هيئة مدخنين الأركيلة في دمشق

هيئة مدخنين الأركيلة في دمشق تأسست رداً على قرارات الرعناء لوزارة الأوقاف

22/12/2025

بتعرفوا...؟؟؟!
في معلومة صغيرة ما حدا بيعرفها عن معسل النخلة...!
هذا المعسل صاحب أعلى سلطة و شهرة عرفها التاريخ بالهيمنة الطويلة على السوق....
طبعا بنظري هوي كتير عادي مقارنة بأنواع أخرى..بس لفكرة وين الفكرة أنو التطبيل المبالغ في للنخلة خلق فجوة كبيرة بين الشعوب المؤركلة و وضعك أنت كَ مؤركل غير نوع عرضة للتنمر و السخرية((بدوخ من النخلة))..
حتى ظهر جيل جديد و شركات منافسة أقصت هذا النوع من السوق و صار في حرية انتقائية بين المؤركلين...
طبعا هي الحرية غير موجودة بمجتمعنا الاجتماعي و السياسي قبل ما نوجدها بالسوق ...
بس يلي اشتغل ع حالو و عمل نكهة عصرية قدر يغير وجهات نظر كبيرة بين الناس...
و نحن هيك واجبنا اليوم بدل ما نهاجم و نقتبس من أجدادنا خلينا نخلق نكهة سياسية جديدة منقدر نوصل فيها مع بعض بعيداً عن زعماء الدين و العملاء المرتبطين بأجندة خارجية...
و متل ما النخلة تغير و صار حوليه منافسين ...نحن فينا نتغير و نتنافس بالعقل و خلق أفكار جديدة..🖤☄🔥⚔
#صباحكن

21/12/2025

بعد ما أصدرنا أول بيان صار الوقت الأشخاص تعرف شو هوي مبادئنا ...
مبادئنا بتقوم على عدم التفرقة بين أنواع مؤركلين معسل التفاحتين كونوا أكثر معسل روادو كثار ولا رح نسمح للأنواع تفرقنا...سواء فاخر أو نخلة أو مزايا إلى آخره...
و من هذا المجتمع الصغير يلي بيتكلم عن أنواع و أذواق الأشخاص بتنوع المذاق و الأنواع منقدر نضيف نكهة سياسية خفيفة بتجمعنا كلنا تحت سقف واحد مثل اختلاف تنوع مذاقنا....
الفكرة مو بالنوع لفكرة بعدم تنمرنا على الأشخاص يلي بيختلفوا عننا بالمزاج و المذاق...
..🔥🖤

21/12/2025

بياناً صادر عن هيئة مدخنين الأركيلة السوريين في دمشق ⚔........."بسم الله الرحمن الرحيم"..........
و الحمدلله رب العالمين الذي أنعم علينا بنعمه التي لا تعد ولا تحصى و الذي أكرمنا بوجود التبغ و المعسل....
أنا اليوم بصدد الرد لا التهديد و بوجه الصلح لا الحرب...
أنزلتُ لكم هذا البيان رداً على تلك الأفعال المشينة التي أقدمت عليها وزارة الأوقاف و بهدف رفع يد الظلم عن رأس المؤركلين و إدلاء حقنا نحن المأركلين في تقرير مصيرنا بممارسة شرب الأركيلة بمطاعم دمشق..أما بعد نحذر و نشدد على أن صبر المؤركل لا يستهان به و أن اختبارنا تعنتاً منكم قد يغير مسار الصلح و مسيرات التفاهمات و المفاوضات التي جئنا من أجلها..و الله على ما أقوله شهيد..
حرر بتاريخ
٢١ من كانون الأول الموافق لعام ٢٠٢٥
دمشق المحتلة
🌐..🌐البيان رقم واحد ●1●

Address

Damascus

Website

Alerts

Be the first to know and let us send you an email when هيئة مدخنين الأركيلة في دمشق posts news and promotions. Your email address will not be used for any other purpose, and you can unsubscribe at any time.

Shortcuts

Share

Category