په کندهار پوهنتون کی دمیدان ښار محصلینو خپلواکه علمی ټولنه

14/07/2026

۱. په ارامتیا او سکون سره وګرځه او په کارونو کې له بېړې (تلواره) څخه ډډه وکړه.
۲. د دین او سمې لارې ته له دعوت پرته، له ناپوهو او ناسمونو خلکو سره مه کښېنه.
۳. له ښځو سره له ناستې، ولاړې او خبرو اترو څخه ډډه کوه، ځکه چې له دوی سره زیات ارتباط زړه مړ کوي.
۴. له الله تعالی څخه وېره، د امانت ادا کول او عامو او خاصو خلکو ته نصیحت کول پر تا لازم دي.
۵. د هېچا په دوستۍ او ملګرتیا باور مه کوه، ترڅو دې چې نه وي ازمویلی.
۶. د خپلو کارونو پرېکړې پخپله کوه، ترڅو د خلکو محتاج نه شې.
۷. بې ګټې کارونه او بې ګټې خبرې مه کوه.
۸. هره ورځ د قرآن کریم تلاوت کوه او ثواب یې رسول الله (ص)، مور، پلار، استادانو او نورو مسلمانانو ته وبښه (ډالۍ کړه).
۹. د خپل بدن غړي له ګناهونو څخه وساته. له الله تعالی څخه وېره او د الله تعالی د امرونو منل، د الله تعالی عبادت دی.
۱۰. د حق په ویلو کې د هېچا د قدرت او رتبې پروا مه کوه، که څه هم پاچا وي.
۱۱. د علم په مجلس کې له قهر او غوسې څخه ځان وساته.
۱۲. د خلکو په وړاندې خپل ځان مه سپکوه.
۱۳. د عامو خلکو په وړاندې له کوچنۍ او لویې خندا څخه ډډه وکړه.
۱۴. د الله تعالی په ورکړي رزق، مال او مرتبې قناعت کوه.
۱۵. د بزرګانو او پاکو (صالحو) خلکو ځایونو ته ډېر ځه.
۱۶. د الله تعالی ذکر زیات کوه او په رسول الله (ص) زیات درود ووایه.
۱۷. پاکې جامې اغونده او خوشبويي ډېره استعمالوه.
۱۸. کله چې خبرې کوې، مه په ډېر لوړ غږ غږېږه او مه په ډېر ټیټ غږ، بلکې د دواړو ترمنځ معتدله لاره غوره کړه.
۱۹. په لارو او دکانونو کې مه کښېنه، که د ناستې اړتیا وه نو په مسجد کې کښېنه.
۲۰. لومړی علم ترلاسه کړه، بیا حلال رزق وګټه او وروسته واده وکړه؛ ځکه که د زده‌کړې پر مهال د مال په ګټلو بوخت شوې، علم نشې ترلاسه کولای، ځکه په سوداګرۍ (اخیستلو او خرڅولو) به واوړې. تر زده‌کړې مخکې واده مه کوه، ځکه وخت دې ضایع کېږي او د اولادونو د اړتیاوو پوره کولو ته مجبوره کېږې، چې په دې توګه دې هم علم پاتې کېږي او هم پیسې.

21/05/2026

علم د انسان د ژوند تر ټولو لویه شتمني ده. علم انسان ته پوهه، شعور او د حق او باطل د پېژندلو توان ورکوي. د علم په وسیله انسان کولی شي خپل ژوند ښه کړي، ټولنې ته خدمت وکړي او د پرمختګ لاره ومومي. هر هغه قوم او ملت چې علم ته ارزښت ورکوي، هغه پرمختګ، عزت او ځواک ترلاسه کوي.

په اسلام کې هم علم ډېر لوړ مقام لري. د اسلام لومړنی وحی د “اقرأ” په کلمه پیل شوی، چې د لوستلو او زده کړې اهمیت څرګندوي. قرآن کریم انسان د علم په وسیله نه یوازې د دنیا بریاوې ترلاسه کوي، بلکې د آخرت کامیابي هم مومي.

