygii ku yidhi. Intii aad maqnayd Cid Soomaali ah ma aragtay?
Odaygii ayaa si Qiiro leh u yidhi, SOOMAALI BAA BADANNA HA IGA HADHDHO!! Laba Habeen iyo Laba Maalin baan soconaayoo Idinka Mooyaane Wallaahay baanan Qof Soomaali ah Arag!!

Dadkeenu Reer Hebel ayey ku Seexanayaan! Reer Hebel ayey kusoo Toosayaan! Reer Hebel ayey is Arkayaan, Reer Hebel ayey wax wada Cunayaan! Reer Hebel ayey wax ka Iibsanayaan Dabadeedna Afkii Reer Hebel ayey ku Hadlayaan!!

Horaa loo yidhi, ADHI-JIR WAXAY ARAGTO ORGI-QOODHKA UGU WAYN!!! Ninkan 50/60 jirka ah, Tan iyo Maalintu Garaadsaday, Ilma Dibqalooc iyo Ilma Kaneeco ayuu Arkaayey oo ku Garaadsaday oo Imikana ay wada joogaane ma isagaa Cid kale ba Arkay!!

Labada Wiil ee Walaalaha ah ee 8/9 jirka ah, markay Gurigooda joogaan way is maagayaan! Way is dilayaan! 24-ka Saac Waalidku iyaga ayey kala Celinayaan! Balse Labadan Wiil marka ay Isguulka qabtaan isma Dilaan! Ismana Maagaan! "Oo Tollow Sababtu waa maxay"?

Sababtu waxa weeye, Labadan Wiil marka ay Gurigooda joogaan Indhahoodii baan Cid kale arkayn! Markay Isguulka qabtaanna Indhahoodii baa Meel kale u Jeesanaya oo Ummad kale ku Mashquulaya!!

Guntii iyo Gabogabadii Indhaha Dadkeena Cid kala Mashquulisa ayaa loo baahanyahay.

11/08/2025

GOORMAA KULMIYE CID GAAR AH YEELATAY? GOORMAA KULMIYE DEEGAAN GAAR AH LA SIIYEY? GOORMAA KULMIYE ARRIMIHIISA SALAADIINI KA TALISAY?

GO-AANNADA GUDOOMIYAHA XISBIGA KULMIYE SOO SAARO GOORMAY WAXBA K**A JIRAAN NOQOTAY?!!!

“WAAR ILLEEN ANNAGAA WAX ARAGNAY!!”

23 Sanno oo Xisbiga Kulmiye jiray waa Maalintii Koowaad ee la yidhaahdo Deegaan Gaar ah ayaa Xisbiga Kulmiye soo saaray! Oo Tollow 2002-dii Kulmiye ma Deegaan Gaar ah baa soo saaray? Oo Tollow 2012-kii yaa Xisbiga Kulmiye soo saaray? 2024-kii wixii Ololle iyo Kaabeyn, iyo Orod naga dhacay goormay waxba k**a jiraan noqotay?

Ma Buuni oo Saaka Xilkii laga qaaday, iyo Wiil yar oo Reer Hebel sheeganayaa Kulmiye u kala Abtirinayaa?
Marka Madaxwayne la Dooranaayo, ama Xisbi la Dooranaayo, ama Xildhibaan la Dooranaayo Deegaanada Somaliland way kala Cod badtaan. Balse Dadkii Shacabka ahaa ee Xisbigoodii Kulmiye soo saaray in Codkoodii la kala sheegto maxaa imika keenay?

Shirwaynihii Labaad ee Xisbiga Kulmiye 2008-dii buu dhacay, Ex Madaxwayne Muuse Biixi 2010-kii ayaa si ku meel Gaadh ah Gudoomiyaha Xisbiga Kulmiye loogu doortay, Doorashadii Axsaabta Qaranka 2012-kii ayey dhacday, Kulmiye mar Labaad ayuu Xisbi Qaran noqday, Shirwaynihii Sadexaad ee Xisbiga Kulmiye wuxuu ku eekkaa 2013-kii, Ex Madaxwayne Muuse Biixi, oo Wakhtigaas Gudoomiyaha Xisbiga Kulmiye ahaa, Shirwaynihii Xisbiga Hal Sanno ayuu dib u dhigay, waxaana Shirwaynihii Sadexaad la qabtay 2014-kii.
Maalintaas “ BUUQ, iyo QAYLO, iyo MURAN, Muuse Biixi Cidi kuma keenin!

