Quel est le site Web ?

https://www.facebook.com/101101686120402/

Transform plus page, Democratic Republic of the (2026)

30/06/2023

စပါးအထွက်တိုးဖို့ "ဝါ"သုံး"ဝါ"မဖြစ်အောင် ဂရုစိုက်ပါ

စပါးပင်သက်တမ်းတစ်လျှောက်မှာ စပါးပင်အရွက် "ဝါ" လို့ မရတဲ့ အဆင့်သုံးခုရှိပါတယ်။

ပထမ "ဝါ" တာကတော့ အပင်ပွားနေတဲ့အချိန် (အပင်ကြီးထွားဆင့်) မှာ အရွက်မ "ဝါ" စေရဘူး။ ဒုတိယ "ဝါ"က တော့ မှိုကပ်ချိန် (အနှံသန္ဓေတည်ဆင့်) မှာ မ"ဝါ" စေရဘူး။ တတိယ "ဝါ" ကတော့ နို့ရည်တည်ချိန် (ရင့်မှည့်ဆင့်) မှာ မ "ဝါ"စေရဘူး ဖြစ်ပါတယ်။ ဒီအဆင့်တွေမှာအရွက်တွေဝါရင် အထွက်ကျမှာ မလွဲဧကန်ပါပဲ။

အပင်ပွားချိန်မှာ အရွက်တွေဝါနေရင် အပင်ပွားမှုနည်းမယ်။ အပင်ကြီးထွားမှု တန့်နေမယ်။ အပင်ပွားနည်းရင် တစ်ဧကမှာရှိရမယ့် ကြဲခင်းအောင်နှံ ၁၅-၁၆ သိန်း ၊စိုက်ခင်းအောင်နှံ ၁၀ သိန်း ပြည့်ပြည့်ဝဝ မရတော့ဘူးပေါ့။ အဲဒီကတည်းက စပါး
ထွက်က ကျနေပြီပေါ့ဗျာ။ တစ်နှံမှာ အောင်စေ့ ၁ဝဝ၊ တစ်ဧကမှာ အောင်နှံ ၁၀ သိန်း၊ တင်း ၁ဝဝ ထွက်မယ့်ကိန်းလို့ ဆိုရိုးရှိတယ်မဟုတ်လားဗျာ။
အဲဒီတော့ ဒီအဆင့်မှာ စပါးရွက်တွေရဲ့ အရောင်ဟာ ဓနိဖက်ရောင်လို စိမ်းမှောင်နေဖို့ မလိုပေမဲ့ မဝါအောင်ဂရုစိုက်ရမယ် ဒါမှ အစာချက်အားကောင်းမှာပေါ့ဗျာ။ ဒီလိုဖြစ်အောင် N.P.K အချိုးစားမျှတအောင် ဓာတ်မြေဩဇာ ကျွေးဖို့ လိုတာပေါ့။

နောက် ဒုတိယ "ဝါ" ကတော့ မှိုကပ်ချိန်မှာ မဝါစေရဘူးပေါ့ဗျာ။ မှိုကပ်ချိန်မှာ ဘာလို့မ "ဝါ" စေရမှာလဲ။ စပါးပင်ရဲ့ ဗိုက်ထဲမှာ သူ့သားဆက်အတွက် သန္ဓေလေး တည်နေပြီလေဗျာ။

ဒီသန္ဓေသားလေး ကြီးထွားဖွံ့ဖြိုးပြီးဖူးကားနေတဲ့အနှံကြီး ဖြစ်လာဖို့အတွက် အစာအာဟာရအလိုအပ်ဆုံး အချိန်ပေါ့ဗျာ။လူကိုယ်ဝန်ဆောင် မိခင်တွေအထဲက ကလေးကျန်းမာရေးအတွက် အားဆေးဖြစ်တဲ့ ဖြူရာမင်ဘီစီတို့၊ အိုဘီမင်တို့၊ နို့တို့၊ကြက်ဥတို့၊ အသားတို့ စားပေးရသလိုပေါ့ဗျာ။

စပါးပင်ရဲ့ သန္ဓေသားလေး ကြီးထွားဖွံ့ဖြိုးပြီး ဖောင်းကားကြီးမားတဲ့ အနှံထွက် လာဖို့အတွက် အမြစ်ကစုပ်ယူတဲ့ အစာအာဟာရဓာတ်နဲ့ အရွက်ရဲ့ အစိမ်းရောင်က နေရောင်ခြည်နဲ့ချက်လုပ်တဲ့ ကာဗိုဟိုက်ဒရိတ်အစားများရဲ့ ၆၅ ရာခိုင်နှုန်းကို အနှံသန္ဓေ ကြီးထွားမှုအတွက် အသုံးချတယ်ဗျာ။ ဒီချိန်မှာ အရွက်ကဝါနေမယ်။ အစာကောင်းကောင်းမချက်လုပ်နိုင်ဘူးဆိုရင် သန္ဓေသားလေး အာဟာရချို့တဲ့ပြီး အနှံလည်း မကြီးထွား၊ အစေ့လည်းမများ၊ အောင်စေ့လည်းနည်းသွားသပေါ့ဗျာ။ ဒါကြောင့် အစာချက်လုပ်အားကောင်းအောင် ဒီအချိန် အရွက်တွေစိမ်းစိုကျန်းမာနေ အောင် အထူးဂရုစိုက်ဖို့ လိုတာပေါ့ဗျာ။

နောက် တတိယ "ဝါ" ကတော့ နို့ရည်တည်ချိန် (ရင့်မှည့်ကာလ) မှာ စပါးရွက်တွေ မဝါ စေရဘူးပေါ့ဗျာ။ နို့ရည်တည်တယ်ဆိုတာ သန္ဓေသားလေး အဆင့်ဆင့်ကြီးထွားပြီး အနှံအဖြစ် အပြင်ထွက်လာတယ်။ (ကလေးမွေးပြီပေါ့ဗျာ)
အနှံစုံရင် စပါးစေ့လေးတွေဟာ နံနက် ၈ နာရီကနေ ၁၁ နာရီကြားမှာ ပန်းပွင့်ပြီး သန္ဓေအောင်တယ်။ ပန်းပွင့်သန္ဓေအောင်ပြီးတာနဲ့ စပါးခွံနှစ်ခြမ်းဟာ ပြန်ပိတ်သွားတယ်။ အဲဒီစပါးခွံထဲမှာ စပါးစေ့ဟာ အဆင့်ဆင့်ဖြစ်တည်တယ်ဗျာ။ အစာဖြည့်တင်းတာပေါ့။ ပထမနို့ရည်ကျဲကျဲ၊ တဖြည်းဖြည်းနို့ရည်ပျစ်၊ နို့ရည်ခဲ၊နောက် နို့ရည်မာ၊ နောက်ဆုံး ဆန်သားဖြစ်လာတာပေါ့။ နို့ရည်ကျဲကနေ ဆန်သားဖြစ်တဲ့ထိ သုံးပတ်ခန့်ကြာတယ်ဗျ။
ဒီအချိန်မှာစပါးခွံထဲက ဆန်သားလေး ပြည့်ပြည့်ဖြိုးဖြိုးအောင်မြင်တဲ့အစေ့ ဖြစ်လာဖို့ အစာအများဆုံး အသုံးချတာပေါ့ဗျာ။ ဘယ်ကအစာကို အသုံးချတာလဲ၊ အမြစ်က စုပ်ယူတဲ့အာဟာရ၊ အရွက်အစိမ်းရောင်နဲ့ နေရောင်ခြည်နဲ့ချက်လုပ်တဲ့ ကာဗိုဟိုက်ဒရိတ်ကို ၆၅ရာခိုင်နှုန်း အသုံးချသဗျ။ ဆန်သားလေးဖြစ်တည်ဖို့အတွက် လိုအပ်တဲ့အစာအာဟာရကို ချက်လုပ်ပေးဖို့ တာဝန်ရှိနေတဲ့ စပါးရွက်တွေက "ဝါ" နေမယ်ဆိုရင် ဆန်သားလေး အစာအာဟာရငတ်ပြီပေါ့ဗျာ။ အစာ
အာဟာရငတ်တော့ အဆံမအောင်၊ အဆံချောင်၊ အဖျင်းများ၊ အထွက်ကလည်း လျှောခနဲ သွားပြီပေါ့ဗျာ။
ဒီအချိန်မှာ အရွက်တွေ စိမ်းမှောင် နေဖို့မလိုပေမဲ့
မဝါအောင် အပင်ကျန်းမာနေဖို့ လိုအပ်ပါတယ်.
N.P.K အချိုးစားမျှတတဲ့ ဓာတ်မြေဩဇာကျွေး၊
ဒါမှမဟုတ် ရွက်ဖျန်းမြေဩဇာ နှစ်ကြိမ်၊ သုံးကြိမ်လောက် ဖျန်းပေးဖို့ လိုအပ်တာဖြစ်ပါတယ်...
Ph 09440469227(viber)သို့
ဆက်သွယ်မှာယူ နိုင်ပါတယ်။