علم د انسان اخلاق ښه کوي، فکر پراخوي او د ستونزو د حل توان زیاتوي. یو عالم انسان کولی شي د ټولنې ستونزې وپېژني او د حل لپاره مناسبې لارې چارې وړاندې کړي. همدارنګه، علم د بېوزلۍ، ناپوهۍ او شخړو د کمېدو سبب ګرځي.

نن ورځ نړۍ د ساینس، ټکنالوژۍ او پرمختګ په برخه کې د علم په زور مخته روانه ده. که موږ غواړو خپل هېواد او ټولنه پرمختللې کړو، نو باید تعلیم او زده کړې ته ځانګړې پاملرنه وکړو.

لنډه دا چې:

علم د انسان رڼا ده.
علم د پرمختګ بنسټ دی.
بې علمه ټولنه وروسته پاتې کېږي.
د علم په وسیله انسان عزت او بریا ترلاسه کوي.

21/04/2026

علم، پوه او زده کړې


ناپوه مه وژنئ، ناپوهي يې ووژنئ.
(سید جمال الدین افغان)
پوهه دوه ډوله ده، ریښتنې او ناریښتنې، د ریښتنې پوهې بنسټ د پوهې لټون دی او د ناریښتنې پوهې بنسټ بې ځایه خیالونه دي.
(سقراط)
زموږ استعداد حد نه لري؛ خو موږ يې محدود وو.
(مردولا اګروال)
ښوونکی د ملتونو هغه څراغ دی، چې له رڼا یې هر وګړی کټه اخلي.
(ویکټور هوګو)
د زده کړو هدف د علم پرمختګ او د حقیقت خپرېدل دي.
(جان اېف کېنیډی)
لوی استعداد پرته له لويې ارادې وجود نه لري.
(بالزاک)
په لږو مسایلو ډېر پوهېدل د پوهې مهارت دی.
(بي پیماستر)
یواځې پوهه کافي نه ده، بلکې پر خپلې پوهې عمل وکړئ.
(ناپليون هېل)
یواځې پوهېدل کافي نه دي، باید کټه ترې واخلو، یواځې غوښتنه کافي نه ده، باید سرته يې ورسوو.
(بروس لي)
علم له خطا خالي دی خو عالمان تل په خطا کې وي.
(اناتول فرانس)
له زده کړو وروسته هر بدلون مثبت وي.
( ... )
د علم حاصلول ژوند ته تیاری نه دی، علم خپله ژوند دی.
(جان ډیویي)
علم هغه کلي ده، چې تل د ازادۍ دروازې پرانیزي.
(جورج واشنگټن)
پوهنه رڼا ده.
( ... )
د علم ریښې ترخې؛ خو مېوې یې خوږې وي.
( ... )
زده کړې بايد د ماشومتوب له دورې پيل او د ژوند په هره دوره کې دوام ولري.
(افلاطون)
نېکمرغي په علم کې نشته؛ بلکې دهغه د استعمال په طریقه کې ده.
(اوگاریو)
هغه څوک چې په علم عمل نه کوي، لکه ناروغ چې درمل لري، خو استفاده ترې نه کوي.
(دیمقراطیس)
چېرته چې علم او پوهه نه وي هلته سوله قدم نه وهي.
( ... )
علم د تمدن د لېږد وسیله ده.
(ویل دورانت)
هر څومره چې د علم او زده کړو پر لور ګامونه اخلئ هومره خدای(ج) ته نېږدې کیږي.
( ... )
بې له زده کړې ازادي تل په وېره کې وي او له ازادۍ پرته زده کړې بې مقصده وي.
(جون اېف)
د هوښيارانو پانګه د هغوی علم او پوهه ده.
(پاسکال)
د انسان ښایست په دریو شیانو کې دی: په علم، محبت او ازادۍ کې.
(افلاطون)
د دې پر ځای چې پر تیاره لعنت و وايی، یوه شمعه بله کړئ.
(کنفسیوس)
علم پرته له فکر نه دام او فکر پرته له علم نه بلا دی.
( ... )
چا چې د ښوونځي ور خلاص کړ، په حقیقت کې یې د زندان دروازه وتړله.
(ویکتور هوگو)
په هغه څه چې نه پوهیږئ له عالمانو نه پوښتنه وکړئ، پر هغه څه چې پوهیږئ خلکو ته یې وروښيي.
(لقمان حکیم)
زده کړې وکړئ مخکې له دې چې مجبور شئ.
( ... )
نن چې څه په لاس راوړې دا د وړمې ورځې د زده کړو برکت دی.
( ... )
کتاب: ویښوونکې خبرې

