25/08/2026
ID නෑ කියලා අම්බලන්ගොඩ පොලිසියෙන් ලේ එන්න ගහලා?
ලයිව් ඇවිත් පොලීසියේ යකා නැටූ පුත්රයා...
අම්බලන්ගොඩ පොලීසි විසින් ඊයේ දින (24) දින පුද්ගලයෙකු ජාතික හැදුනුම්පත නොමැති යැයි පුද්ගලයෙකු අත්අඩංගුවට ගෙන තිබෙන අතර ඔහුට පහර දී ඇති බවට එම පුද්ගලයාගේ පුත්රයා විසින් සමාජ මාධ්ය ඔස්සේ සජීවි විඩීයෝ දර්ශන පළ කරමින් චෝදනා කර සිටිනවා.
කෙසේ වෙතත් අප කළ විමසීමක දී අම්බලන්ගොඩ පොලිස් ස්ථානාධිපතිවරයා සඳහන් කර සිටියේ, මෙම පුද්ගලයා එම මොහොතේ බීමතින් සිටිබවත් ඔහු අත්අඩංගුවට ගත් අවස්ථාවේ දී ඇද වැටී තුවාල ලැබු බවත් මේ වන විට පොලිස් ආරක්ෂාව යටතේ ඔහු ප්රතිකාර ලබන බව හා ඉදිරියේදී අධිකරණයට ඉදිරිපත් කිරීමට නියමිත බවයි.
එසේම අත්අඩංගුවට ගත් පුද්ගලයාගේ පුත්රයා විසින් තම පියාට පහර දී ඇති බවට චෝදනා සිදු කරන නමුත් කිසිඳු අයුරකින් පහර දීමක් සිදු නොවූ බවට අම්බලන්ගොඩ පොලිස් ස්ථානාධිපතිවරයා සඳහන් කරනවා.