09/06/2023

💁‍♂️ အထွက်တိုးနှုန်း နှစ်ဆ( X2 )💁‍♂️

💚 +++++

Transform plus(1)အစိမ်းရောင်ဗူးမှာဆိုရင်
🛑Bio Polymer(သဘာဝ ပိုလီမာ)
ရေမြှုပ်ပုံစံရှိပြီး ion များကိုထိန်းသိမ်းထားပြီး အပင်
အတွက် အာဟာရဓာတ်များကို ဖြေးဖြေးချင်းထုတ်
ပေးပါတယ်။
🛑အနည်းလိုဓာတ်ပမာဏ
Magnesium(MgO)2%ဟာ ကလိုရိုဖီးတွင်ပါဝင်
သောဓာတ်ဖြစ်ပြီး အစာချက်ခြင်းနှင့် အရွက်များသို့
အာဟာရပို့ဆောင်ခြင်းကိုလုပ်ဆောင်ပေးပြီး
အမြစ်၊အစာချက်ခြင်းလုပ်ဆောင်ချက်များကို
ပိုမိုကောင်းမွန်စေပြီးအစာချက်ရန် အမြဲအဆင်သင့်ရှိစေပါတယ်။
🛑ဖြည့်စွက်ဓာတ်ပမာဏ
Zinc (Zn) 0.7%
♻ကလိုရိုဖီးလ် ကိုထုတ်လုပ်ပေးပါတယ်
♻အောင်စင်ဟောမုန်းကိုထုတ်လုပ်ပေးပြီး ပင်စည်ကို
ကောင်းစွာကြီးထွားစေပါတယ်။
🔷ထပ်တိုးပါဝင်ပစ္စည်းများ
Atonik(အတောနစ်)သို့မဟုတ် Mono Nitrophenol
♻အပင်အတွက်ကြီးထွာစေသောဓာတ်ဖြစ်ပြီး
အပင်အတွက်စွမ်းအင်ကိုပိုထုတ်ပေးနိုင်ခြင်း။
♻အမြစ်ကိုတိုးစေပြီး အမြစ်ပွားငယ်လေးများကို
ပွားစေတာကြောင့် အပင်ကိုအစာစုပ်ယူမှု ပိုမိုအား
ကောင်းစေခြင်း။
♻အပင်များကိုပူပြင်းခြောက်သွေ့ခြင်းနှင့် အအေး
ဓာတ်ကိုကောင်းစွာခံနိုင်ရည်ရှိခြင်း။
🔷ဗီတာမင် B1
အမြစ်ထွက်ခြင်းကိုအားကောင်းစေပြီးအစာစုပ်ယူမှု
ကို အားကောင်းစေသည့်အပြင်အပင်ကြီးထွားမှုကို
လည်းအားပေးပါတယ်။
***************************************
💛 ️⃣မှာဆိုရင်

🛑အနည်းလိုဓာတ်ပမာဏ
Magnesium 2% ပါရှိပြီး အစာချက်ခြင်း၊အရွက်များသို့
အာဟာရပို့ဆောင်ခြင်း၊အစာချက်ခြင်းကိုပိုမိုကောင်း
မွန်စေကာအစာချက်ရန်အသင့်ရှိနေခြင်း။

🛑Sulphur 0.5%ပါဝင်ပြီး ပရိုတင်းတည်ဆောက်မှုကို
အကျိုးပြုစေခြင်း၊ဗီတာမင်တချို့ရဲ့ပါဝင်မှုတစ်ခုဖြစ်
သည့်အပင်၏အသက်ရှူခြင်းနှင့်အစာချက်ခြင်းကို ဖြစ်ပေါ်စေခြင်း

🔴ဖြည့်စွက်ဓာတ်ပမာဏ
Iron 0.2%အသီးအနှံတို့ကိုအရွယ်အစားကြီးစေပြီး
အသားကိုပြေပြစ်လှပစေပါတယ်။
Manganese0.5%အစာချက်အရည်များကိုပိုမိုအား
ကောင်းစေပြီး အပင်တွင်းရှိ Iron နှင့် Nitrogenတို့၏
လုပ်ဆောင်ချက်ကို ထိန်းညှိပေးခြင်း။
Copper 0.1%အပင်ကြီးထွားခြင်း၊အပွင့်များခြင်း၊အသီးများခြင်းအတွက်ကောင်းမွန်စေခြင်း။
Zinc0.6% အပင်ဟော်မုန်းများအတွက်တာဝန်ရှိသော
ဓာတ်ဖြစ်သည်။

Boron0.17%အာဟာကဓာတ်စုပ်ယူမှုကိုအကျိုးပြုပြီး
Calciumနှင့်Nitrogenဓာတ်တို့ကိုပိုမိုကောင်းမွန်စေရန်
ကူညီပေးခြင်း၊အသီးအနှံတို့ကို အရသာ၊အရွယ်အစား
အလေးချိန်တို့ကို ပိုမိုကောင်းမွန်စေပါတယ်

🔷ထပ်တိုးပါဝင်ပစ္စည်းများ
အတ္တလန်တိတ်သမုဒ္ဒရာမြောက်ဘက်မှရသော
ရေညှိ(Seaweed Extract)
လျှပ်စစ်ဓာတ်များကိုပြောင်းလဲပေးသောကြောင့်
အပင်မှအသာစားရခြင်းတွင်ပိုမိုလွယ်ကူစေခြင်း
မြေကြီးထဲရှိအကျိုးပြုပိုးမွှားများတိုးပွားစေသည့်အပြင်
အသီးအနှံများကို အရွယ်အစား အလေးချိန်တိုးစေခြင်း။
ဆိုင်တိုခိုင်နင်( Cytokinin) အပင်ဆဲလ်ကြီးထွားမှုကို
အထောက်အကူပြု ပြီး အပင်ဆဲလ်များ အိုမင်းခြင်းကို
လျှော့ချပေးခြင်း။
ပရိုတင်းထုတ်လုပ်မှူအားကောင်းစေပြီးအာဟာရဓာတ်
များသယ်ဆောင်ပေးခြင်း။
အကိုင်းအခက်များပိုများပြားစေခြင်း။
အပွင့်ပွင့်ခြင်းကိုပိုမိုအားကောင်းစေသည့်အပြင်
အမ ဖြစ်သောအပွင့်များကို ပိုမိုတိုးစေခြင်း။

စိုက်ပျိုးရေးဆိုင်ရာအကျိုးကျေးဇူးများ
💠💠💠💠💠💠💠💠💠💠💠
✅ရွက်ဖြန်းဆေးအမျိုးအစားဖြစ်ပြီး အပင်မှအစာချက်ခြင်း။
စားသုံးနိုင်ခြင်း။
✅အမြစ်ပွားများပိုမိုရှည်စေပြီး အစာစုပ်ယူမှုအားကောင်းစေခြင်း။
✅အမိုင်နိုအက်ဆစ်ကိုတည်ဆောက်ခြင်းအတွက်
အဓိကလိုအပ်သောပါဝင်ပစ္စည်းများပါဝင်ပြီး အပင် ကြီးထွားမှုအတွက်
အထောက်အပံ့ပြုဟော်မုန်းဓာတ်များ
ထုတ်ပေးခြင်း။
✅ပိုးမွှားနှင့်ဘက်တီးရီးယားမှဖြစ်သောရောဂါများကိုခံနိုင်ရည်ရှိခြင်း။

✅ပင်စည်နှင့်အခေါက်များကိုပိုမိုသန်မာ
စေခြင်း။
✅ရာသီဥတုပြောင်းလဲမှုဒဏ်ကိုကြံ့ကြံ့ခံ
နိုင်ခြင်း။
✅အရွက်တွင်ဆေးရည်များကပ်စွဲနေစေရန်
အကူပစ္စည်းများမလိုခြင်း။

✅ဓာတ်ကြွင်းပစ္စည်းများမကျန်သောကြောင့်
လူ၊တိရစ္ဆာန်နှင့် ပတ်ဝန်းကျင်အတွက် ဘေးထွက်ဆိုးကျိုး လုံးဝ(လုံးဝ)မရှိစေခြင်း။

🍎 Transform Plus🌽ရွက်ဖြန်းမြေသြဇာကို
မှာယူချင်ကြသော
တောင်သူဦးကြီး မိတ်ဆွေများအတွက် နှင့် မြို့နယ်အစုံမှစီးပွားဖြစ်ဖြန့်ချိရေးလုပ်လိုသော ကိုယ်စားလှယ်ကြီးများအတွက်

လက်လီဈေးနှုန်း၊ လက်ကားဈေးနှုန်းနှင့်အတူ အစီအစဉ်တွေပါ ရှိပါတယ်ခင်ဗျ။🙂
ဆက်သွယ်မှာယူလိုပါက
🅟🅗09440469227(viber)သို့ဆက်သွယ်မှာယူနိူင်ပါသည်ခင်မျာ့ 🙏🙏🙏

Plus Page

29/05/2023

အပွင့်တိုင်း အသီးတင် ဆေးရည်အလွယ်ပြုလုပ်နည်း
================================

အုန်းရည်အစို / အခြောက် ၁ လုံး
အချို မုန့် ၁ ဇွန်း
ကြက်ဥ ၁လုံး
ပြုလုပ်နည်း
အုန်းရည်ကိုခွက်ထဲဖေါက်ထည့်ပါကြက်ဥကိုကြေ
အောင်ခေါက်ပါအချိုမုန့်နဲ့ထပ်ထည့်ပြီးသမအောင်
ကျေအောင်မွှေ ခေါက်ပါ အုန်းရည်ခွက်ထဲ ကြက်ဥအ
ချိုမုန့် သမအောင်ခေါက်ထားးသော အရည်ထည့်
ပြီး မွှေပါ အားလုံးးကို ဘူးအလွတ်ထဲ ထည့်ပြီ အဖုံးပိတ်ကာ ထပ်မွှေပြီး အသင့်သုံးလို့ရပါပြီ သုံးမကုန်သောဆေးကို ဘူးထဲထည့် အဖုံးလုံအောင်ပိတ် အရိပ်ထဲ ထားပါ ၁ လတိတိ ထား လို့ ရပါတယ်
ဆေးဖျန်းပုံး ၁ပုံးကို ဆေးရည် ၃ ဇွန်း ရော ဖျန်းပါ
၁ ပတ်ကို ၂ ခါ ဖျန်းပေးရပါသည်။
ငရုပ်ပင် အတွက်တော့ လက်တွေ့ပါ
ငရုပ် ပွင့် များဝေဆာပြီး အပွင့်တိုင်းအသီးတင် ကြီးထွားပါတယ်။

Credit:
Plus Page

26/05/2023

♦ ပြောင်းအမျိုးမျိုး အသုံးပြုနည်း ♦

ထိုင်းနိုင်ငံထုတ် (Transform Plus / Soil) သဘာဝရွှက်ဖြန်းမြေသြဇာ အသုံးပြုနည်း ။

1️⃣. ပထမဆုံးမစိုက်ခင်၊မပျိုးခင် ထွန်ယှက်ပြီးသောမြေ (သို့မဟုတ်) ထယ်ထိုးပြီးသော မြေကြီးကို Transform Soil(မြေပြင်မှုန့်) နှင့် မြေပြုပြင်ပါ။ဆေးဖြန်းပုံးတစ်ပုံးတွင် 50ဂရမ် ရေ 4 ဂါလံဖြင့် 1 ဧက 4 ပုံးဖြန်းပါ။( 200g)