21/04/2026

*که څوک دغه څلور اخلاق په ځان کې راولي، نو د ټولو اسلامي اخلاقو څښتن به شي*

څوک چې په دې څلورو اخلاقو عمل وکړي، نو د الله تعالی په خوښه به د ټولو ښو اخلاقو څښتن شي.
او څوک چې دا بنیادي اخلاق ضايع کړي، یا له دې څخه کوم یو ضایع کړي، نو د هغه اخلاق به هم د همدې د ضایع کېدو په اندازه له منځه ولاړ شي.
دغه بنیادي اخلاق په څلورو حديثونو کې بيان شوي دي.

١_ پټه خوله
رسول اللهﷺ فرمايي:
"څوک چې پر الله او د آخرت پر ورځ ایمان لري، نو یا دې ښه خبره وکړي او یا دې چوپ پاتې شي."

٢_ بې ګټې کارونه پرېښودل
رسول اللهﷺ فرمايي:
" د انسان د اسلام ښه والی دا ده چې هغه بې‌ګټې کارونه پرېږدي."

٣_ غوصه نه کول
یو چا د لنډ وصیت غوښتنه وکړه، رسول اللهﷺ
ورته وفرمایل: "غوسه مه کوه."

٤_ بل مسلمان ته هغه څه خوښول چې د ځان لپاره يې خوښوي
رسول اللهﷺ فرمايي:
" رښتينی مؤمن د خپل ورور لپاره هغه څه خوښوي چې د ځان لپاره یې خوښوي."

