Heer Baloch

28/02/2026

ضلع مظفرگڑھ کے شہر شاہ جمال خانگڑھ چوک میں غیر قانونی ٹرانسپورٹ اڈوں کا انکشاف۔
سوشل میڈیا پر وائرل ویڈیو نے ہلچل مچا دی۔
مین چوک پر کوسٹرز اور ہائی ایس گاڑیوں کی قطاریں، ٹریفک نظام درہم برہم۔
شہریوں کا فوری ایکشن کا مطالبہ۔

20/02/2026

19/02/2026

17/02/2026

تھانہ شاہ جمال کی حدود میں نوسرباز گروہ سرگرم،

خود کو پیرافورس کا ملازم ظاہر کرکے دوکانداروں سے بھتہ وصولی، ویڈیو منظرِ عام پر

شریف چھجڑا میڈیا ہاؤس

تھانہ شاہ جمال کی حدود میں نوسربازوں کا ایک گروہ سرگرم ہو گیا ہے جو خود کو پیرافورس کا ملازم ظاہر کر کے سادہ لوح دوکانداروں سے بھتہ وصول کر رہا ہے۔ احمد موہانہ، پل بھنڈی اور پہاڑ پور کے علاقوں میں متعدد دوکانداروں سے 200 روپے سے لے کر 2000 روپے تک بھتہ وصول کیے جانے کی ویڈیو سوشل میڈیا پر منظرِ عام پر آ چکی ہے۔ ذرائع کے مطابق نوسرباز گروہ جعلی کارڈ اور جعلی تعارف کا سہارا لے کر دوکانداروں کو خوفزدہ کرتا ہے اور خود کو سرکاری ادارے سے وابستہ ظاہر کر کے پیسے بٹورتا ہے۔ اس عمل سے نہ صرف شہریوں میں شدید خوف و ہراس پایا جا رہا ہے بلکہ قانون نافذ کرنے والے اداروں کی ساکھ کو بھی نقصان پہنچ رہا ہے۔ علاقہ مکینوں اور متاثرہ دوکانداروں نے ایس ایچ او تھانہ شاہ جمال اور ڈی پی او مظفرگڑھ سے پرزور مطالبہ کیا ہے کہ ویڈیو میں نظر آنے والے عناصر کے خلاف فوری اور سخت قانونی کارروائی عمل میں لائی جائے، نوسرباز گروہ کو گرفتار کر کے قانون کے کٹہرے میں لایا جائے اور آئندہ اس قسم کی وارداتوں کی روک تھام کے لیے مؤثر اقدامات کیے جائیں۔ شہریوں کا کہنا ہے کہ اگر بروقت کارروائی نہ کی گئی تو ایسے عناصر مزید دلیر ہو جائیں گے اور جرائم میں اضافہ ہوگا۔ عوام نے اعلیٰ پولیس حکام سے بھی نوٹس لینے اور تھانہ شاہ جمال کی حدود میں امن و امان یقینی بنانے کا مطالبہ کیا ہے۔