2️⃣. ပြောင်းမျိုးစေ့ 1 ဧကစာကို No.1 -(10CC/20CC) ရေအနည်းငယ်နှင့်ရော၍ 3 နာရီခန့် (ပြောင်း+ဆေး+ရေ) ရော၍စိမ်ပြီးမှစိုက်ပါ ။ရေမများပါစေနှင့်။ လူးနယ်၍စိုက်လို့ရသလို စိမ်ရင်ပိုကောင်းပါတယ်။ No.1- (10CC/20CC)

3️⃣. ပြောင်းစိုက်ပြီး (10 ရက်-15ရက်)ခန့် တွင်ဆေးဖြန်းပုံးတစ်ပုံးလျှင် No1-10CC ရေ 4 ဂါလံရော၍ 1ဧက 4 ပုံးဖြန်းပါ။ No.1-(40CC)

4️⃣. ပထမတစ်ကြိမ် သုံးပြီး(7) ရက်မှ (10) ရက်အကြာတွင် ဆေးဖြန်းပုံး တစ်ပုံးလျှင် No1-(15CC) ( သို့မဟုက် ) ပြောင်ပင်သန်လျှင်/ အအေးဓာတ်ပိုရှိလျင် No.1-(20CC) ရေ 4 ဂါလံရော1ဧကလျှင် 4ပုံး ဖြန်းပါ။ No.1- (60CC/80CC)

5️⃣. တတိယအကြိမ်တွင်ဆေးဖြန်းပုံးတစ်ပုံးလျှင် No1-(20CC /30 CC) ရေ 4 ဂါလံ ရော၍ ပြောင်း1 ဧက 4ပုံးဖြန်းပါ ပြောင်းပင်လိုအပ်ချိန်အထိ No1 ပဲသုံးပါ။ No.1-(80CC/120CC)

6️⃣. ပြောင်းပင် ပန်းစခက်လျှင်ဆေးဖြန်းပုံးတစ်ပုံးလျှင် No.2-(20CC /30CC) ရေ 4 ဂါလံရော၍ ပြောင်း 1 ဧက 4 ပုံးဖြန်းပါ။ ဖူးနေချိန်မှာ No2 ကိုသုံးပါ။ No.2-(80CC-120CC)

🔴 သတိပြုရန်။ ။

🔸 ပြောင်းပင်သည်အပင်မြင့်၍ စိုက်ပင်ထူလျှင် ပြောင်းဖူးချိန် ဆေးဖြန်းရန် အခက်အခဲကြုံရနိုင်ပါတယ်။
စိတ်မပူပါနဲ့ ပြောင်းပင်ခါးလောက် အရွယ်မှာမဖူးဖူးNo.2ကိုစသုံးပါ။ နောက်ဆုံးဝင်ရနိုင်တဲ့အချိန်လောက်ထိNo-2နှစ်ကြိမ်လောက် မိရင်အဆင်ပြေပါတယ်ဖူးသန့်ပါတယ်။

🔸 ပြောင်းအမျိုးမျိုးအတွက် Transform ကို အသုံးပြုသည့်အခါ အနည်းဆုံး Transform No.1- အပင်အားဆေးကို (3)ကြိမ် No.2 - အသီးအားဆေးကို (2)ကြိမ်အထိ ဖြန်းပေးနိုင်လျှင် ပြောင်းဖူးအထွက်နှုန်းကို သိသိသာသာ ရလဒ်ထွက်စေမှာဖြစ်ပါတယ်။

မှတ်ချက် 🔴🔴🔴

🔵. မနက်စောစောနှင့် ညနေတစ်စောင်းအချိန်သည် ဆေးဖြန်းရန်အကောင်းဆုံးဖြစ်သည်။

🔵.နေအရမ်းပူနေချိန် နေ့လည်တွင်ဆေးမဖြန်းရ။

🔵. အခြားသော ဓာတု၊ဓာတ်မြေသြဇာ မည်သည့်ဆေးနဲ့မှ လုံးဝ (လုံးဝ) ရောမဖြန်းရ။

🔵. 1ဧကလျှင် 4ပုံးအပြည့်အဝသုံးပါ။

🔵. Transform ဆေးနှင့် အခြားဓာတုဓာတ်မြေသြဇာ(သို့မဟုတ်) ပိုးသတ်ဆေး၊ပေါင်းသတ်ဆေး တို့နှင့် (3)ရက်ခြားအသုံးပြုနိုင်သည်။

ပြောင်း 1ဧကအတွက်အပြီးအစီးကုန်ကျစရိတ်❗❗

Transform Plus. 1ဘူးပါဝင်မှု 1000 CC
🔰- No.1 = 250 / 300 CC ဝန်းကျင်
🔰- No.2 = 200 /250 CC ဝန်းကျင်

♦Transform (4/5သောင်း)ကျပ်ဝန်းကျင် ဖြင့် ပြောင်း1ဧကကို
အပြီးအစီးအသုံးပြုနိုင်သည်။♦

🏞️ Soil မြေဆီ 1ထုပ် 1/2/3/4/5 ဧကအထိ
မိမိစိတ်တိုင်းကျပြုပြင်ပေးနိုင်ပါတယ်
လက်ကားစျေး 40000
လက်လီ 52000

🔴1လီတာ (1000CC)တစ်ဗူးလျှင်
လက္ကားစျေး -90000ကျပ်
လက်လီစျေး-117000ကျပ်

☎☎09-677816983///09440469227(viber)

Aung Kyi Myint

21/05/2023

🍉 ဖရဲသီးပင် 🍉 ထိုင်းနိုင်ငံထုပ် ( ထရန်စဖောင်းမ်- ပလပ် စ် - စွမ်း သဘာဝရွက်ဖြန်းမြေဩဇာ ) Transform Plus / Soil အသုံးပြုနည်း ။

(၁) ပထမဆုံး မြေကြီးကို မြေပြင်မှုန့် Transform Soil နဲ့ပြုပြင်ပါ။ 50 gm ရေ 4 ဂါလံ 1 ဧက 4 ပုံးဖြန်းပါ။ စိုက်ခါနီးမှဖြန်းလို့သလို ရက်အနည်းငယ် ကြိုဖြန်းလဲရပါတယ် ။ 200gm 1ဧက ။ ဘောင်တွေဖြန်းပါ ။

(၂) မျိုးကိုNo1 အနည်းနှင့် ရေအနည်းရော၍ လူးနယ်သဘောမျိုး လူးနယ်ပါ ။ နာရီဝက်လောက်နေစိုက်ပါ။

(၃)ပျိုးပင်များကို No1 /10CCရေနှင့်ရော၍ ခပ်ဖွားဖွားဖြန်းပေးပါ ။

(၄) အပင်မြေချပြီး No1-10/15CC ရေ 4 ဂါလံ နူန်းထားဖြစ် ဖြန်းပါ။ မြေချပြီး 4/5 ရက်လောက် နေ့စဉ်ဖြန်းပေးပါ။ 1 ဧက 3 ပုံး။

(၅) အပင်ရက် 20 ကျော်လျှင် No1 -15 CC နူန်းထား မှ အပင်ခံနိုင်ရည်ရက်သားပေါ်မူတည်၍ 20 CC ထိဖြန်းပေးပါ။

(၆) ဖူးပွင့်စလျှင် No1 -15CC +No2-15CC ရော၍ 1 ဧက 3 ပုံးဖြန်းပါ။
အသီးကင်းစဝင်ချိန်မှ အသီးသီးနေချိန်တစ်ချိန်လုံး No1/20CC +No2 /20CC ရောဖြန်းပါ။

( ဖရဲပင် ထိပ်ညွန့်ဖြတ်ထားချိန်တွင် ဆေးနေ့စဉ် 4/5ရက်ဆက်တိုက်ဖြန်းပေးပါ ဆေးမများစီပါနဲ့ )

ပိုးသက်ဆေးပေါင်းသက်ဆေးရောမသုံးရ မနက်ညနေဖြန်းရမည်။
နေပူချိန် မိုးရွာချိန် မိုးရွာပြီးဆေးမဖြန်းရ ရေနဲ့ဖျော်ပြီး 24 နာရီအတွင်းသုံးရန် ။
ဆေးပုံးသန့်ရှင်းရန်။ 1 ဧကလျှင် 3 ပုံး မှ 4 ပုံးထိဖြန်းနိုင်။ အပင်ကြီးထွားမှုပေါ်မူတည်၍ဆေးချိန်သုံးပါ ။ အပင်ငယ်ချိန်ဆေးများများမသုံးပါနဲ့ ။ ပုံမှန် 5 ရက်တစ်ကြိမ် 7 ရက်တစ်ကြိမ် 10 ရက်တစ်ကြိမ်ဖြန်းနိုင်သည်။

