12/06/2026
စက်ရုံဝန်ထမ်း မအိမွန်ထွေး အမှုနဲ့ ပတ်သက်ပြီး ရဲတပ်ဖွဲ့ရဲ့ နောက်ဆုံး စစ်ဆေးတွေ့ရှိချက်တွေ ထွက်ပေါ်လာပါတယ်။
မအိမွန်ထွေး အသက် (၃၅) နှစ်ဟာ ဘန်ကောက်မြို့ ဖလမ်းဆောင် ဆွယ် ၁၀ မှာရှိတဲ့ ၂ ထပ် တန်းလျားအဆောင် အခန်းနံပါတ် (၅) မှာ နေထိုင်သူဖြစ်ပြီး၊ ဇွန်လ ၁၀ ရက်နေ့ မနက်ပိုင်းမှာ သူမရဲ့ အခန်းအတွင်း သေဆုံးနေတဲ့ အခြေအနေဖြင့် တွေ့ရှိခဲ့ရတာ ဖြစ်ပါတယ်။
အိမ်ရှင်ရဲ့ ပြောပြချက်အရ မအိဟာ အဲဒီအဆောင်မှာ နေထိုင်လာတာ ၂ နှစ်ကျော်ရှိပြီး၊ လစာထွက်ပြီးတိုင်း ပိုက်ဆံပျောက်ဆုံးမှုတွေ မကြာခဏ ကြုံတွေ့ခဲ့ရသူ ဖြစ်တယ်လို့ သိရပါတယ်။
ပထမအကြိမ်မှာ လစာထဲက ဘတ် ၈,၀၀၀ ရှိတဲ့အနက် ဘတ် ၅,၀၀၀ ပျောက်ဆုံးခဲ့ပြီး၊ ဒုတိယအကြိမ်မှာတော့ လစာငွေ အားလုံး ခိုးယူခံခဲ့ရပါတယ်။ အဲဒီအချိန်တွေမှာ အိမ်ရှင်က ရဲတိုင်ဖို့ တိုက်တွန်းခဲ့ပေမယ့် မအိက မတိုင်ခဲ့ဘူးလို့ ဆိုပါတယ်။
နောက်ဆုံး တတိယအကြိမ်မှာတော့ ပိုက်ဆံနဲ့ ဖုန်းသာမက မအိကိုပါ သတ်ဖြတ်သွားခဲ့တာ ဖြစ်နိုင်တယ်လို့ ရဲတပ်ဖွဲ့က သုံးသပ်နေပါတယ်။
အဆိုပါ အဆောင်မှာ CCTV မတပ်ဆင်ထားပေမယ့် ရဲတပ်ဖွဲ့က နေရာအနှံ့ စစ်ဆေးမှုတွေ ပြုလုပ်ခဲ့ရာ သံသယဖြစ်ဖွယ် သဲလွန်စအချို့ကို တွေ့ရှိခဲ့ပါတယ်။
စစ်ဆေးချက်အရ အခင်းဖြစ်ပွားတဲ့နေ့မှာ အရှေ့ဘက်တံခါးကို အတွင်းကနေ လော့ခ်ချထားတာကြောင့် ပြင်ပလူ ထွက်ပြေးနိုင်တဲ့ လမ်းကြောင်းဟာ အနောက်ဘက်တစ်ပေါက်တည်းသာ ကျန်ရှိခဲ့ပါတယ်။
ထို့အပြင် အခန်းနံပါတ် (၅) ရဲ့ အနောက်ဘက်မှာ ရွံ့ပေကျန်နေတဲ့ ခြေရာများကို တွေ့ရှိခဲ့ပြီး၊ အခန်း (၃) နဲ့ အခန်း (၅) ဘက်မှာ အများဆုံး တွေ့ရတယ်လို့ သိရပါတယ်။
ရဲတပ်ဖွဲ့ရဲ့ သုံးသပ်ချက်အရ အဲဒီလမ်းကြောင်းကနေ ဝင်ထွက်နိုင်ဖို့ ကိုယ်ခန္ဓာ ပိန်ပါးသူ ဖြစ်ဖို့ လိုအပ်ပြီး၊ အမျိုးသားတစ်ဦး ဖြစ်နိုင်ချေ ပိုများတယ်လို့ ယူဆထားပါတယ်။
ဆက်လက် စစ်ဆေးရာမှာ အခန်း (၆) တွင် နေထိုင်သူ အမျိုးသားတစ်ဦးကို ဆီးစစ်ခဲ့ရာ မူးယစ်ဆေးဝါး သုံးစွဲထားကြောင်း တွေ့ရှိခဲ့ပြီး၊ နောက်ကြောင်းရာဇဝင်များတွင်လည်း မူးယစ်ဆေးဝါးနှင့် ဆက်စပ်မှုများ ရှိနေကြောင်း သိရပါတယ်။
အဆိုပါ အမျိုးသားမှာ ပိန်ပါးသော ကိုယ်ခန္ဓာရှိသူ ဖြစ်တာကြောင့် လက်ရှိတွင် သံသယရှိသူအဖြစ် ခေါ်ယူစစ်ဆေးနေကြောင်း သိရပါတယ်။
လက်ရှိအချိန်ထိ ရဲတပ်ဖွဲ့က တရားခံဖမ်းဆီးရမိရေး အရှိန်မြှင့် ဆောင်ရွက်နေဆဲ ဖြစ်ပြီး၊ မအိမွန်ထွေးအတွက် တရားမျှတမှု ရရှိနိုင်ဖို့ အားလုံးက မျှော်လင့်နေကြပါတယ်။😢😢🥲🥲🥲🥲🥲🥲
လုပ်ရက်လိုက်ကျတာ လူတွေးရယ်😢🥲🥲🥲🥲
အများမြင်အောင်ရှဲယ်သွားပေးကျပါအုန်း😢🥲🥲
Tips
