12/04/2023
شحال من شاب كيما اللاز ، غارته الرجلة المزيفة ، و الصاروخ و الدبازي و كل اليوم la police في دارهم يفتشوا و والديه كارهين منه و جوارينه يتلطفوا منه ، عايش حياته في الأوهام ، ما خرج ما حوس ما رفد كتاب ، ما خرج من confort zone تعه ما شاف الدنيا كي دايرة ما دار معارف خارج حومته ، و مباعد تكمل عليه في الحبس يجيب خمس سنين ولا عشرة عام يدمر عام يفوتوا ثقال بزاف عليه بصح برا يفوتوا على ناسه كي الشعرة ، غير يخرج يلقىَ الدنيا تبدلت ، الناس هربت و تقدمت ، صحابه داروا situation و خرجوا من الميليوا تاع المهابيل و البهاليل و فاقوا بلي هذه الطريق ما تخرجش ، و فهموا بلي هذه الطريق تردك شفاية و عرة سيادك و عڨوووون في وسط الناس ....
ما يحضر لعرس أخته و فرحها ما يشوف أولادها ، مرات أمه و لا أبوه يموتوا و ما يحضرش يموتوا حبابه و ناسه و هو لا خبر ، يندم و يبكي بصح c'est trop t**d ، فات الزمن ......
مالا les jeunes لي راهم في هذه الطريق أفطنوا رآه الوقت و الله، اخطوكم من هذه الطريق حبسوا الصاروخ هذا تاع شكوبي قبل ما تطفر ، كيما قال برنوا : passée passée و الرجلة mal placé ، ديروها dossier classée ، صح الرجلة mal placé ما عندها وين تديك ...
ٱفطنووووا .
الشكر موصول ل نبيل عسلي Nabil Asli على هذا التمثيل الرائع و هذه الرسالة المهمة ، فعلا الفن دوره محاكاة الواقع و توضيح القضايا السياسية و الإجتماعية و الإقتصادية ، و الرسالة وصلت ، و وصلت غاية .❤️
برافوا .