Aung Kyi Myint
# Transform Plus Page

19/05/2023

သဘာဝပိုးသတ်ဆေး အလွယ်ပြုလုပ်နည်း
၅ နည်း လွယ်တဲ့နည်းနဲ့ ပြုလုပ်အသုံးပြုနိုင်ပါသည်။
============================100%
ပိုးသတ်ဆေးအလွယ်တကူဖော်စပ်သုံးစွဲနိုင်မယ့်နည်းလမ်းအမျိုးမျိုးကို မျှဝေပေးလိုက်ပါတယ်ဗျှာ100%
ငရုတ်သီးပိုးသတ်ဆေးရည်
================
ငရုတ်သီး (စို/ခြောက်) - ၃၀ကျပ်သား
အရက်ဦးရေ - (၂)လီတာ
ရေ - (၄)လီတာ
(ပြုလုပ်ပုံ)
ငရုတ်သီးတွေကို ရေ (၄)လီတာနဲ့ရောပြီး မီးအေားအေးနဲ့ (၁)နာရီလောက်ပြုတ်ပေးပါ။
ပြုတ်ပြီးသား ငရုတ်သီးနဲ့ အရည်တွေကို ရေ(၂၀)လီတာထည့်ထားတဲ့အိုးထဲကို ထည့်ပါ။
ပြီးရင် အရက်ဦးရေ (၂)လီတာရောထည့်ပါ။
အိုးပိုအဝတ်ပါးပါးနဲ့ဖုံးအုပ်ပြီးအေးမြတဲ့နေရာမှာထားပါ။
တစ်နေ့တစ်ကြိမ်မွှေပေးပါ။
(၇)ရက်ပြည့်ရင် အသုံးပြုနိုင်ပါပြီ။ အသုံးပြုတဲ့အခါမှာ အဖတ်တွေကို ရေစစ်နဲ့ စစ်ပြီးမှ သုံးစွဲပါ။ (၃)လခန့်သိုလှောင်နိုင်ပါတယ်။
(ဆေးဖျော်ရန်နှုန်းထား)
ဆေးရည် (၁)ဆ၊ရေ(၅၀၀)ဆ
ကာကွယ်နှိမ်နင်းနိုင်သော ပိုးမွှားများ
မွှား၊ပျ၊လှေး၊ပုရွက်ဆိတ်၊ယင်ဖြူ၊ကျိုင်း၊ပင်စည်ထိုးပိုး၊ ဖလံလောက်ကောင်အဆင့်၊ခရု အစရှိသောပိုးမွှားများကို
နှိမ်နင်းနိုင်ပါသည်။
➡️➡️➡️➡️➡️➡️➡️➡️➡️➡️➡️➡️
ကြက်သွန်ဖြူပိုးသတ်ဆေးရည်
==================
ကြက်သွန်ဖြူ - ၆၀ကျပ်သား
ရှာလကာရည် - ၅၀၀စီစီ
အရက်ဦးရေ - ၂လီတာ
(ပြုလုပ်ပုံ)
ကြက်သွန်ဖြူတွေကို ကြေညက်အောင်ထောင်းပါ။
(၁၅)လီတာဝင်ဆန့်တဲ့အိုးထဲမှာ ထောင်းထားတဲ့ကြက်သွန်ဖြူ၊ရှာလကာ၊အရက်၊ရေ(၁၀)လီတာကို ထည့်ပြီး ရောမွှေပေးပါ။ အဝတ်ပါးပါးနဲ့ ဖုံးအုပ်ပေးပြီးအေးမြတဲ့နေရာမှာထားပါ။ တစ်နေ့တစ်ကြိမ် မွှေပေးပါ။
(၇)ရက်ပြည့်ရင် အသုံးပြုနိုင်ပါပြီ။ အသုံးပြုတဲ့အခါမှာ အဖတ်တွေကို ရေစစ်နဲ့ စစ်ပြီးမှ သုံးစွဲပါ။ (၃)ပတ်ခန့်သိုလှောင်နိုင်ပါတယ်။
ဆေးဖျော်ရန်နှုန်းထား
ဆေးရည် (၁)ဆနဲ့ ရေ (၅၀၀)ဆရောစပ်ပက်ဖြန်း
နိုင်ပါသည်။
➡️➡️➡️➡️➡️➡️➡️➡️➡️➡️➡️➡️
ပန်းတမာပိုးသတ်ဆေးရည်
===================
ပန်းတမာအညွှန့်၊အရွက် - ၂ပိဿာခွဲ (၄ကီလို)
ရေ - ၈လီတာ
ဆပ်ပြာ - ၁၂ကျပ်သား (၂၀၀ဂရမ်)
ရေနံဆီ - ၁၃ဇွန်း (ထမင်းစားဇွန်း) (၂၀၀)စီစီ
(ပြုလုပ်နည်း)
ပန်းတမာအရွက်ကို ခုတ်စင်းပြီး ရေ (၈)လီတာနဲ့ နာ၇ီဝက်ကြာပြုတ်ပေးရပါမယ်။
အဲဒီနောက်ပိတ်ပါးစနဲ့ စစ်ကျရည်ညှစ်ယူပြီး ဆပ်ပြာ(၁၂)ကျပ်သား၊ရေနံဆီ (၁၃)ဇွန်းတို့နဲ့ သမအောင်ရောစပ်ပေးရမှာဖြစ်ပါတယ်။ ရလာတဲ့အရည်ကို ရေ (၈)ဂါလံနဲ့ ရောစပ်ပက်ဖျန်းနိုင်ပါသည်။
➡️➡️➡️➡️➡️➡️➡️➡️➡️➡️➡️
ဆေးရွက်ကြီး
===========
ဆေးရွက်ကြီး အမှုန့် (၁) ပိဿာကို ရေ(၃) ဂါလံတွင် တစ်ညစိမ်ပါ။ ၎င်းစိမ်ရေကို ရေ (၄) ဂါလံ လျှင် (၁) လီတာ ထည့်ပြီး ဖျန်းပေးပါက ပိုးမွှားများကို လျော့နည်းစေသည်။ (ငရုတ်၊ ကြက်သွန်နီ၊ ကြက်သွန်ဖြူပင် များတွင် ဖျန်း ပေးပါက အထူးကောင်းပါသည်။
➡️➡️➡️➡️➡️➡️➡️➡️➡️➡️➡️
ဆေးလိပ်တို
==========
ဆေးလိပ်တို အခု (၃၀) ကို ရေ (၁) လီတာ ဖြင့် တစ်ညစိမ်ပါ။ ၎င်းစိမ်ရေကို ရေ(၄) ဂါလံ လျှင် နို့ဆီခွက် (၂)ခွက် ထည့်ပြီး ဖျန်းပေးပါက ပိုးမွှားများကို သေစေသည်။
➡️➡️➡️➡️➡️➡️➡️➡️➡️➡️
စပပါးလင်ပင်
=========
စပါးလင်အပင် (၂၅) ကျပ်သား ကို ထောင်းပြီး ရေ (၁) ဂါလံတွင် တစ်ညစိမ်ပါ။ ၎င်းစိမ်ရေကို ရေ(၄) ဂါလံ လျှင် (၁)လီတာ နှင့် ဆပ်ပြာမှုန့် ထမင်းစားဇွန်း (၂) ဇွန်း ထည့်ပြီး ဖျန်းပေးလျှင် ပိုးများ မလာအောင် တားဆီး ပေးပါသည်။
#စိုက်ပျိုးရေး နည်းပညာ
မျှဝေပေးလိုက်ပါတယ်ဗျှာ

19/05/2023

ကိုက်လန် စိုက်ပျိုးနည်း
🌱🌱🌱🌱🌱🌱🌱🌱
ကိုက်လန်ပင်မှာ အာဟာရ ဓာတ်ပေါင်းစုံပါဝင်ပြီး အဲဒီထဲကမှ ဗိုက်တာမင်ကေဟာ ကင်ဆာရောဂါအမျိုးမျိုးကိုလည်း ကာကွယ် ပေးနိုင်ပါတယ်။ စျေးကွက်ထဲမှာတော့ ကိုက်လန်ကို အရွက်စားကိုက်လန်၊အဖူးစားကိုက်လန် စသဖြင့် ရောင်းချကြပါတယ်။

ကိုက်လန်ပင်ဟာ အအေးကြိုက်တဲ့ သီးနှံပင်တစ်မျိုးဖြစ်ပြီး အပင်အမြင့် တစ်ပေကနေ တစ်ပေခွဲ လောက်အထိရှိပြီး အကိုင်းအခက်တွေဟာ (၃)ပေလောက်အထိ ပြန့်ကားပါတယ်။ အပင်သက်တမ်း ကတော့ (၂)နှစ်လောက်အထိခံပေမယ့် နှစ်ချင်းစားသုံးလို့ရပါတယ်။

ကိုက်လန်ကိုတော့ အရွက်တွန့် လိမ်နေတဲ့ ပုံစံတွေအပြင် ချောမောညီညာတဲ့ အရွက်ပုံစံကိုတွေ့ရမှာဖြစ်သလို. ခရမ်းရောင်ရှိတဲ့ အရွက်မျိုးကိုလည်း တွေ့နိုင်ပါတယ်။ ကိုက်လန်ပင်ရဲ့အနံ့အရောင်တွေဟာ ရာသီဥတု အေးမြလေ ကောင်းလေဖြစ်ပါတယ်။

ကိုက်လန်ပင်ကို တစ်နှစ်ပတ်လုံးစိုက်ပျိုးနိုင်ပြီး ဆောင်းရာသီနှောင်းပိုင်းနဲ့ မိုးရာသီနှောင်းပိုင်းတွေမှာ စိုက်ပျိုးကြတာများပါတယ်။ ပြင်ဦးလွင်ဒေသမှာစိုက်ပျိုးတဲ့ ကိုက်လန် တွေထဲမှာ မိုးမျိုးဟာအရွက်ရှည်ပြီး ဆောင်းမျိုးဟာ အရွက်ဝိုင်းပါတယ်။

ဆောင်းမျိုးက အပင်နိမ့် လို့ရပြီး မိုးမျိုးဟာ အပင်မြင့်မှရတာဖြစ်ပါတယ်။ အပင်နိမ့်ရင် အရွက်တွေဟာရေနဲ့ထိပြီး ပုပ်သွား တတ်ပါတယ်။ မိုးမှာစိုက်တဲ့ ကိုက်လန်ဟာ ဆောင်းတွင်း မှာစိုက်တဲ့ ကိုက်လန်ပင်ထက် စျေးပိုရလေ့ ရှိပါတယ်။ မိုးတွင်းဖြစ်တဲ့အတွက် နေရာတိုင်းမှာ စိုက်ပျိုးလို့ မရတဲ့အချက်ဟာ စျေးပိုရစေတာ ဖြစ်ပါတယ်။

ကိုက်လန်စပြီးစိုက်ပျိုးတော့မယ်ဆိုရင် ပျိုးခင်းလုပ်ဖို့အတွက် ဦးဆုံးပြင်ရမှာဖြစ်ပါတယ်။ ပျိုးခင်းကို (၁-၂)လက်မလောက်မြေဆွေးဖုံးပြီး မျိုးစေ့တွေကို လက်မဝက်အနက်နဲ့ တစ်စေ့နဲ့တစ်စေ့ကို တစ်လက်မခြားစိုက်ပျိုးရပါတယ်။

ပျိုးပင်ပေါက်တွေကို တစ်ပင်နဲ့တစ်ပင် (၆)လက်မခြားပြီး၊ စိုက်တန်း တစ်ခုနဲ့တစ်ခုကြား (၂-၃)ပေခွာထားရပါတယ်။ ပျိုးပင်တွေအမြစ်စွဲတဲ့အခါ (၁၅-၂၀)ရက်အကြာ အတန်းတွင်းမှာ တစ်ပင်နဲ့တစ်ပင် (၆)လက်မမခြားပဲ တစ်ပေကွာအောင် မလိုအပ်တဲ့အပင်တွေကို နုတ်ပစ်ရ မှာဖြစ်ပါတယ်။

