Sahar all over the world

08/12/2024

Nchala bientôt nerja3 m3a barcha jdid

01/04/2023

سلاطة روز
المكونات :
كأس روز - ملح - فلفل أكحل - كركم - 100 غ موالح - 100 غ تن - عظمة مسموطة للزينة - 2 مغارف كبار زيت
الطريقة :
تسمط الروز في زوز كيسان ماء و تفوح بشوية ملح و كركم و تخليه يطيب... متخليش يطيب برشا باش ميعجنش بعد ميطيب تخليه يبرد وتقص variante طروف صغار و تزيدهم للروز وبعد تزيد التن و الزيت و تفوح بشوية ملح و فلفل أكحل و تحرك كل شي مع بعضو... في الأخير تزين بالعظم و بالشفاء

22/10/2022

فطيرة محشية
المكونات للعجينة :
500 غ فارينة - أبيض بيضة - مغرفة صغيرة ملح - مغرفة كبيرة سكر - نصف كأس صغير زيت - 1 خميرة خبز - ماء دافئ للعجن
للحشو :
بصلة صغيرة - 2 طماطم - 1 فلفل أخضر - جبن - تن - زيتون - كبار - هريسة - مغرفة كبيرة زيت - شوية ملح و فلفل أكحل و فلفل أحمر
للزينة :
شوية زيت - أصفر بيضة - جلجلان - سينوج
الطريقة :
نخلطو المكونات نعجنوها بالماء الدافئ حتى نتحصلو على عجينة طرية... نخليوها تخمر لمدة ساعة وبعد نقصو الطماطم و البصل و الفلفل و نقليوهم في الزيت و نفوحو بشوية ملح و فلفل أكحل و فلفل أحمر و نزيدوهم شوية ماء و نخليهم يطيبو لمدة 10 دق... نقسم العجينة على 2 ندهنو الطبق بالزيت و نفرشو العجينة و ننقبوها بالفرشيطة و ندهنو بالهريسة و الصوص و نزينو بالجبن و التن و الزيتون و الكبار... نحلو باقي العجينة و نفرشوها من فوق نغطيوها و نخليوها تخمر لمدة 15 دق و بعد ندهنو بأصفر العضمة و نرشو السينوج و ندخلوها للفور تطيب لمدة 25 دق في 180 درجة و صحة وعافية

22/10/2022

19/04/2022

صحن تونسي 😋😋😋😋😋

19/04/2022

غريبة مانحكيلكمش على البنة😍😍😍😍

15/04/2022

يويو بالبردقان
الروسات: نكيلو بحكة الياغرط
4 عضمات ياغرطة طبيعية حكة ياغرط معبية سكر و حكة معبية زيت و حكة عصير برتقال تخلطهم بالباهي و تزيد كغ فارينة و زوز ساشيات خميرة ڤاطو و تلم لمان تغطيهم و تخليهم يرتاحو و تحضر الشحور كغ سكر و نصف لتر ماء و عصير نصف قارصة تخليهم يغليو 20 دق و تطفي و تدهن الرخامة بالزيت و تحل العجينة بالقلقال و تطبع و تخليهم على جنب و تحط الزيت يسخن بالباهي و بعد تنقص في النار و تقلي و مباشرة في الشحور الدافي تخليه شويا و تخرجو يستقطر بالشفاء و الهنا

14/04/2022

تارت الفراز🍓🍓🍓🍓

العجينة:

250غ فارينة؛ 125 غ زبدة؛50غ سكر محور؛ عضمة ؛ نصف مغرفة قهوة ملح ؛ مغرفة كبيرة ماء
نخلط الزبدة والسكر والملح بلقدا حتى نتحصلو على مزيج كريمي متجانس ثم نزيدوها الفارينة ونخلطو حتى يولي الخليط رملي ؛ بعد نزيدو العضمة والماء في نفس الوقت و نلمو العجينة باطراف الصوابع نغطيوها بالبلاستيك وندخلوها الفرجيدار نصف ساعة.

الكرام باتيسيار 🥧🥧🥧 كريم موسلين:

نصف لتر حليب 40 غ نشاء؛ 60 غ سكر عضمة؛ باكو فانيليا.
في اناء نحطو نصف كمية الحليب مع السكر والفانيليا فوق النار ؛ وفي اناء اخر نخلطو النشاء والعضمة بالركاضة اليد مع باقية الحليب؛ كيف قريب يغلي الحليب والسكر نرفعه من على النار ونصبو فوق خليط الحليب والنشاء؛ نحركو جيدا ثم نرجعوه على النار مع التحريك دون انقطاع حتى تعقاد وتولي تغلي ؛ نصبها في صحفة ونغلفها ببلاستيك غذائي مباشرة باش ماتعملش قشرة من فوق ونخليها تبرد.