24/03/2026

👰🏼 د ناوې لمونځ 👰🏼
دا کیسه حتماً ولولئ…
یوه مسلمانه نجلۍ وه، کله چې یې د مازیګر لمونځ ادا کړ، ځکه هماغه شپه یې د واده شپه وه، نو ځان یې سینګار کړ، د سپینې ناوې جامې یې واغوستلې او د واده لپاره چمتو شوه.
همدغه وخت د ماښام د لمانځه اذان وشو. هغې پوهېده چې اودس نه لري. نجلۍ خپلې مور ته وویل:
«مورجانې! زه باید اودس وکړم او د ماښام لمونځ ادا کړم.»
مور یې حیرانه شوه او ویې ویل:
«لیونۍ شوې یې؟ مېلمانه ستا په انتظار دي، غواړي تا وویني! که په اوبو اودس وکړې، ستا سینګار به خراب شي!
زه ستا مور یم او امر درته کوم چې اوس لمونځ مه کوه، که لمونځ وکړې، له تا سره به خپه شم!»
نجلۍ وویل:
«په الله قسم، تر څو چې خپل لمونځ ونه کړم، له دې ځایه نه وځم. مورجانې! دا باید پوه شئ چې د مخلوق د اطاعت لپاره د خالق (الله) نافرماني نه شي کېدای.»
مور یې وویل:
«کله چې مېلمانه تا بې له سینګاره وویني، څه به وایي؟ بې سینګاره ناوې!
ته به د خلکو په نظر ښه ونه ښکارې او مسخره به دې کړي.»
نجلۍ په موسکا سره وویل:
«مورجانې! تاسو دا فکر کوئ چې زه د مخلوق په نظر ښکلې ښکاره نه شم، خو دا نه فکر کوئ چې د خالق په نظر بده ښکاره شم؟
زه وېرېږم چې که بې لمانځه شم، د الله له رحمته بې برخې شم. که لمونځ مې قضا شي، د الله د رحمت له نظره لوېږم.»
نجلۍ اودس وکړ، د خپل سینګار پروا یې ونه کړه. کله چې دغه مؤمنه مسلمانه نجلۍ سجدې ته ولاړه، نه پوهېده چې دا به یې وروستۍ سجده وي…
هو!
دغه مؤمنه مېرمن د سجدې په حال کې خپل روح د روحونو خالق ته وسپاره.
اې زما مسلمانه خورې!
اې زما مؤمن وروره!
ایا پوهېږې مرګ کله درځي؟
کومه ورځ؟ کومه شپه؟ کوم ساعت؟ په کوم حالت کې؟
نه پوهېږې؟
نو ولې بې لمانځي او غفلت؟
رسول الله ﷺ فرمایلي دي:
«بنده الله ته تر ټولو نږدې حالت کې هغه وخت وي چې په سجده کې وي.»
دا ښکلی او عبرتناک داستان له خپلو ملګرو سره شریک کړئ.
له عزرائیل څخه وپوښتل شول:
ایا ته کله ژړلي یا خندلي یې، کله چې د انسان روح اخلې؟
عزرائیل وویل:
یو ځل مې وخندل،
یو ځل مې وژړل،
او یو ځل ووېرېدم.
زما خندا هغه وخت وه چې ماته امر وشو د یوه سړي روح واخلم، هغه مې د بوټ جوړونکي تر څنګ ولید چې ویل یې: «بوټ مې داسې جوړ کړه چې یو کال دوام وکړي!» زه د هغه په حال وخندلم او روح مې ترې واخیست.
زما ژړا هغه وخت وه چې ماته د یوې ښځې د روح اخیستلو امر وشو، هغه مې په ګرمه دښته کې ولیده، بې له اوبو او سیوري، د زیږون په حال کې وه. انتظار مې وکړ تر څو ماشوم وزېږي، بیا مې د هغې روح واخیست. د هغه بې وسه ماشوم په حال مې زړه وسوځېد او وژړلم.
زما وېره هغه وخت وه چې الله ماته امر وکړ د یوه عالم روح واخلم. له کوټې یې رڼا راتله، څومره چې نږدې کېدم، رڼا ډېره کېده. کله چې مې روح واخیست، د هغه د څېرې له ځلا ووېرېدم.
