02/11/2025
``ညားတယ်´´
#ကျွန်မတို့ ဝန်းသိုဒေသမှာ ``ညားတယ်´´ ဆိုတဲ့စကားလေးကို ရီစရာလေးအဖြစ် နည်းနည်းပြောပြချင်တယ်
#တော်တော်များများသိထားကြတဲ့ ``ညားတယ်´´ ဆိုတာက လက်ထပ်ပြီးစ ဇနီးမောင်နှံကို သူနဲ့သူနဲ့ညားသွားတယ် ဇာတ်ကားတွေထဲမှာ ဇာတ်သိမ်းခန်းရောက်ရင် မင်းသားနဲ့မင်းသမီး ရသွားတာတို့ ဘယ်သူနဲ့ဘယ်သူနဲ့ညားတယ် ပေါ့ အဲ့လိုညားတာကို သိထားကြတာများတယ်
#ကျွန်မတို့ ဝန်းသိုမှာတော့ မဟုတ်သေးဘူးရှင့်
#ညားတယ် ဆိုတာ အမျိုးမျိုးရှိတယ်
စျေးအရောင်းအဝယ်တွေမှာ ဘယ်လောက်စျေးနဲ့တည့်သွားတယ် ဆိုတာကို ဘယ်လောက်စျေးနဲ့ညားသွားတယ်လို့ပြောကြတယ်
ဥပမာ-၁သိန်းနဲ့ညားသွားတယ် ၂သိန်းနဲ့ညားသွားတယ် /မညားဘူး
စသဖြင့်ပေါ့
#နှစ်လရက်တွေပြောတဲ့အခါလည်း ညားတယ်ဆိုတာသုံးတယ်
ဥပမာ- လာမယ့် ဥုပုပ်နေ့က
အင်္ဂလိပ်ဘယ်နှရက်နေ့လဲမေးရင် ဖြေတဲ့သူက
အင်္ဂလိပ် ၁ရက်နေ့ညားတယ်
မင်းခရီးသွားမှာ ဘယ်နေ့ညားလဲမေးရင်
ဖြေတဲ့သူကလည်း ၂ရက်နေ့ညားတယ် စသဖြင့်ပေါ့
#ကျွန်မ ငယ်စဉ်ကာလမြစ်ကြီးနားမှာလဲနေတော့ ဝန်းသိုဒေသစကားတွေနဲ့ပြောပေမဲ့လို့ အဲဒီမှာ တိုင်းရင်းသားတွေချည်းဆိုတော့ သိပ်တော့ပြသနာမရှိပါဘူး
သူလည်းစကားဝဲ ကိုယ်လည်း စကားဝဲ
မန်းလေးရောက်တော့ တော်တော်ရီရတယ် မန်းလေးကျ တော့ဗမာစစ်စစ်တွေများတယ်လေ အနယ်နယ်အရပ်ရပ်က တခြားသူတွေလဲရှိတာပေါ့ ကိုယ့်ဒေသကလူအချင်းချင်းပြောကြရင် အားရပါးရ မောင်တွေ ညယ်တွေ ပြောကြရော တခြားသူတွေက ကျွန်မတို့ပြောတာကို နားမလည်ဘူး ဘာစကားတွေပြောတာလဲမေးရင် ကျွန်မတို့လဲရီတာ ဗမာစကားတွေပဲပြောတာ ပြောရင်လဲ သူတို့က နားမလည်ဘူးတဲ့ နောက်တော့ သူတို့တွေလည်း နည်းနည်းနားလည်သွားကြပါတယ်
#ကျွန်မတို့ဒေသကို လာမယ်ဆိုရင်တော့ ဒေသစကားနဲ့အစားတွေ နည်းနည်းတော့ လေ့လာထားပေါ့ ဟင်းပေါင်းဟင်းလှော်စားတတ်အောင်လဲ စားကြည့်ထားပါ ဘယ်ဒေသက ရောက်ရောက် ကျွန်မတို့ဒေသစာချက်ပြုတ်စားဖြစ်တယ် ဟင်းပေါင်းကိုအရမ်းကြိုက်သွားတဲ့သူတွေရှိပါတယ် သတိရပါတယ် အခါအခွင့်ကြုံရင် ပေါင်းကျွေးချင်ပါသေးတယ်နော်
``မောင်´´တို့ ``ညယ်´´တို့ ဌာနေမှ ဒေသစကားများ #
ဒေသနေလူမျိုးစုသံများအချို့ကြ ရောပြွန်းသောစကားများ ကိုတွေ့ရတယ်ကား
#အယ်အဲ - ခလေးလေး