Haddii Maanta Maxamed Kaahin Xisbiga Kulmiye Gudoomiye ka yahay, oo isaga iyo Guddidii Fulintu Shirwaynihii Xisbiga Laba Sanno Dib u dhigtay, “ QAYLADAN iyo BUUQAN iyo DEEGAANNADAN la kala sheeganaayo maxaa keenay?.

Guntii iyo Gabogabadii Xisbigan Kulmiye, Salaadiini k**a Taliso, Nin Cadheesan oo Xilkii laga qaadayna k**a Taliyo, Deegaan Gaar ahna k**a Taliyo. Xisbigan Kulmiye Hogaan buu leeyahay, Guddi Fulin ah buu leeyahay, Gole Dhexe ayuu leeyahay, Shuruuc iyo Xeer lagu Maamulo ayuu leeyahay, Dib-u-Dhigista Shirwaynaha Xisbiguna waa Sharci, Ninkii wax kale u jeedaa isagay u taallaa! Ninkii Cid Gaar ah wax la Jecel yaanu Kulmiye kusoo Gabban!
IGA DHAN.

22/07/2025

Aragtidaada Siyaasadeed Mid hadba Dheriga Bisil ku dhowaata yaanay noqonin !!!!

Balse Aragtidaadu waa inay Guurguurka Siyaasadeed Necebtahay! Waa inay Guul-darada ogoshahay! Waa inay Samir iyo Dulqaad ku Dhisantahay! Waa inay Hir Fog wax ka Hilaadisaa !!

MASKAXDAADU YEY NOQON
MAQAL LAGULA LEEYAHAY
YAAN TOBAN MUFTAAX IYO
LAGU FURAN MASAABIIR!

MAGACAAGU YUU NOQON
MID XUMAAN KA MARAG'KACA
SIDA MACAWSAHA QAAR
NIN BA MAALIN YUU XIDHAN!
HADBA KII MURAAD LEH
HA UGA DHIGIN MAQAAR-SAAR

MAR WAXAAD DHADHAMISIYO
MIJIN QAAD AH HA U DHIMAN

Ibraahin Gadhle Alle ha u Naxaristo.

15/07/2025

KULMIYE WAA KULMIYE.

KULMIYE LIISAN QARAN BUU HAYSTAA OO 10 SANNO AH, SANADKII KOOWAAD, AHNA 23JIRKIISII.

Saaxiibkayow hor mid ila fahan, Khilaafka iyo Aragtida kala duwan waa Sunnaha Nolosha, Xisbi kastaana Khilaaf waa ku iman jiray waana ku imandoonaa!
Lkn waxaa kala duwan Wakhtiga Khilaafku yimi, iyo Sababtii uu ku yimi.

Xilligii Xisbigu Doorashada keli-lahaa oo wax yar ka hadhsantahay haddii xisbiga khilaaf ku yimaado, %85 Xisbigaasi waa Guul dareeystaa!
Doorashooyinkii oo Muddo dheer ka hadhsantahay haddii Xisbiga Khilaaf ku yimaado %85 Xisbigaasi waa Guulaystaa.

Sababto ah de wakhtigaa dheer ee Doorashada ka hadhsan ayuu Xisbigii soo kobcayaa oo kor usoo kacayaa.

Markaa Kulmiye loo baqimaayo, Aragtida Siyaasadeedna waa lagu kala duwanaadaa oo taasi mid cusub maaha,

12/07/2025

INNAALILAAHI WAA INNAA ILEEHI RAAJUCUUN,

GEERIDU WAA XAQ, QOFNA ADUUNYADAN KU WAARIMAAYO.