الله وفرمایل:
«پوهېږې دا څوک و؟ دا هماغه ماشوم و چې د مور روح دې اخیستی و. د هغه پالنه زما په ذمه وه. هېڅکله دا ګومان مه کوه چې زما له موجودیت سره به څوک بې سرپرسته پاتې شي.»
حتماً یې ولولئ!
ته چې یوه ټوکه ووینې، سمدستي یې کاپي کوې او خپروې؛
نو د قرآن هغه سورت چې د قرآن له درېیمې برخې سره برابر دی، ورسره څه کوې؟
د قیامت په ورځ به وایې: کاشکې مې ډېر لېږلی وای…
دعا:
سُبحانَ اللهِ يا فارِجَ الهَمّ وَ يا كاشِفَ الغَمّ، فَرِّج هَمّي وَ يَسِّر أَمري وَ ارحَم ضَعفي وَ قِلَّةَ حيلَتي، وَ ارزُقني مِن حيثُ لا أحتَسِب، يا رَبَّ العالَمين.
رسول الله ﷺ فرمایلي: هر څوک دا دعا د خلکو ترمنځ خپره کړي، ستونزې به یې حل شي؛ خو شیطان ډېرو خلکو ته اجازه نه ورکوي چې دا خپره کړي.
ایا غواړې حافظه دې قوي شي؟
۱- مسواک ووهه
۲- روژه ونیسه
۳- قرآن ولوله
ایا غواړې د غوږ او غاښ درد ونه لرې؟
له هر پرنجي وروسته ووایه: الحمد لله رب العالمین
ایا پوهېږې الله له څه شي بد وړي؟
۱- بې ضرورته خوب
۲- په مړښت کې خوراک
۳- بې ځایه خندا
ایا پوهېږې څوک د شپې عبادت کوونکو ثواب وړي؟
هغه څوک چې په اودس ویده شي.
ایا غواړې رزق دې زیات شي؟
د جمعې په ورځ نوکان پرې کړه.
ایا پوهېږې د شیطان استوګنځای چېرته دی؟
د اوږدو نوکانو لاندې.
ایا پوهېږې د قیامت په ورځ څوک په لاس تړلي دوزخ ته وړل کېږي؟
هغه سړی چې له نامحرمه ښځې سره لاس ورکوي.
ایا پوهېږې څوک د جنت لاره ورکېږي؟
هغه څوک چې د رسول الله ﷺ نوم واوري او درود ونه لېږي.
ایا غواړې د څلوېښت کلونو ګناهونه دې وبخښل شي؟
هر سهار لس ځله پر نبي ﷺ درود ووایه.
اللهم صل علی محمد و آل محمد
لا اله الا الله محمد رسول الله
که دا خبرې درېو کسانو ته ولېږې، هر څوک چې پرې عمل وکړي، ته هم په ثواب کې شریک یې.
هغه کارونه چې فقر او بې‌برکتي راولي:
– له لاس وینځلو پرته خوراک
– له بسم الله پرته خوراک
– په تیاره کې خوراک
– په تکیه خوراک
– مات لوښي کارول
– ډوډۍ په غاښونو پرې کول
– د سهار له لمانځه وروسته تر لمر ختو خوب
– د ماښام او ماخوستن ترمنځ خوب
– د ونې لاندې بول کول
– ولاړ بول کول
– په حمام کې بول کول
– د شپې کور جارو کول
– ښځې ولاړې سر ږمنځول
– د مور و پلار لپاره دعا نه کول
– نوکان په غاښونو پرې کول
– مور و پلار په نوم غږول
– په کور کې د غڼې جال پرېښودل
کله چې دا پیغام نورو ته لېږې، شیطان به هڅه وکړي چې تا یې له لېږلو منع کړي… ووایه: یا الله
⚠️ خبرتیا:
هر څوک چې د اذان پر وخت موسیقي اوري، د مرګ پر مهال به شهادتین ونه شي ویلای.
که دا پیغام خپور نه کړې، پوه شه چې شیطان دې مخه نیولې....

