05/02/2026
WILLIE REVILLAME, MAY PROGRAMA MAN DAW O WALA, TULOY-TULOY ANG KABUTIHAN NA GINAGAWA
“Magbabalik na po ang programang Wowowin. Tuluy-tuloy na po ang saya ng bawat Pilipino! Para malaman ninyo po, inaayos na po ang ating studio. Lahat ng gustong makapiling kami araw-araw, Lunes hanggang Biyernes, tuluy-tuloy na po."
Yan ang naging anunsiyo ni Willie Revillame matapos niya sabihing magtatapos na sa May 15 ang programang 'Wilyonaryo'.
"Bigyan niyo lang kami ng pagkakataon, ilang oras, ilang panahon, at magsasama-sama tayo ulit. Hanggang May 15 na lang po ang Wilyonaryo dahil magiging online gaming na po ang Wilyonaryo. Out na po ako diyan. Ibabalik ko na po ang Wowowin. Ibinigay na po namin ang inyong hiling, ibinigay na naman ang inyong gusto. At lahat po ng aming ipinangako, gagawin namin yan.", Sabi ni Willie.
Marami raw kasi ang humihiling na ibalik na ang 'Wowowin' kaya ibibigay na raw niya ito sa kaniyang mga taga-subaybay. Bagamat hindi niya sinabi kung sa anong channel ipapalabas ang 'Wowowin'. May isang bagay siya na inamin.
"Bigyan nyo lang kami ng konting panahon. Inaayos lang po namin ang aming studio. Aaminin ko sa inyo, bumili ako ng bagong studio para sa inyo!” sabi pa ng beteranong TV host.
“2015, nagsimula po ang Wowowin sa GMA-7 and then, medyo alam ninyo na, tumulong ako sa ALLTV na hindi naman kami naging successful. Alam nyo naman yun, e.", dagdag pa niya.
Binanatan din niya ang mga nagsasabing laos na siya.
"Huwag kayong magsasabi ng 'laos ka na, laos ka na.' Wala hong nalalaos sa kabutihang puso at kapag ikaw ay tumutulong. May programa man ako o wala, e, tuluy-tuloy dapat ang kabutihan na ginagawa.", saad pa niya.
Tama nga naman, walang nalalaos sa pagtulong. Dahil ang perang meron ka, hindi mo naman yan madadala sa húkáy. di ba?! Anong masasabi niyo mga ka-trending?
Source: PEP / Wilyonaryo