အပင်တွေ (၄)လက်မအမြင့်ရှိလာတဲ့အခါ နိုက်ထရိုဂျင်များတဲ့ ဓာတ်မြေသြ ဇာအရည်ပက်ဖျန်း ပေးရပါတယ်။ မြေကြီးကို ကောက်ရိုး၊သစ်ဆွေး စတာတွေနဲ့ ဖုံးအုပ်ပေးခြင်းအားဖြင့် မြေအစိုဓာတ်ကို ထိန်းသိမ်းပေးတဲ့အပြင် ပေါင်းမြက်တွေကိုလည်း သက်သာစေပါတယ်။ ဒါ့အပြင် မြေကြီးကိုလည်း အေးမြစေပါတယ်။

အရွက်နုတွေကို စိုက်ပြီး (၁)လလောက်ကြာတဲ့အခါ စတင်ခူးဆွတ်လို့ရနိုင်ပြီဖြစ်ပါတယ်။ အရွက်ရင့်ကို စားချင်ရင်တော့ (၁)လခွဲ (၂)လလောက်ထိ ထားပေးရမှာဖြစ်ပါတယ်။
ရာသီဥတုအေးပြီးတော့ အရွက်ရင့် လာလေလေ အချိုဓာတ်များလာလေလေဖြစ်ပါတယ်။ ကိုက်လန်ပင်ဟာ တစ်ပင်စိုက်ထား မယ်ဆိုရင် (၄-၅)ခါလောက် အရွက်ကို ခူးယူနိုင်ပါတယ်။ ရေရှည်ထားချင်ရင်တော့ အပင်ရဲ့အရွက်ရင့် တွေကိုပဲခူးယူပြီး အလယ်မှာရှိတဲ့အရွက်နုတွေကို ချန်ထားရပါတယ်။ ဒါကြောင့် ကိုက်လန်ပင်ဟာ ရာသီပေါ် သီးနှံပင်ဆို ပေမယ့်လည်း စိုက်ပျိုးတောင်သူတွေအတွက် တွက်ချေကိုက်တဲ့ သီးနှံတစ်မျိုးလည်းဖြစ်ပါတယ်။

ကိုက်လန်ပင်ကို အကြမ်းအားဖြင့် စစိုက်တဲ့အချိန်ကနေ (၂)လခွဲလောက်ဆိုရင် ရောင်းတန်းဝင်တဲ့ အရွက်တွေရနိုင်မှာဖြစ်ပါတယ်။ အရွက်ခူးနိုင်တဲ့ ကာလကတော့ မိမိရဲ့ပြုစုမှုပေါ်မူတည်ပြီး (၃)လလောက်ထိ ရှိပါတယ်။
ဒါကြောင့် ကိုက်လန်သက်တမ်း ဟာ (၅)လခွဲလောက်အထိရှိနိုင်ပါတယ်။ ကိုက်လန်ပင်ကို မျိုးအဖြစ် ထားဖို့ ရည်ရွယ်မယ်ဆိုရင်တော့ ကိုယ်လိုချင်တဲ့ အပင်ကို မှတ်သားထားပါ။ အပင်ရင့်အောင်ထားပြီး ရလာတဲ့မျိုးစေ့ကို ရယူပြီးရင် နေ(၂)ရက်လောက်လှမ်းထားပေးပါ။ ပြီးရင်အအေးခံပြီး လေလုံအောင် ပုလင်းထဲမှာ ထည့်ထား ရပါတယ်

.စိုက်ပျိုးရေးဦးစီးဌာန

18/05/2023

#ဂန္ဓမာပန်းစိုက်ပျိုးနည်း

၁။ နိဒါန်း

အရောင်အသွေး စုံလင်လှသော ဂန္ဓမာပန်းသည် မြင်သူတိုင်းက သဘောကျ နှစ်ခြိုက်သော ပန်းဖြစ်ပါ သည်။ ဂန္ဓမာပန်းသည် ကမ္ဘာတွင် တန်ဖိုးထား အမြတ်တနိုး သုံးစွဲပြီး စီးပွားဖြစ် ထုတ်လုပ် စိုက်ပျိုးသောပန်း ဖြစ်ပါသည်။ မြန်မာနိုင်ငံတွင် ဂန္ဓမာပန်းအား ဘုရားပန်းအဖြစ်လည်းကောင်း၊ အိမ်တွင်း၊ အလှူ မင်္ဂလာဆောင်၊ အခမ်းအနားများတွင် အလှပန်းအိုးအဖြစ်လည်းကောင်း နှစ်ခြိုက်စွာ သုံးစွဲကြသော ပန်းဖြစ်ပါသည်။ အရောင်သွေး စုံလင်သော ဂန္ဓမာပန်းများကို စိုက်ပျိုးခြင်းသည်လည်း မြန်မာနိုင်ငံအတွင်း စီးပွားဖြစ် စိုက်ပျိုးရေး လုပ်ငန်းတစ်ခု ဖြစ်ပါသည်။

၂။ မျိုး

ဂန္ဓမာပန်းများတွင် မျိုးကွဲပေါင်း များစွာရှိသည်။ ပန်းမျိုးများအား ပန်းပွင့်၏ပုံစံ၊ ပန်းပွင့်၏အရောင်၊ အပင် အရွယ်အစားပေါ် မူတည်၍ အမည်အမျိုးမျိုး ရှိသည်။ ဆန်းမားဖြူ၊ ဆန်းမားဝါ၊ လပ်ကီးဖြူ၊ လက်ကီးနီ၊ ရွှေစိမ်း၊ ကီလို၊ ကြွေဖြူ၊ ကြွေဝါ၊ ချက်စိမ်း၊ ပုလဲဖြူမှအစ မြန်မာနိုင်ငံအတွင်း စိုက်ပျိုးနေသော ဂန္ဓမာပန်းမျိုးများ များစွာရှိသည်။

အဓိကအားဖြင့် မေလနောက်ပိုင်းတွင် စိုက်ပျိုးရမည့်မျိုးနှင့် အောက်တိုဘာလ နောက်ပိုင်းတွင် စိုက်ပျိုးရမည့် မျိုးများ ဖြစ်သည်။အကြမ်းအားဖြင့် ဆန်းမား၊ လပ်ကီး၊ မျိုးများကို မေလနောက်ပိုင်းနှင့် အောက်တိုဘာလနောက်ပိုင်းတွင် စိုက်ပျိုးနိုင်ပါသည်။

၃။ ရာသီဥတု

ဂန္ဓမာပန်းသည် နေ့တာတိုအပင် ( Short Day Plant) ဖြစ်ပါသည်။ ဆိုလိုသည်မှာ ပင်ပိုင်းကြီးထွားရန် အတွက် နေ့တာရှည်ရန် လိုအပ်ပြီး ပန်းပွင့်ရန်အတွက် နေ့တာတိုရန် လိုအပ်သည်။ အပင်ကြီးထွားမှုနှင့် ပန်းပွင့်မှုအပေါ် အပူချိန်နှင့် အလင်းရောင်သည် လွှမ်းမိုးသည်။

ပင်ပိုင်းကြီးထွားရန်အတွက် နေရောင်ခြည် အပြည့်အဝနှင့်နေ့တာရှည်ပြီး မြင့်မားသောအပူချိန် ၂၀-၂၈ ဒီဂရီိ ဆဲလ်ဆီးယပ် လိုအပ်ပါသည်။ ပန်းပွင့်ရန်အတွက် နေ့တာတိုပြီး နိမ့်ကျသော အပူချိန် ၁၀-၂၈ ဒီဂရီ ဆဲလ်ဆီးယပ် လိုအပ်ပါသည်။ စိုက်ပျိုးဖြစ်ထွန်းမှု အကောင်းဆုံး အခြေအနေမှာ နေ့အပူချိန် ၂၀-၂၈ ဒီဂရီ ဆဲလ်ဆီးယပ် နှင့် ည အပူချိန် ၁၅-၂၀ ဒီဂရီ ဆဲလ်ဆီးယပ်တွင် ဖြစ်ပါသည်။ ဂန္ဓမာအပင်သည် မနက်ခင်း နေရောင်ခြည် ၅-၆ နာရီကြား နေ့စဉ် ရရှိရန် လိုအပ်သည်။

၄။ မြေ

ဂန္ဓမာပန်းပင် စိုက်ပျိုးရန်အတွက် မြေချဉ်ငန်ဓာတ် ၆.၅-၇.၅ သဲနှုန်းမြေအမျိုးအစား ရေစီးဆင်းမှု ကောင်းမွန်သော ရေမဝပ်သော မြေဖြစ်ရန် လိုအပ်ပါသည်။

၅။ စိုက်ပျိုးနည်း

စိုက်ပျိုးရန်အတွက် မိမိကြိုက်နှစ်သက်ရာ မျိုးများကို မစိုက်ပျိုးခင် မျိုးပျိုးပင်ရောင်းချသူများမှ ကြိုတင်မှာယူ စိုက်ပျိုးကြပါသည်။ ဂန္ဓမာပန်းများကို စိုက်ခင်းများ၊ မှန်လုံအိမ်များ နှင့် အိုးများထဲတွင် စိုက်ပျိုးကြသည်။ မြန်မာနိုင်ငံတွင် စိုက်ခင်းများဖြင့် အများဆုံး စိုက်ပျိုးကြသည်။ မိမိလိုချင်သော ပန်းပွင့်အနေအထားပေါ် မူတည်ပြီး ပင်ကြားအကွာအဝေး ၈ လက်မ မှ ၁၈-၂၄ လက်မ ထား၍ စိုက်ပျိုးကြပါသည်။ မိမိ စိုက်ပျိုးထုတ်လုပ်ရန် ရည်ရွယ်သော ပန်းပွင့်အမျိုးအစား တစ်ပွင့်တည်းကြီး၍ အရည်အသွေး ရှိသောပန်း၊ ပဒေသာ အခိုင်လိုက် အပွင့်များသော ပန်းခိုင်များ စသဖြင့် ရရှိလိုသော ပန်းအနေအထား မူတည်ခြင်းဖြစ်သည်။