19/03/2026

السلام علیکم ورحمت الله وبرکاته
په کندهار پوهنتون کې دمیدان ښار محصیلینو علمي ټولني له لوري د کوچني اختر د مبارکۍ پیغام

د کوچني اختر د رارسېدو په دې مبارکو شېبو کې، په کندهار پوهنتون کې دمیدان ښار محصیلینو علمي ټولنه په ډېر درنښت او اخلاص سره د هېواد ټولو مسلمانانو ته د زړه له کومي مبارکي وړاندې کوي.

موږ له الله تعالی څخه هیله لرو چې زموږ روژې، عبادتونه، صدقې او دعاګانې په خپل دربار کې قبولې کړي، او دا مبارکه ورځ زموږ د ټولنې لپاره د یووالي، سولې، ورورولۍ او مینې پیغام راوړونکې وګرځوي.

اختر د بښنې، همدردۍ او خوښیو ورځ ده؛ راځئ چې په دې مبارکو ورځو کې یو بل ته لاس ورکړو، د اړمنو مرسته وکړو او د اسلامي ارزښتونو په رڼا کې خپل ژوند لا روښانه کړو.

الله تعالی دې دا اختر زموږ لپاره د خیر، برکت او دوامداره سوکالۍ سبب وګرځوي.

په درنښت : کندهار پوهنتون کې دمیدان ښار محصلینو علمي ټولنه
اختر مو مبارک شه 🌙✨

17/02/2026

کندهار پوهنتون

08/02/2026

په پخوانیو وختونو (بني اسراییلو) کې یو سړی و چې ډېر ګناهګار و او ۹۹ کسان یې وژلي وو. بالاخره د هغه په زړه کې د پښېمانۍ احساس پیدا شو او غوښتل یې چې توبه وباسي.
هغه د ځمکې د تر ټولو پوه انسان په لټه کې شو. خلکو ورته یو "راهب" (عبادت کوونکی، خو کم علمه) وښود. قاتل ورغی او ورته یې وویل: "ما ۹۹ انسانان وژلي دي، ایا زما لپاره د توبې او بخښنې کومه لار شته؟"
راهب چې د دې لوی جنایت په اورېدو حیران شوی و، وویل: "نه! هېڅکله نه! ستا ګناه ډېره لویه ده، خدای به تا ونه بخښي."
قاتل چې وار دمخه ناهیلی و، د دې ځواب په اورېدو سخت په غوسه شو، خپله توره یې راوویسته، راهب یې هم وواژه او د وژل شویو کسانو شمېر یې پوره ۱۰۰ ته ورساوه.
خو د هغه زړه لا هم ناارامه و. هغه بیا د یو پوه سړي (عالم) په لټه کې شو. دا ځل یې یو حقیقي عالم وموند او خپله کیسه یې ورته وکړه: "ما ۱۰۰ کسان وژلي دي، ایا زما توبه قبولیږي؟"
عالم په ډېر ډاډ ورته وویل: "هو، ولې نه؟ څوک دی چې ستا او د الله د رحمت تر منځ خنډ شي؟ د توبې دروازه خلاصه ده."
خو عالم ورته یو شرط کیښود او نصیحت یې ورته وکړ: "ته له دې کلي څخه چې پکې اوسیږې، وځه. ځکه دلته خلک بدکاران دي او تا ګناه ته هڅوي. فلانۍ سیمې ته لاړ شه، هلته نیک خلک دي، له هغوی سره د خدای عبادت وکړه او خپل پخواني کلي ته مه راګرځه."
سړي توبه وکړه او د نیکو خلکو د کلي په لور روان شو. خو لا په نیمه لار کې و چې د مرګ وخت یې راورسید او هلته ساه ورکړه.
په دې وخت کې د رحمت ملایکې او د عذاب ملایکې دواړه راکښته شوې او پر سر یې شخړه پیل شوه:
د رحمت ملایکو ویل: "دی په توبه راغلی و او په زړه کې د خدای په لور روان و، موږ یې جنت ته وړو."
د عذاب ملایکو ویل: "ده هیڅکله کوم نیک کار نه دی کړی او ۱۰۰ کسان یې وژلي دي، موږ یې دوزخ ته وړو."
الله (ج) د دوی تر منځ د پرېکړې لپاره یوه بله ملایکه د قاضي په توګه ور واستوله. قاضي ملایکې وویل: "د ځمکې فاصله اندازه کړئ. که دی د نیکو خلکو کلي ته نږدې وي، نو د رحمت ملایکې دې یوسي، او که د بدو خلکو کلي ته نږدې وي، نو د عذاب ملایکې دې یوسي."
دلته الله (ج) ځمکې ته امر وکړ. د بدو خلکو د کلي ځمکه یې لیرې کړه او د نیکو خلکو د کلي ځمکه یې لنډه کړه (را نږدې کړه).
کله چې ملایکو ځمکه اندازه کړه، نو سړی یوازې د یوې لسیزې (یا یوې پلوې) په اندازه د نیکو خلکو کلي ته نږدې و. نو د رحمت ملایکو د هغه روح له ځان سره یووړ او الله (ج) هغه وبخښه.

25/01/2026

د مطالعي ارزښت

مطالعه د عربي ژبې کلمه ده، چې مانا یې غور، فکر او توجه کول دي، د یو شي په اړه پوهاوي او واقفیت لپاره د یو شي کتل، لوستل او پوهېدلو ته مطالعه وایي.او په عام ډول د کتاب کتل او د کتاب ورقې اړولو ته هم مطالعه وایي.

دا چې الله ﷻ انسان اشرف المخلوقات پیدا کړی، انسان ته یې د نورو مخلوقاتو په پرتله غوره والی وربخښلی، انسان ته یې عقل او پوهه ورکړې; انسان ته لازمه ده، چې له خپلې ورکړل شوې پوهې او عقل څخه په سمه توګه ګټه واخلي.

د عقل د پرمختګ یو لامل هم مطالعه ده، چې یو انسان خپلو موخو ته رسولی شي.