WAXAA IMIKA GEERIDIISA LAY SHEEGAY ALLE HA U NAXARISTE SULDAAN C/RAXMAAN QODAX JAAMAC.

Ilaahay Suldaanka ha Naxaristo Ilaahay qabriga ha u waasiciyo, Ilaahay jannatu farduusa ha ku macsuumo,
Ehelkiisii iyo Qaraabadiisi iyo Asxaabtiisi iyo Dhammaan reer Somaliland, Gaar-ahaan Bahda dhaqanka Somaliland Ilaahay Samir iyo iimaan ha ka siiyo.

Alle ha u Naxariste Suldaanka si wacan baan u aqaanay, Sanadkii 2019-kii 10 casho ayaaanu guri ceel-afwayn ku yaala wada degenayn oo hawl nabadayn ah u joognay, intii ka h**eesayna si fiican ayaanu isu naqaanay.

Wuxuu ahaa Addoon aad iyo aad u wanaagsan, wuxuu ahaa Addoon Cibaado badan, wuxuu ahaa Addoon samo-talis ah oo Nabadda ka shaqeeya oo Dadka isu soo jiida, wuxuu ahaa Addoon islaaxa iyo wanaagga ka shaqeeya.
Ilaahay ha u naxaristo Ilaahay danbigiisa ha u dhaafo.

11/07/2025

Gefka adiga kugu dhacay
Inta aan la guda gelin
Gefka adiga kaa yimi
Garawshiiyaheedii
Marka h**e gole keen!

JIMCIHII TAGAY ALLE KHAYRKIISA HA INA WAAFAJIYO,

09/07/2025

Su-aashaan ku saabsan 2029'ka Musharaxa Madaxwaynaha iyo inuu Madaxwayne C/raxmaan Cirro mar labaad isa soo sharaxaayo, ka jawaabidaydo aanay imika ku habboonayn, taasina ay muujinayso Waaya'aragnimo-la'aan siyaasadeed.
Haddana inuu madaxwaynuhu mar labaad isa soo sharaxaayo ma Daah baa idinka saaran?

03/07/2025

Labadan Mujaahid" waa Alle ha u Naxariste Muj Marxuum Maxamuud Axmed Cali (Kumbulsho) iyo Gudoomiyaha Xisbiga Kulmiye Muj Maxamed Kaahin Axmed Alle ha Xafide.

Sawirkani waa 1991'ka Bilawgiisii Maalmihii Burco laga saaray Dawladdii Kelitaliska ahayd.
Goobtu waa isla Magaalada Burco, Eeryadaa Xerada Killaha. Labadan Sargaal, Waxay ka mid ahaayeen Saraakiishii Ciidamadii SNM Hogaaminaysay.

Waa Laba Sargaal oo isu Awoow ah, isku Deegaan ah, waa Laba Sargaal oo Adhigoodu Kob wada Daaqo" waa Laba Sargaal oo ka tirsanaa Saraakiishii Ciidamadii Meletariga Soomaaliya, waa Laba Sargaal oo Ruushka iyo Maraykanka wax kusoo bartay" waa Laba Sargaal oo Khibradoodu tahay, Sahanka iyo Hawlgelinta Ciidamada Meletariga, iyo Madaafiicda Goobta,

Waa Laba Sargaal oo kasoo Horjeestay isla markaana Qoriga u qaatay Nidaamkii Kelitaliska ahaa ee Maxamed Siyaad Barre Hogaaminaayey, waa laba Sargaal oo xilliyo kala duwan Jabhaddii SNM ku biiray.
Xilliyadaasoo kala ah, Bilawgii Sanadkii 1982'kii iyo Badhtamihii Sanadkii 1989'kii.
Waa Laba Sargaal oo Xilal kala duwan kasoo qabtay Jabhaddii SNM, sida Xoghayaha Guud ee SNM, Abbaanduulihi Ciidamada SNM, Taliyaha Aagga Bari ee Ciidamada SNM, Taliyaha Madaafiicda Goobta ee Aagga bari, Taliyaha Guutadii 1'aad ee Fadhigeedu ahaa Warcibraan, Beelli'eeday iyo Meelo kale, iyo Xilal kaloo aanan Halkan kusoo koobi-karayn.

