09/04/2025
Nageenya waaressuun, Ijaarsa biyya waloo mirkaneessuuf!
*******
Nageenyi hirmaannaa qaamolee hundaatiin mirkanaaha. Nageenya amansiisaa fi itti fufiinsa qabu mirkanaaeessudhaan misoomaa fi guddina biyyaa dhugoomsuu keessatti dhaabbileen amantaa gahee ol’aanaa ta’e qabu.
Duudhaalee waliin jireenyaa cimaa ta’e dagaagsuu fi hariiroo dhaabbilee amantaa gidduu jiru cimsuudhaan dhaabbileen amantaa utubaa ijaarsa nagaa ta’anii gahee isaanii qixaan akka bahatan goochuun dhimma murteessaadha.
Konfiransiin Nageenyaa biyyoolessaa qopheessuumaa Gumii Dhaabbilee Amantaa Naannoo Oromiyaatiin mata duree “ Gahee Dhaabbilee Amantaa Nageenyaa fi Araaraaf” mata duree jedhuun magaalaa Jimmaatti gaggeeffameera.
Konfiransii kana irratti kan argaman Hogganaan Waajjira Paartii Badhaadhinaa Damee Oromiyaa Obbo Kaffaaloo Tafarraa mootummaan nageenya amansiisaa fi itti fufiinsa qabu mirkaneessuudhaan imala badhaadhina biyyaa galmaan gahuuf xiyyeeffannaa ol’aanaadhaan hojjataa jira jedhanii, dhaabbileen amantaa bu’uura nageenyaa waan ta’aniif nagaa waaressuu fi araara labsuudhaan tokkummaa sab-daneessa ta’e mirkaneessuu keessatti gahee adda durummaa bahachuu akka qaban dhaamaniiru.