စိုက်ပျိုးမည့်မြေနေရာအား ထယ်နှစ်စပ်ထိုး၍ စိုက်ဘောင်များကို ပြင်ဆင်ရပါမည်။ ကောင်းစွာဆွေးမြေ့ သော သဘာဝမြေဆွေးများကို မြေပြင်ချိန်တွင် မိမိမြေ အမျိုးအစားပေါ် မူတည်ပြီး ထည့်ပေးရန် လိုအပ်ပါသည်။ မြေခံအဖြစ် N:P:K ဓာတ်မြေဩဇာတွင် P နှင့် K များသော ဓာတ်မြေဩဇာ ထည့်ပေးရန် လိုအပ်ပါသည်။

ကောင်းစွာဆွေးမြေ့သော နွားချေးဆွေးအား ၂၀-၂၅ tan/ha ( ၈ တန်/ဧက) ထည့်သွင်းပေးရန် လိုအပ်ပါသည်။ တစ်ဧကတွင် ၂၀ ကီလိုဂရမ် (N) (၁၈ ပိဿာ) ယူရီးယားဓါတ်မြေဩဇာ ၊ ၆၄ ကီလို ဂရမ် (P2O5) (၃၈.၄ ပိဿာ)၊ တီစူပါဓါတ်မြေဩဇာ ၊ ၃၂ ကီလိုဂရမ် (K2O)(၁၉.၂ ပိဿာ) ပိုတက်ဓာတ်မြေဩဇာ တို့အား မြေခံအဖြစ်ထည့်သွင်းရန် လိုအပ်ပါသည်။

စိုက်ပြီး ၁၅ ရက်သားတွင် နွားချေးဆွေး တစ်ပြည် ရေ ၂ ဂါလံဖြင့် ပျစ်ပျစ်ရေဖျော်ပြီး ဖျော်ရည် တစ်ဆရေ ၁၀ ဆဖြင့် လောင်းပေးခြင်း(သို့) နှမ်းဖတ် တစ်ပိသာ နွားချေး ၂ ပြည် (နွားချေးမထည့်လိုပါက ယူရီးယား နို့ဆီဘူး ၁ ဘူး) ရေ ၂ ဂါလံဖြင့် (၃-၄) ရက် အပုပ်စိမ်ထားသော အပုပ်ရည် တစ်ဆ ရေ ၁၀ ဆ ဖြင့် ဖျော်လောင်းခြင်း ပြုလုပ်ပါ။

စိုက်ပြီးသည်မှ (၅) ပတ်အတွင်း (၁၅) ရက်အကြာ မြေဩဇာအရည် စတင်လောင်းသည်မှ စတင်၍ (၁-၂) ပတ်တစ်ခါ နွားချေးဆွေးအရည် (သို့) အပုပ်ရည်ကို ဖျော်လောင်းပါ။ နွားချေးဆွေးရည် (သို့) နှမ်းဖတ်ပုပ်ရည်လောင်းရန် အခက်ခဲရှိသော စိုက်ခင်းနေရာများတွင် ယူရီးယားမြေဩဇာကို မြေကြီးထဲသို့ ထည့်သွင်းခြင်းထက် အပင်သို့ရေဖျော်ဖြန်းခြင်းကို ပင်ပိုင်း ကြီးထွားသည့်ကာလ ( စိုက်ပြီးသည်မှ (၅) ပတ် အတွင်း) နှစ်ပတ် တစ်ကြိမ် ပြုလုပ်ရပါမည်။

အဖူးဝင်လာသည့်အချိန် အပွင့်အားပေး ဟော်မုန်းကို ဖြန်းနိုင်ပါသည်။ မြေဩဇာဖျော်ရည် (နွားချေး(သို့) ကြက်ချေး ဖျော်ရည် (သို့) အပုပ်ရည်) ပြုလုပ်ပြီး လောင်းရန် အဆင်ပြေသော စိုက်ခင်းများတွင် မြေဩဇာ အရည်အား စိုက်ပြီး ၁၅ရက်သားမှ အပွင့်ပွင့်သည်အထိ (၁-၂) တစ်ကြိမ် လောင်းရပါမည်။

ထို့အပြင် (P2O5) နှင့် (K2O) တို့ အချိုးအစားအရ ပိုမိုပါဝင်သော ရွက်ဖြန်းမြေဩဇာများ ဖြန်းခြင်းကို (၂) ပတ် တစ်ကြိမ်ဖြန်းပေးခြင်းကို မြေဩဇာအရည်များ ပြုလုပ်သုံးစွဲရန် အဆင်မပြေသော စိုက်ခင်းများတွင် ပြုလုပ်နိုင်ပါသည်။

အရွက်ဖြန်းဆေးကို မသုံးဘဲ မြေကြီးထဲကိုသာ ထည့်သွင်းမည်ဆိုပါက N:P:K ဓာတ်မြေဩဇာ ဝ.၅း၁း၁ ရှိသော ကွန်ပေါင်း မြေဩဇာကို ၂ ပေ ခွဲ _ ၁၈ ပေ ရှည်သော စိုက်ဘောင်တွင် တစ်ပြည်ခွဲနှုန်းဖြင့် အပင် တစ်လသားအရွယ်ပေါင်းလိုက်သော အချိန်တွင် ထည့်သွင်းပေးရပါမည်။ ကောင်းစွာဆွေးမြေ့သော နွားချေးဆွေး မြေဆွေးများအား ထည့်သွင်းပေးခြင်းကို ပြုလုပ်ပေးနိုင်ပါသည်။ ဂန္ဓမာပန်းသည် မြေဆွေးများ ပေါကြွယ်သော မြေကို ပိုမို ကြိုက်နှစ်သက်ကြပါသည်။

၆။ အပင်ပြုစုနည်း

စိုက်ပျိုးပြီး ၅ ပတ်အကြာတွင် နိုက်ထရိုဂျင် မြေဩဇာလွန်ကဲစွာကျွေးခြင်း မပြုလုပ်ရပါ။ K ပါဝင်မှု များသောမြေဩဇာကို ပန်းပွင့်အရောင် အရည်သွေးကောင်းမွန်စေရန်၊ ပင်စည် သန်မာစေရန်အတွက် ထည့်သွင်းပေးရမည်။ ရွက်ဖြန်းအနေဖြင့် Zn နှင့် Mg ပါသော ရွက်ဖြန်းမြေဩဇာများကိုလည်း ပက်ဖြန်း နိုင်ပါသည်။

စိုက်ဘောင်များအား မကြာခဏရေသွင်းပေးခြင်းဖြင့် စိုထိုင်းဆ မြင့်စေနိုင်၍ အပင်မှ ကြိုက်နှစ်သက် သော်လည်း ရေဝပ်ခြင်းကို မကြိုက်ပါ။ စိုက်ပြီးသည်မှ ပထမ တစ်လအတွင်း တစ်ပတ်နှစ်ကြိမ် ရေဝအောင် သွင်းပေးရမည် ဖြစ်သော်လည်း တစ်လကျော်ပါက တစ်ပတ်တစ်ကြိမ် (မိမိဒေသ ရာသီဥတုပေါ် မူတည်၍) ရေသွင်းပေးရပါမည်။

စိုက်ပျိုးပြီးသည်မှ တစ်လအကြာတွင် လက်ပေါင်းလိုက်ခြင်း စတင်ပြုလုပ်ရမည် ဖြစ်ပါသည်။ အပင်သက်တမ်း တစ်လျောက်ပေါင်းကို နှိမ်နင်းနိုင်ခြင်းသည် ပိုးရောဂါ ကင်းစင်ကာ အပင်ကြီးထွားမှု အတွက် အထောက်အကူပြု သကဲ့သို့ ပန်းပွင့်အထွက်ကိုလည်း တိုးစေပါသည်။

အပင်မှ ထိပ်ညွှန့်ခေါင်နှိမ်ခြင်း (ပုံ ၂) ကို စိုက်ပြီး တစ်လအကြာတွင် ပြုလုပ်၍ ဘေးအညွှန့်များ ထွက်လာမည်။ ထွက်ရှိလာသော အညွှန့်များမှ မိမိ ရယူလိုသော ပန်းပွင့်အနေအထားနှင့် ရွေးချယ်ထားသော မျိုးကို မူတည်ပြီး ကြားညွှန့်များ(ပုံ ၁)ကို အပတ်စဉ် ဖယ်ရှားခြင်းကို ပြုလုပ်ရပါမယ်။ အပင် င်္ကြီးထွားလာသည်နှင့်အမျှ ထားရှိသော ဘေးကိုင်းများ ယိုင်လဲကျိုးခြင်းမရှိစေရန် ဝါးတန်းများဖြင့် ထိန်းပေးရမည်။ (ပုံ၃)

၇။ ပိုးရောဂါများ

ပျ၊ ဖြုတ်၊ ရွက်ထွင်းပိုး၊ ရွက်စားပိုး၊ ရွက်လိပ်ပိုး၊ သရစ်ပိုးများ ကျရောက်တတ်ပါသည်။ ai.imidacloprid odku Lambda-cyhalothrin ပါဝင်သောပင်လုံးပြန့် ပိုးသတ်ဆေး များသုံးစွဲနိုင်ပါသည်။

အမြစ်ပုပ်၊ရွက်ပြောက်ရောဂါ၊ပင်ညှိုးရောဂါ၊ သံချေးရောဂါ၊ မိုစိတ်ရောဂါ၊ အပင်ပုရောဂါ၊ Powdery mildew ရောဂါများ ကျရောက်တတ်ပါသည်။ မှိုရောဂါကို Sulphur သို့Copper ပါသောမှိုသတ်ဆေးကို သုံးစွဲနှိမ်နင်းနိုင်ပါသည်။

၈။ ခူးဆွတ်ခြင်း

ရွေးချယ်စိုက်ပျိုးသည့်မျိုးအလိုက် ပန်းစပွင့်သည်မှ ၄ ရက်ခြားတစ်ကြိမ် ခူးဆွတ်နိုင်ပါသည်။ ပန်းပွင့် အနေအထား ဈေးကွက် အနီးအဝေးပေါ် မူတည်၍ မနက်ခင်း အေးသောအချိန်တွင် ခူးဆွတ်သင့်ပါသည်။

၉။ ပြန်လည်မျိုးရယူခြင်း

နည်း (၂) နည်းဖြင့် မျိုး ပြန်လည်ရယူနိုင်ပါသည်။ (၁) အမြစ်ဘေးမှထွက်လာသော သားတက်မှ မျိုးပျိုးပင် ရယူခြင်း နှင့် (၂) ကျန်းမာသန်စွမ်းသော အပင်ထိပ်ညွှန့်မှ ဖြတ်၍ အမြစ်ဖောက် ပျိုးပင်ပြုလုပ်ခြင်း တို့ဖြစ်ပါသည်။