Markii Dalka la Xoreeyey, Labadan Sargaal waxay kala noqdeen, Wasiirka Gaashaandhigga iyo Xildhibaan Golaha Wakiilada Somaliland ka tirsan.

Xasuustaydii Labadan Sargaal;

Sanadkii 2008'dii Habeen Habeenadiisi ka mid ah, Aniga iyo Alle ha u Naxariste Marxuum Maxamud Axmed Cali, Annagoo Goor Fiid ah Gurigiisa joogna, oo Balli-xajiin, Ceelmadoobe, kuraha Yucubbuur, iyo Dagaalkii Gubadxariir ka sheekeesanayna, ayaa waxaa noo yimi Gudoomiye Maxamed Kaahin Axmed oo Marxuumka ay deris ahaayeen.

Salaan ka dib, mar keliyaa jawigii is bedelay! Oo maxaa dhacay?
Sheekadii aan fahmaayey inta laga Guuray ayaa Ruushka, iyo Maraykanka, iyo Kuuliyadihii ay kasoo Qalin-jabiyeen, iyo Dagaalkii 77, iyo Saraakiishii Ciidamadii Soomaaliya, iyo Saraakiil ay u Hajabeen, iyo Saraakiil ay Amreen, iyo Marxaladihii Jabhaddii SNM, iyo Arrimo kaloo ay isla fahmayeen ka sheekeesteen!

Markii Sheekooyinkoodii aan ku Dhago'barjoobay ayaan ku idhi. Ee bal Joogga Joogga, si aan idin fahmo Qalloocan iyo Ballidhiig Sheekada kusoo celiya! Hhhhhhhhhhhhh,
Inta ay Qosleen ayuu Maxamed Kaahin igu yidhi. Shimbirba Shimbirkiisa ayuu la duulaaye ha nala yaabin!

Is Barashadayadii Saraakiishan.

Alle ha u Naxariste Marxuum Maxamud Axmed Cali waxaanu is baranay 1990-kii isagoo Warcibraan ka yimi oo Gaadhi Tikniko ah wata ayuu Qalloocan noogu yimi.
Gudoomiye Maxamed Kaahin Axmed 1996-kii Magaalada Yiroowe isagoo Subax Alle ha u Naxariste Aabahay Xuseen Maxamed Mire ay wada joogaan ayaanu is baranay.

Marxuum Maxamud Axmed Cali, Ilaahay ha u Naxaristo, Ilaahay qabriga ha u waasiciyo, Ilaahay jannatu Farduusa ha ku Macsuumo.
Gudoomiye Maxamed Kaahinna Ilaahay Cimriga iyo Caafimaadkaba ha u Barakeeyo.

26/06/2025

DABAR'GO-A XOOLAHA IYO DEEGAANKA BAABA'AY!!!

Ummadda Somaaliland wax soo saarkooda koowaad waa xoolaha nool, Xooluhuna meesha ay ku noolyihin ee ay ku dhaqanyihin waa Deegaanka Miyiga ah, Deegaankii Miyiga ee Xoolaha lagu dhaqan jiray Afar Qodob oo aad u xun oo Deegaankii baabiiyey ayaa ka jira!
Afartaa Qodob waxay kala yihin.

A: Dhulkii Daaqsinka ahaa ee Xoolaha lagu dhaqan jiray waa la Deegaameeyay! Reer kasta Guri ayuu Deegaameeyey oo 10 sanno aanu ka guurin! Gurigaas 10-ka Sanno aan laga guurin, waxa Digo, iyo Dabas, iyo Qashin dul yaala waad yaabaysaa! Waxaa kaloo jira, Dhulkii Gurigaas u dhawaa, ee Xooluhu Daaqilahaayeen, Ciiddii iyo Dhirtii ayaa Dhimatay! Sababtoo ah waa dhul la Deegaameeyay oo aan 10 Sanno laga guurin!
Xittaa Reerkaasi haddii uu Gurigaas ka guuro Bil wax ka badan ka maqnaan-maayo! Midda kale Gurigaas waa laysla yaqaana oo Dadku wuxuu ku odhanayaa, waa Gurigii Reer Hebel oo Cid kale ma Degi-karto!

