06/04/2025
چکر او خاطره
کابل ته روان وم ، هډې ته چې ورسیدم د موټر شاته سیټ خالي و ، زما په راتګ سره سیټ ډک شو ، حرکت مو وکه .
سروبي شاو خواکې به وو ، مانه مخکې سیټ یوه زنانه وه چې ماشوم یی غیږ کې و او ډیر زیات یی ژړل .
نو ما ورته د وروستو پیخې مېخې شروع کړې ماشوم غلی شو.
مور یی هم خوشحاله شوه ، ماشوم یی ماته شاته سیټ راواړاوه مننه یی وکړه ویل خیر ویسې د غم نه دې خلاصه کړم ، ماکې خو یی زاره شنه کړه ، زحمت به شې تاسره دا ماشوم غلی دی ، چې ښکته کیدلو بیا به یی درڅخه واخلم.
ما هم ماشوم ترې واخیست په ټوله لار مې ورسره سات تیر و.
خیر پلچرخي ته ورسیدو ، زنانه ښکته شوې ما هم ماشوم ورته ونیو مال خورې دا ماشوم دې واخله ، ځای راورسید ، ښځې مخ راواړاوه او په رډو رډو راته ګوري غوصه کې راته یی اووویل د چا ماشوم ، د څه شي ماشوم ، ورک شه زه په ماشوم څه کوم .
ما ورته کړل وه خورې دا ستا ماشوم دی زه یی څه کوم ، ماسره کومه ښځه هم نشته واخله خپل ماشوم دې .
ښځه نوره هم غوصه شوه ،چیغې یی کړې څه کی اوس خپل ماشومان په خلکو تاوانوئ ، دا څه ډول خلک یئ چې نه یئ شئ ساتلی خو مه یئ راوړئ کنه .
دوو کې حیران شوم چې دا څه په غم ککړ شوې ، ښځې ته مې بیا سوال زارئ شروع کړې چې وه خورې دا ستا ماشوم دی خیر دی دا واخله زه ضرور کار لرم ناوخته کیږي راباندې .
ښځه له غوصې نوره هم سره شنه شوه او راته یی کړل چې ځې او که پولیس راخبر کړم .
مال اوس یی ښه خوند وکه ، زه هم غوصه شوم ورته مې کړل غږ که پولیس ته ، پولیس به زما څه وکړي خپل ماشوم دې دی او ترې منکره یی .
ښځې هم ناراستي ونه کړه پولیس ولاړ وو ،ورغږ یی کړل پولیس راغلل ویل څه خبره ده خورې ؟
ښځې ورته ویل دې سړي سره دا ماشوم دی او اوس یی په خلکو تاوانوي ، ماته وایي چې دا ستا ماشوم دی .
پولیس ماته غوصه شو ولې واهلکه ، ما ورته کړل چې ګوره زما خبره واوره ، دې ماشوم په لاره ډیر ژړل نو ما ورسره لوبې شروع کړې ، دې ښځې هم ماته دا ماشوم راکه چې خیر دی تاسره دا ماشوم غلی دی درسره دې وي چې کله ښکته کیدلو بیا به یی راکړې ، اوس وایي چې دا زما ماشوم نه دی .
پولیس ښځې ته مخ واړاوه چې دا کس رښتیا وایي ؟
ښځه قران او قسم کئ چې نه دا دروغ وایي دا ماشوم زما نه دی او ما لا تر اوسه واده هم نه دی کړی ،پولیس چې دا خبره واوریده ماته راغوصه شو ،ویل ځه
کنه بیا دې حوزې ته بیایم .
زما نو رنګ ن