د مطالعې د ارزښت په اړه الله ﷻ په خپل سپېڅلي کتاب (قرآنکریم) کې فرمایلي دي: «هَلْ یَسْتَوِي الَّذِیْنَ یَعْلَمُوْنَ وَالَّذِیْنَ لَا یَعْلَمُوْنْ»
(آیا برابر دي هغه کسان، چې پوهیږي او هغه کسان چې نه پوهیږي؟)

نن سبا، چې نړۍ څومره پرمختګ کړی ده؛ دا ټول د مطالعې برکت ده او هغه هېوادونه، چې وروسته پاتې دي؛ په حقیقت کې د هغه هېواد خلک له مطالعې څخه لېرې پاتې دي.دا چي مطالعه خورا ډیر ارزښت لري نو انسان هر ډول مطالعې ته اړتیا لري، چې باید و یې کړي؛ خو تر هر څه د مخه باید الٰهي کتاب (قرآنکریم) مطالعه شي، ځکه قرآن هغه کتاب ده، چې د ژوند ټولې لارې چارې او ټول علوم پکې رانغاړل شوي دي او وروسته بیا نور کتابونه مطالعه شي.

مطالعه د حافظې پیاوړتیا کې رغنده رول لوبوي، کله چې دانسان حافظه وده وکړه، نو دموضوع دلاروښانتیا په اړه ښه درک کولای شي، دلوست په برکت فکرونه دمنفي څخه مثبت لوري ته بدلوي. مثبت فکر انسان دبریا ډګر ته رسوي، منفي فکر دانسانانو حافظه له تشویشونو ډکوي. غوره ده، چې تل په مثبتو افکارو ځانونه روږدي کړو او منفي فکرونو نه ډډه وشي.
په مطالعي د عادت کیدو لپاره لومړی په کار ده چې ښه او ګټور کتابونه وټاکل شي، ځکه چې ښه کتاب لوستل انسان مهذب او شایسته کوي، په شخصیت یې مثبت تاثیر اچوي او وقار ورته بخښي.

مجلې، ورځپاڼې ناول، لنډې کیسې،طنزونه او شعري ټولګې لوستل هم د مطالعې په لیوالتیا کي رغنده رول لوبولی شې.بله اړینه خبره چي پر مطالعې د عادت کیدو لپاره مهمه ده هغه په لومړیو کې لږه مطالعه کول دي، ورسته بیا کولای شئ چي ورو ،ورو مو د مطالعي وخت ورزیات کړئ.

دمطالعي بیلابیلې ګټي:
۱ـ مطالعه هغه څه ده، چې انسان د کمال درجې ته رسوي.
۲- د مطالعې له امله د پوه او ناپوه انسان توپېر کېدلی شي.
۳- مطالعه ستاسو او د نړۍ د سترو پوهانو تر منځ واټن له منځه وړي.
۴- مطالعه مو په ورځینیو چارو کې له ستونزو څخه ژغوري.
۵- مطالعه ستاسو د ځان، ژوند، ټولنې او هېواد د پرمختګ ستر لامل کېدلی شي.
۶- مطالعه مو د نړۍ له پرمختګونو او اختراعاتو څخه خبروي.
۷- مطالعه مو ذهن پراخوي او نوښتونو ته مو هڅوي.
۸- مطالعه مو په هغو ويونو (لغاتونو) پوهوي، چې مخکې پرې نه پوهېدلئ.
۹- مطالعه مو املایي تېروتنې سموي.
۱۰ ـ مطالعه د ماغزو ښه ورزش دی .
۱۱ـ مطالعه ستاسو تحليل څو برابره ډيره وي.
۱۲ ـ مطالعه کولای شي ، هغو موخو ته مو ورسوي ، چې په ژوند کې يې ورته د رسيدو هيله لرو .
۱۳ ـ مطالعه د بېلا بېلو پرمختګونو او دينونو په اړوند پيژندګلوي را په برخه کوي.
۱۴ ـ مطالعه او کتاب لوستل د ژوند کولو هنر رازده کوي .
مطالعه تاسو ته ښه احساس در په برخه کوي .
۱۵ـ مطالعه ستاسو د خوښۍ سبب ګرځي.
۱۶ ـ مطالعه تاسو ته ټينګښت دربښي .
۱۷ ـ مطالعه د ستاسو فکري تمرکز ډيره وي .
۱۸ ـ مطالعه ستاسو شخصيت ته وده ورکوي.
۱۹ـ مطالعه ستړيا او ناخوښی له منځه وړي.
۲۰ـ مطالعه غوره تفريح ده.

21/01/2026