B: Guri kasta waxaa ka qodan Baraag yar oo Bac lagu riday oo Biyaha lagu shubo oo ilaa 40 Foosto qaadaysa! Baraagtan yar waxaa Biyaha ku shubaysa Booyad Tuulada Biyaha kasoo qaadaysa! Marka Roobku Da'o Baraagtan yar Gacan ay biyuhu usoo raacaan ayay leedahay oo Roobka ayaa Buuxiya!

Baraagtan yar Reerka ayaa ka dhaansada! Waxaa Meeshii ka baxay oo Dabar-go'ay Awrtii Reerku lahaanjiray ee uu Dhaasanjiray ee uu ku Guurijiray! Reerka ugu fiican ayaa Laba Awr oo Caato ah leh! Reeraha qaarna Dhawr Dameer ayey leeyihin oo ay Tuulada Raashinka kaga soo qaataan! Halka Reeraha intooda badan aanu wax Gaadiid ah lahayn!
Baraagtan yar waxaa laga waraabiyaa Xoolaha Reerku leeyahay, taasina waxay keenaysa sabadii gurigu inay nabaad-guurto! Waxay keenaysa gurigii in uu noqdo Ceel laga cabbo!

C: Guri kasta waxaa gasha Waddo Baabuurku usoo maro! Waddadaasi dhibaatooyin badan ayey deegaanka ku haysaa! Waxaa ka mid ah marka Roobku da'o biyihii dhulka ku faafilahaa ee Doogga soo saarilahaa Waddadii Baabuurka ayey raacayaan! Meel Doox ah ama meel Godan, ama Balli ayey biyihii ku shummayaan Dhulkii Roobku helayna Doog kaso biximaayo!

D: Reerkii markii uu 10 Sanno Guriga ka Guuriwaayey ee uu Deegaameeyay waxaa la jarjaray Dhirtii ! Dhirtu Faa-idooyin aad u waawayn ayey Dadka iyo Xoolaha iyo Deegaankaba u leeyihin, balse Dadkii markii Dhulkii Daaqsinka ahaa Deegaameeyay ee Baraag ka qoteen Dhirtiina way gumaadeen!

Sababta ay u gumaadeenna waxaa weeye, Xero Xoolaha lagu Xareeyo ayey ka dhigteen, Aqallada ayey ku oodteen! Baraagaha yaryar ayey ku oodaan! Ardaa ayey ka sameestaan! Xaabo ay dabka ku sh*taan ayey ka dhigtaan! Iyo wax yaabo kale! Taasina waxay Sababtay in Dhirtii intoodii badnayd Nabaad-guurto!

Afartaas Qodob ee Deegaamadii aan tagay kusoo arkay waxay Sabab u noqdeen in Xoolihii sii dabar-go'ayaan!

Qiyaastaydii Xoolaha Nool.

Fardihii %95 way Dabar-go'een!
Lo'dii %90 way Dabar-go'day!
Idihii %60 way Dabar-go'een!
Awrtii la raran jiray % 80 way Dabar-go'een!
Geelii inyaroo Caato ah oo la Seeteeyo oo Fiidka Tuulada akteeda lagu soo xareeyo ayaa kasii Qiiqqaysa!
Deegaamadii waxaa kusoo badtay Dameerkii oo aad u tarmaaya! Dhibtiisa iyo Dheeftiisa ka badan aanan garanayn!

Guntii iyo Gabogabadii, Xoolaheenii iyo Deegaamadii ay ku Noolaayeen waxay u baahanyihin Talo Qaran.

Bye: Xildhibaan Aadan Xuseen Maxamed (A-Dirir)

Xil Aden Hussain Mohamed 'Aden Dirir'