الكرام موسلين:

ناخذو الكرام باتيسيار الي حضرنها مسبقا وقبل ماتبرد تركضها بالركاضة الكهربائية و نزيدوها 100 غ زبدة تدريجيا مع الخفق المتواصل ثم نغطيوها بالبلاستيك وندخلوها في الثلاجة.

طريقة_الاعداد

تاخذ العجينة تحلها بالقلقال وتطرحها فوق الطبق تثقب العجينة بفرشية باش ما تتنفخش ... ثم ترجعها للثلاجة ربع ساعة على الأقل باش كيف تطيب اطرافها ما تطيحش ؛ بعد تخرج طبق العجينة و دخلو مباشرة للفرن 180 درجة ؛ يشتعل من لوطا وبعد من فوق.
كيف يطيب fond de tarte خرجو من الطبق وخليه يبرد فوق شبكة .... بعد تصب عليه الكرام موسلين وترصف عليه الفراز ثم تدهن قطع الفراولة بشحور خفيف وبارد باش تحافظ على لونها
*الشحور : كاس سكر ؛ كاس ماء و عصرة قارص يغلي شوية وتخليه يبرد...
في الاخير دخلها شوية في الثلاجة حتى تشد روحها. بالشفاء و الهنا

14/04/2022

تارت جمبون
لعجينة التارت 250غ فارينة رشة ملح و 100غ زبدة و اصفر عضمة و مغرفتين كبار ماء بارد
تخلط الفارينة و الملح و تبسسها بالزبدة و تلم باصفر العضمة و اذا ما تلمتش تزيد الماء و تخليها ترتاح و بعد نحلها بالقلقال و تحطها في الطبق متاع التارت
تحضر الحشو كمية من الجنبون مقصوصة مكعبات حكة كرام فراش زوز عضمات طايبين و مقصوصين شوية معدنوس مقصوص و زيتون بلاش قلوب و شويا جبن مرحي و زوز عضمات نيين و ابيض العضمة الي خليناها من العجينة و تخلط الكل و تصبو فوق العجينة و ادخل للفور على 180 درجة لمدة نصف ساعة و تحمرها من فوق
بالشفاء و الهنا

13/04/2022

سلاطة بلانكيت

المكونات

-2 طماطم
-1 الفلفل
-بصلة صغيرة
-مغرفة صغيرة كبار
-عظام مسموطة
-30 غ من شرائح الزيتون
-50 غ جبن
-حكة تن
خبز
معدنوس
-3 مغارف كبار هريسة
-مغرفتين كبار زيت الزيتون

13/04/2022

تسطيرة محرحرة
المكونات
1كغ فلفل حار
نص رطل طماطم
سنون ثوم
مغرفة هريسة عربي
بطاطا مقلية
4عضمات
كمون
ملح

نحمي الزيت و نحطو الفلفل لمدة دقيقة ما تخليهش يطيب برشة
نقلي الطماطم البطاطا و العضمات نخليهم نصف طيب سنات الثوم نحطهم في الزيت يطيبو و بعد نخلطو المكونات مع مغرفة هريسة عربي و كأس زيت زيتونة و نرحيوهم اما بالسكينة و الا بمكينة السلاطة المشوية و نزيدو الكمون و الملح
بالشفاء و الهنا

13/04/2022

محكوكة تونسية زمنية
العجينة
3 كيسان سميد متوسط
كأس شطر زيت وشطر زبدة
مغرفتين عطرشية أو ماء ورد أو نسري
فاكية مرحية لوز جوز فزدق بندق حسب المتوفر
دقلة تمر زبيب
رشة ملح
ماء دافي
تبسس السميد مع الزيت والزبدة ورشة الملح ومن بعد مغرفتين العطرشية ،وتلم بشوية ماء دافي قومها كيف عجينة المقروض ومن بعد تطرحها وتقصها ابراج صغار و تطيبها في الكوشة تجي كالخبز المبسس وكيف تبرد تحكها في غربال او تهرسها في مهراس او ترحاها في رحاية كيف يحضر الشحور تخلطها
الشحور:
200غ سكر
100غ ماء
عصرة قارص
مغرفة عطرشية
الزينة:
فاكية لوز فزدق جوزة بندق جلجلان مرحي تمر
بالشفاء و الهنا