စိုက်ပျိုးသူများမှာ ပထမနည်းကို အသုံးပြု၍ မျိုးပြန်လည်ရယူကြပါသည်။ ပထမနည်းမှ ပျိုးပင်များအား ပျိုးဘောင်များတွင် ထပ်မံပျိုးထောင်ခြင်းမပြုလုပ်ဘဲ စိုက်ဘောင်များသို့ တိုက်ရိုက်စိုက်ပျိုးကြကာ ပျိုးထောင်ခြင်းသည် ကုန်ကျစရိတ်လျော့ကျစေပါသည်။

ပထမနည်းမှာ မိမိစိုက်ခင်းများတွင် စိုက်ပျိုးခူးဆွတ်ပြီးသောပန်းပင်များကို မြေကြီးမှ၁၀-၁၅စင်တီမီတာ အမြင့်ထိဖြတ်ပါ။ ပန်းပွင့်ခူးပြီးချိန် ဇန်နဝါရီ-ဖေဖေါ်ဝါရီလများတွင် အပင်ကိုရေသွင်းပါ။ မြေဩဇာကျွေးပါ။ အပင်ခြေမှ သားတက်များ ထွက်လာမည်။ သားတက်အပင်ငယ်များ ၁၀-၁၅စင်တီမီတာ အမြင့်ရောက် ချိန် သန့်ရှင်းသော ဓားထက်ထက်ဖြင့် ဖြတ်ပါ။ ပျိုးဘောင်ပြုလုပ်၍ ပြန်လည်စိုက်ပျိုးထားပါ။ ပျိုးဘောင်တွင် တစ်လအကြာ စိုက်ခင်းသို့ပြောင်းရွေ့စိုက်ပျိုးပါ။ ( ဝယ်ယူချိန် စိုက်ပျိုးရန်အသင့် ပျိုးပင်များဖြစ်လာပါ သည်။)

ဒုတိယနည်းမှာ ကျန်းမာသန်းစွမ်းသော မိခင်အပင်မှ ထိပ်ညွှန့်များ ၇-၅ စင်တီမီတာဖြတ်ပါ။ သဲဘောင်ကို အရိပ်အောက်တွင်ပြုလုပ်ပါ။ ဖြတ်ထားသောအညွှန့်များအား ကော့ပါးပါသောမှိုသတ်ဆေးနှင့်ခဏစိမ်ပါ။ ပြီးရင် သဲဘောင်ပေါ် ပျိုးပါ။ သဲဘောင်ပေါ်တစ်ရက် ရေ ၄-၅ ကြိမ်လောင်းပါ။ ၂-၃ ပတ် ကြာသောအခါ အမြစ်ထွက်လာမည်။ ပျိုးဘောင်ပြုလုပ်ပြီး ပျိုးထောင်ထားပြီး စိုက်ဘောင်သို့ ပြောင်းရွေ့စိုက်ပျိုးနိုင်ပါသည့် ပျိုးပင်များ ရရှိမည်ဖြစ်ပါသည်။ မေလတွင် စိုက်ပျိုးသော အပင်များမှ တစ်လအကြာ ဇွန်လတွင် အညွှန့်ဖြတ်သည့်အခါ ဒုတိယနည်းကို အသုံးပြုမျိုးရယူကာ ပြန်လည် စိုက်ပျိုးနိုင်ပါသည်။

17/05/2023

#မင်းဂွတ်သီး အပင်စိုက်ပျိုးခြင်း😍
===================
💚 မြေအနေအထား
----------------------
မင်းကွတ်သည်မြေပြန့်၊မြေသြဇာထက်သန်သောသဲနုန်းမြေပွကိုကြိုက်နှစ်သက်သည်။

⛅ #ရာသီဥတု
--------------
ပူအိုက်စွတ်စိုထိုင်းမှိုင်းသောရာသီဥတုကိုပိုနှစ်သက်သည်။

🤗 #စိုက်ပျိုးရန်ဒေသ
---------------------
မင်းကွတ်သည် ပူအိုက်စွတ်စိုထိုင်းမှိုင်းသော အရိပ်ဒေသဖြစ်သည့်ပဲခူးတိုင်း၊ တနင်္သာရီတိုင်း၊ မွန်ပြည်နယ် စသော အရပ်ဒေသတို့တွင် ဖြစ်ထွန်းနိုင်သည်။

👨‍🌾 #သက်တမ်း
--------------
၁၀-နှစ်မှ၁၂သားအရွယ်ရောက်သည့်အခါမှသာလျှင်စတင်သီးပွင့်၍ နှစ်ပေါင်း ၄၀-မှ၅၀-အထိရှိသည်။

😍 #စိုက်ပျိုးနည်း
----------------
အစေ့မှပျိုးထောင်၍ပျိုးပင်အသက်၂-နှစ်သားမှ၃နှစ်သားအတွင်းတွင် ပြောင်း ရွေ့စိုက်ပျိုးနိုင်သည်။

မင်းဂွတ်ပင်များသည်ငယ်စဉ်အခါနေပူရှိန်လုံး၀လက်မခံနိုင်သောကြောင့် ငှက်ပျောခြံ၊ပိန္နဲခြံများ၌ တစ်ပင် နှင့်တစ်ပင်ပေ၂-မှ၂၄ပေအထိ အကွာအဝေး ထား၍စိုက်ပျိုးရသည်။၎င်းသစ်ပင်များစိုက်ပျိုးရန်အတွက် မှာအကျယ်၃-ပေ၊ အနက်၃-ပေဖြစ်ရမည်။

မင်းဂွတ်ပင်ကလေးများကြီးထွားလာသည်နှင့်အမျှအရိပ်ရရန်စိုက်ပျိုးထားသောပိန္နဲ၊ငှက်ပျောပင်တို့ကိုတဖြည်းဖြည်းရှင်းလင်းပေးရမည်။၎င်းအပင်များသည် အမြစ်ရင်း၌အမြဲတစေစွတ်စိုထိုင်းမှိုင်းသောမြေမျိုး၌ ပေါက်ပွားခြင်းကောင်းလေသည်။

ထို့ကြောင့်နွေမိုးမရွေးစွတ်စိုထိုင်းမှိုင်းသောမြေကိုရွေးချယ်စိုက်ပျိုးရမည်။မြေ အောက်ရေကြော၃-ပေမှ ၄-ပေအထိမြင့်သောနေရာတွင် ပိုမိုဖြစ်ထွန်း၏။😍😍

❤❣ #မြေသြဇာ
------------
၆း၁၀း၁၅အချိုးအစားစပ်၍ပြောင်းရွေ့စိုက်ပျိုးသည်။၃-နှစ်သားအရွယ်မှစကာ တစ်ကြိမ်လျှင်တစ်အောင်စမှ၃-အောင်စအထိတစ်နှစ်လျှင်နှစ်ကြိမ်ထည့်ပေး သင့်သည်။၇-နှစ်သားအရွယ်ရောက်၍သီးပွင့်ချိန်တွင် ၂-ဆမှ၃-ဆအထိ တိုးမြှင့်ထည့်သွင်းပေးသင့်သည်။

✔ #ပိုးမွှားရောဂါ
---------------
မင်းဂွတ်ပင်များသည်ပိုးမွှားရောဂါကင်းစင်သောအပင်မျိုးဖြစ်သည်။ယခုအထိ ပိုးမွှားရောဂါနှင့်ပတ်သတ်၍ပျက်စီးချို့ယွင်းသည် မတွေ့ရှိသေးပေ။

Source by - စိုက်ပျိုးနည်းပဒေသာ
Photo Credit

17/05/2023

ဘယ်အပင်မဆို သုံးလို့ရတယ်နော်မိတ်ဆွေတို့ခင်ဗျ🤗
🍎🍐🍊🍋🍌🍉🥝🍍🍑🍒🍈🍓🍇🥑🍅🍆🥒🥕🌽🌶🥔🍠🌰🥜
စပါး | ပဲအမျိုးမျိုး | နှမ်း | ပြောင်း | အာလူး | ကြက်သွန်နီ/ဖြူ | စသည်ဖြင့် ကန်စွန်း | မုံလာရွက်/ဥ |

ချဉ်ပေါင် | နံနံပင် | ကွမ်း | ဆေးရွက်ကြီး | စသည်ဖြင့် သီးနှံများလည် စိုက်ပျိုးလို့ရပါတယ်

Transform အစွမ်း တကယ်စွမ်းတယ်ဆိုတာ
သုံးကြည့်မိသူတိုင်းသိနေပါပြီ
အခုလည်းဆက်လက်သုံးနေကြဆဲပါ
အသုံးပြုပုံ နည်းစနစ်မှန်ဖို့တော့ လိုပါတယ်

Transform ဟာဆိုရင်
ထိုင်းနိုင်ငံထုတ်ဖြစ်ပြီး မြန်မာနိုင်ငံ က တရားဝင် အသိမှတ်ပြု ထားတဲ့
သဘာဝမြေသြဇာ ရွက်ဖျန်း ဆေး ဖြစ်ပါတယ်

ရွက်ဖျန်း အား ဆေး တွေ အများကြီး ရှိပေမဲ့
Transform ရွက်ဖျန်းမြေသြဇာ က အခြားရွက်ဖျန်းဆေးတွေနှင့်မတူပါ ဘူး
နည်းပညာအားဖြင့် နာနို
နည်းပညာဖြင့်ထုတ်လုပ်ထားပါတယ်
(စုတ်ယူမှု့အားကောင်းသလိုစိမ့်ဝင်မှု့ အားလည်း မြန်ပါတယ်)
အပင်တစ်ပင် အတွက် အဟာရဓါတ် (၁၆) မျိုး လိုအပ်ပါ တယ်
(၁၆)မျိုး လိုအပ်သည့် အထဲ မှ Transform အဟာရဓါတ်
(၁၃) မျိုး ပါဝင်ပါတယ်

