25/04/2024
ပင်လယ်ရေပြင်ကြီး ကျယ်တာကို
ဘယ်သူမှ အပြစ်တင်ဘူးဆိုရင်...
နဖူးပြင်ကြီးကျယ်တဲ့ ပြောင်ကြီးတွေကို
ခင်ဗျားတို့ အပြစ်မပြောသင့်ဘူး...
နဖူးပြင်ကျယ်ကျယ်ထက်မှာ စိုက်ခွင့်ရတဲ့
အနမ်းပန်းတွေက ပိုပြီး မွှေးတယ်ဆိုတာ
ခင်ဗျားတို့ မသိလို့လား...
ဆံမြိတ်လေးကိုချပြီး နှဖူးပြောင်တာလေးကို
ဖုံးကွယ်တာကလွဲရင် အဖြူရောင်သက်သက်
နှဖူးလေးကို ပိုင်ဆိုင်ထားကြတာပါ...
ဆံမြိတ်ချထားတဲ့ နှဖူးလေးက
လေတိုက်မှာကို ကြောက်တယ်ဗျ
ခင်ဗျားတို့ကသာ ပြောင်ကြီးလို့
ပေါ့ပေါ့လေးပဲ ခေါ်လိုက်တာ
ကျွန်တော့မှာ ကမ္ဘာကြီးကိုပျက်လို့...
အဲဒီနှဖူးလေးကို ကျွန်တော့နှလုံးသားက
အလုပ်ကျွေး ပြုနေတာဗျ...
ခင်ဗျားတို့ ပြောင်ကြီးလို့ ထပ်ခေါ်ရင်
တတိယကမ္ဘာစစ်ကို ကျွန်တော်စမယ် ၊
သူမ နှဖူးလေးက မဟာဆန်တဲ့
နှဖူးဆိုတာ ခင်ဗျားတို့မှမသိတာ
မဟာဆန်တဲ့ " ကောင်မလေး ရေ "
ရှင်သန်ခွင့်ပေးမယ်ဆိုရင် မင်းနှဖူးလေးအဖြစ်နဲ့ပဲ
အစ်ကို မင်းနဲ့ အသက်ဆက်ချင်ပါတယ်...
ဒါကြောင့်...
မင်းနှဖူးထက်မှာ အစ်ကို စာရေးလိုက်တယ်
" နှဖူးပြောင်လဲ ချစ်တယ် "
#𝕾𝖆𝖗𝖙𝖔
#𝘿𝙊𝙍𝘼