#အစီမ -သမီးလေး မိန်းခလေးလေး
#အစီ -သားလေး ကောင်လေးလေး
#မောင်မောင် -မောင်လေး
#ကိုကို -အစ္ကို
#ညယ် -လို့ =ပါ့ =ဘ =ကွယ်= လေး စသဖြင့်
#အားညယ် -အံဩစရာ / စိတ်မရှည်စရာ
#ဝါတာ -လိမ်ညာသည်ဟု စွပ်စွဲ ပြောသည်
#ပလီတီးခြောက်ချက် -ပလီပလာချည်းပဲ စသဖြင့်
#အစာကနား၊ အစာကနေး - စက်ဆုပ်ဖို့ကောင်းလိုက်တာ စသဖြင့်
#ဟုတ်လားကဲး -ဟုတ်ရဲ့လား ဟုတ်လို့လားကွယ့် စသဖြင့်
#အားဂျီးတတ် -သိပ်တတ်တယ် အဲ့ဒီလို စသဖြင်
#ရဒတ်တယ်လို့ - ရတတ်လိုက်တာစသဖြင့်
#မပြောဒတ်ချေ မပြောဒတ်ကောင်း - မပြောမတတ်တော့ဘူးလေးစသဖြင်
#မဆနိုင်း -မသိဘူးလေး ၊မဟုတ်ဘူးထင်တယ် စသဖြင့်
#ပဆံမဆိဘူး -ပိုက်ဆံငွေမရှိဘူး ဟုဆို စသဖြင့်
#အေးဆို - အဲ့ဒီလိုဆိုရင် စသဖြင့်
#တိန်းတိန်း တိန်းစမ်းအုံး - ဘေးဖယ်နေ ဘေးဖယ် ဘေးဖယ် ဘေးသို့လမ်းပေးရန်ပြောသည် စသဖြင့်
#ငံ့အုံး -စောင့်ပါဦး စောင့်ရန်ပြောသည် စသဖြင့်
#မင်းဂဂျေးထဲ -မင်းတစ်ယောက်ထဲအကုန် စသဖြင့်
#မဟုတ်ကောင်းတဲ့ -ဟုတ်မနေဘူး မဟုတ်ပါဘူး စသဖြင့်
#ပေါက်တတ်ကနဟုတ်မှာ-မဟုတ်နိုင်ပါ မဖြစ်နိုင်တာ စသဖြင့်
#ဗွက်ကဇိတေဂျီး - ရွှံ့ရေ စသဖြင့်
#အစာစေး -ရွံစရာကောင်းသည်
#ဘုံဘောလအော - များများလွန်းသည် စသဖြင်
#အ စ ဒတ် -ပြီးဆုံးခြင်း ရပ်တန့်ခြင်း စသဖြင့်
#အာလာလေး -ကြီးမာလွန်း၍ အံသြ စသဖြင့်
#အီးယောင်ဝါး -ရေရေရာရာ မရှိ စသဖြင့်
#ဘောက်တာ -ဘာလုပ်တာ စသဖြင့်
#ပေါက်တတ်ကန -အလွန်းများပြားသော စသဖြင့်
#မဟုတ်ကောင်းညယ် -မဟုတ်ဘူးထင်တယ် စသဖြင်
#ဗလဘုံဂျီး -အလွန်ပေါများသည် စသဖြင့်
#မဟောက်ဂေါင်း -မဟုတ်တန်ကောင်းရဲ့ စသဖြင့်
#အိုးစိုး -ကျော်လွန်သွားခြင်း မှားသကဲ့သို့ဖြစ်ခြင်း သို့မဟုတ် နှမြောစရာကောင်းလို့ သုံးသောစကား
#စိန်စိန်းနှောင် -ညီညာ စေရန်တိုင် သည် တစ်နှစ်သုံး တစ်ပြိုင်နက် တစ်ညီတည်း အလုပ် လုပ်ရန် အတိုင်အဖောက်
#ကောင်းတော့မှာပါ့မောင် -ညစ်ပတ်ပေသွားခြင်း ပျက်စီးလုမတ်တတ်ဖြစ်သွားခြင်း မတော်တဆ ဖြစ်သည့်နေရာများ၌ ပြောဆိုကြသည်
#ထပ်လားတချေး -ထပ်ခါထပ်ခါ ပြောသည်
#ငါ့ကဂျေးထဲ -ငါ့ကိုပဲပြောနေတယ်
#နဂိုကြီးနဲ့ -အစကတည်းနဲ့
# တောက်တယ်ဆိုနေ -အစာမဆိပ်သင့်တာ အော့အန်တာ
Credit......