အပင်အတွက် အစာချက်လုပ်မှု့ကို လည်း (၂၄)
လုပ်ဆောင်ပေးနိုင်ပါတယ်

Transform သဘာဝ မြေသြဇာ ကို ဖျန်းခြင်းဖြင့် အပင်တစ်ပင်အတွက် အဓိက ကျတဲ့
အမြစ်ပွားနှုံး ကောင်းခြင်း ပင်စည်တုတ်၍ အခြေခိုင်းခြင်း
ကိုင်းထွက်အားကောင်းခြင်း အရွက်များသန်မာ ၍ လှပခြင်း
အသီးများ ဝေဝေ ဆာဆာသီးခြင်း
ဥအား ကောင်းခြင်း(မြေပဲ | ကြက်သွန် | ကန်စွန်းဥ အစသဖြင့်)

သဘာဝမြေ သြဇာ ဖြစ်သဖြင့်
ဆေးဖျန်းရာ ၌ လည်း အန္တရယ်မရှိသလို စားသုံးသူမှာလည်း
အန္တရယ် မရှိပါ
မည့်သည့် အပင်အမျိုးအစား မဆို သုံးစွဲ လို့ရပါသည်

တောင်သူဦးကြီးများ
အထွက်နှုန်းကောင်းပြီး
ကျန်းမာ၍ ပြုံးပျော် နိုင်ဖို့ Transformကို သုံးကြပါစို့

♦️တစ်ဘူးဈေးနူန်း 1000 CC ဗူးကြီး♦️
👉လက္ကားဈေး - 90000 ks
👉လက်လီဈေး - 117000 ks
👉100 CC ဗူးသေး - 11000 ks

♦️ကုမ္မဏီတိုက်ရိုက်ဖြန့်ချီရေး♦️
ကိုအောင်ကြည်မြင့်
☎️09 440 469 227
☎️09 677 816 983

မြန်မာနိုင်ငံအနှံ့ကားဂိတ်အရောက်ပို့ပေးနေပါပြီ ၊နယ်မြေအလိုက် ကိုယ်စာလှယ်ပြုလုပ်ပြီး စီပွားရေးလုပ်ကိုင်ချင်သူတိုင်ဆက်သွယ်လို့ရပါတယ်...

Cb မှာ ဆက်သွယ်မေးမြန်းမှာယူနိုင်ပါတယ်

ာဝမြေသြဇာ
Kyi Myint

21/04/2023

နွားချေးကို စနစ်တကျ သိုလှောင်နည်း....

၁။ နွားချေးစုဆောင်းရန်အတွက် အကျယ် (၁၁) ပေ ပတ်လည် ရှိသည့် ရေမဝပ်သည့် မြေနေရာတစ်ခု ရွေးချယ်ပါ။
၂။ ရွေးချယ်ထားသည့် မြေနေရာကို ရေမဝပ်စေရန် (၆) လက်မ အနက်၊ (၆) လက်မ အကျယ် ရေထုတ်မြောင်း ပတ်ပတ်လည် တူးပါ။
၃။ အပူပိုင်းဒေသတွင် အငွေပျံမှုနည်းစေရန်နှင့် အစိုဓာတ် ထိန်းထားနိုင်ရန် ၂-၃ ပေခန့် ကျင်း တူး၍ ထားနိုင်သည်။
၄။ နွားချေးထားမည့်နေရာအား နေဒဏ်မိုးဒဏ်မှ ကာကွယ်ရန်အတွက် အမိုးအကာပြုလုပ်ပေးသင့်ပါသည်။ မိုးနည်းသော ဒေသဖြစ်ပါက သစ်ပင်အရိပ်အောက်တွင် ပြုလုပ်နိုင်ပါသည်။
၅။ နွားကျင်ငယ်ရည်သည် နွားမစင်ထက် နိုင်ထရိုဂျင်ဓာတ် ပါဝင်မှု အားကောင်းသည့်အတွက် နွားကျင်ငယ်ရည်ပါ စုဆောင်းရန် စဉ်းစားသင့်သည်။
၆။ ထို့ကြောင့် နွားတင်းကုတ် မြေပေါ်တွင် သစ်ရွက်ခြောက်၊ ကောက်ရိုး၊ ရိုးပြတ်၊ မြက်ခြောက် စသည်တို့ကို ဖြန့်ခင်းပြီး နွားများကို ထိုအခင်းပေါ်တွင် မစင်၊ ကျင်ငယ် စွန့်အောင် ပြုလုပ်နိုင်ပါက နွားမစင်သာ မက နွားကျင်ငယ်ရည် ပါ ရရှိမည်ဖြစ်ပါသည်။
၇။ နွားတင်ကုတ် ရှင်းလင်းသည့်အခါ နွားမစင်၊ ကျင်ငယ်ရည် ရောနေသော အမှိုက်များကို စုဆောင်းပြီး နွားချေးစုဆောင်းမည့် နေရာတွင် ဖြန့်ပုံသင့်ပါသည်။
၈။ အပင်မြေသြဇာ အဟာရတန်ဖိုး ပိုမိုမြင့်မားစေရန်အတွက် ယင်းအပုံပေါ်တွင် ထုံးမှုန့်၊ မီးဖိုပြာ၊ စပါးခွံပြာ နှင့် မီးဖိုချောင်ထွက် ဆွေးမြေ့သော စွန့်ပစ် ပစ္စည်းများ ဖြန့်ပုံနိုင်ပါသည်။
၉။ ကျောက်မှုန့်၊ လချေးမှုန့် စသည်တို့ကိုပါ အလိုရှိပါက ပါးပါး ဖြူးထည့်နိုင်ပါသည်။ အကျိုးပြု အဏုဇီဝရည် (EM – Effective microbe) ကိုလည်း ဖြန်းပေး နိုင်ပါသည်။
၁၀။ ဤနည်းဖြင့် တစ်ထပ်ပြီး တစ်ထပ် နွားချေးကို နှစ်ပတ်လည် စုဆောင်းသွားနိုင်ပါသည်။
၁၁။ နွားချေးပုံ ထုထည်ကြီးမားလာပါက အပုံပြိုမကျ စေရန် ဘေးပတ်ပတ်လည်တွင် အကာအရံများ ပြုလုပ်ပေးသင့် ပါသည်။
၁၂။ အစိုဓာတ်နှင့် အဟာရများ အငွေ့ပျံ ပျောက်ဆုံးမှု နည်းပါး လာစေရန် နွားချေးပုံ ပေါ်တွင် ထန်းရွက်ခြောက်များ၊ ဝါးကပ်များ သို့မဟုတ် အမိုးအကာ တစ်ခုခုဖြင့် ဖုံးအုပ် ထားပေးပါက ပိုကောင်းပါသည်။

အာနိသင်သုံးစွဲနည်း...

· စနစ်တကျ သိုလှောင်ထားသော နွားချေးများကို အသုံးမပြုမီ အထက်အောက် သမအောင် ရောမွှေပေးပါ။

· မိမိစိုက်ပျိုးမည့် သီးနှံအလိုက် စိုက်ခင်း မြေပြင်ချိန်တွင် ထည့်သွင်း သုံးစွဲနိုင်ပါသည်။

· စိုက်ခင်းထဲသို့ မြေမပြင်မီ နွားချေးများကို ကြိုတင် ချထားခြင်းများ မပြုလုပ်သင့်ပါ။ နေအပူချိန်ကြောင့် အဟာရဓာတ်များ အငွေ့ပျံ ပျောက်ဆုံးသွားနိုင်သကဲ့သို့ နေရောင်ခြည်ကြောင့် နွားချေးတွင် ပါဝင်သော အကျိုးပြု အဏုဇီဝ ပိုးများ သေဆုံးနိုင်ပါသည်။ ထို့ကြောင့် နွားချေးထည့်ပြီးပြီးချင်း ထယ်ထိုးမြုပ်နှံ သင့်ပါသည်။

· နွားချေးကို ဓာတ်မြေသြဇာများနှင့်လည်း ရောနှောထည့်သွင်းပါက ဓာတ်မြေသြဇာများ ကို အပင်မှ ကြာရှည်စွာ စားသုံးနိုင်အောင် ထိန်းသိမ်းထားနိုင်ပါသည်။ သို့သော် မကြဲပတ်မီ အနည်းဆုံး တစ်ညခန့် သင့်လျော်သော အစိုဓာတ် ( လက်ဖြင့် ဆုပ်ကြည့်ပါက အလုံးမပျက်သော အနေအထား) တွင် နွားချေးနှင့် ဓာတ်မြေသြဇာကို ရောနှော ဖုံးအုပ်၍ နှပ်ထားသင့်ပါသည်။

· ပေါင်း ပေါက်ရောက်မှုနည်းစေရန် ကောင်းစွာဆွေးမြေ့သော နွားချေးများကိုသာ စိုက်ခင်းတွင် ထည့်သွင်း သုံးစွဲသင့်ပါသည်။

အကျိုးသက်ရောက်မှု
စနစ်တကျ သိုလှောင်ထားသော နွားချေးမြေသြဇာတွင် အောက်ပါ အဟာရ ဓာတ်ပစ္စည်းများနှင့် ပမာဏများ ပါဝင်ပါသည်။

အပင်အဟာရ ပါဝင်မှု ရာခိုင်နှုန်း..

အပင်အဟာရ

ပါဝင်မှု ရာခိုင်နှုန်း

နိုင်ထရိုဂျင်

၁.၄ %

ဖော့စပရပ်

၂.၁%

ပိုတက်စီယမ်

၁.၃%

ကယ်လ်စီယမ်

၂.၆%

မဂ္ဂနီစီယမ်

၀.၂%

ဆာလဖာ..

၁.၆%

သြဂဲနစ် ကာဘွန်

၁၉.၇%

သြဂဲနစ်ကာဘွန်၏ အကျိုးကျေးဇူးများ

· စေးသောမြေကို ဖွယ်လာစေခြင်း

· သဲဆန်သောမြေကို စေးလာစေခြင်း

· အစိုဓာတ် ထိန်းသိမ်းမှု ကောင်းခြင်း

· လေဝင်လေထွက် ကောင်းခြင်း

· အပူအအေး မျှတစေခြင်း

· အဟာရဓာတ်များကို ကာလကြာရှည်စွာ တဖြည်းဖြည်း ထုတ်လွတ်ပေးနိုင်ခြင်း တို့ဖြစ်သည်။

Transform plus page

30/06/2023

09/06/2023

29/05/2023

26/05/2023

21/05/2023

19/05/2023

19/05/2023

18/05/2023

17/05/2023

17/05/2023

21/04/2023

Adresse

Téléphone

Site Web

Notifications

Raccourcis

Partager

Type