Tout pour la famme

21/07/2023

مربعات جافة بجوز الهند والمعجون
خلطي250 غ فلوريال مع زوج م ك زيت وكاس سكر عادي رشة ملح حتى يبياض الخليط زيدي زوج حبات بيض وصفار بيضة خلطي وزيدي م ك فانيلا اربعة م ك جوز الهند مرحي وطمي بالفرينة ونص باكي خميرة الحلوى لعجينة جي طرية يعني صابلي خليها ترتاح فالتلاجة ممبعد شكلي مربعات حسب الرغبة طيبي على180 فالوسط خليهم يبردو تماما لسقي بالمعجون وشبحي بجوز الهند .

21/07/2023

جلجلانية
تخرجلك حتى 51 حبة
المقادير :
250 غ مرڨرين(زبدة)
نصف كاس سكر عادي
كمية حلوة ترك اختيارية
كاس كاوكاو محمص و مرحي
2 حبات بيض
كاس جلجلان محمص و مرحي
كمية جلجلان غير محمص
ملعقة قهوة خميرة حلويات
لافاني والفرينة (طحين) باش نطموا
التزيين :
عسل و كاوكاو او كرز مجفف
طريقة التحضير :

نخلط المرڨرين والسكر بالملعقة نزيد حبة بيض و صفار ثم الكوكاو و الجلجلان و حلوة الترك نخلط كلش نزيد المواد الجافة نطم باليد حتى نشكلو عجينة طرية بزاف نوزن كريات 25 غ ونجوزها في بياض بيضة ثم جلجلان غير محمص لانو رايح يتحمر في الفرن و نرشق فالوسط حبة كاوكاو او لوز
الفرن نشعلو 190 °كي يبداو يتنفخو الحبات و يتحمرو من الفوق نخرجو كي يطيبو لازم يتعسلو سخونين والعسل بارد

21/07/2023

#منقولة
السلام عليكم ورحمة الله وبركاته
اليوم و انا نحضر فالشحمة جيتو في بالي قلت نصور المراحل و نشاركها معاكم حتى ولو بالصور عندي عدة سنوات نخدمها بهذه الطريقة نفعتني بزاف و استغنيت تماما على الزيت
👇👇👇👇
نجيب الشحمة من الأحسن غنمي اذا بقري معليش ننقعها في ماء و ملح حتى يخرج منها اي اثر تاع دم و بعدها نصفيها و انشفها مليح و نقطعها رقيق و نحطها في قدرة و نخليها على النار حتى تذوب راح تصبح سائلة مثل الزيت لكن كاين قطع ما تذوبش لذلك نجيب البرا ميسكور و نرحيها تصبح كامل سائلة مثل الزيت
نحطلها مغرف كبير ملح لكل كيلو شحمة لانو حافظ طبيعي وهنا نجيب صينية او ممكن نفرغها في قوالب سلكون الاحسن نعقبها على صفاية باش تخرج صافية مليح انا باش نختصر الوقت درتها في صنية دخلتها للمجمد شدت روحها و خرجتها قصيتها مربعات و درتها في علب غذائية و خبيتها في المجمد تبقى حتى عام كما راهي نطيب بيها يوميا كل الطبخات تعطي بنة هايلة للاكل و صحية خير من الزيت المهدرج و اللي باللون الأحمر كي ذابت زدتلها فلفل عكري حلو و شوي راي الحانوت تجي منكهة تصلح للمحاجب و الأكلات لي مرقة حمرا
منقولة

21/07/2023

كريم باتسيير منزلي🍁🍁🍁
🍃المقادير
نصف لتر حليب
بيضة كاملة
1 معلقة كبيرة سكر
2 معلقة كبيرة نشاء
1 معلقة صغيرة فانيليا
1 معلقة كبيرة زبدة
🍃طريقة التحظير
في اناء نضع الحليب ، البيضة ، السكر و النشا و نحرك كلشي بارد في بارد حتى تمتزج المكونات جيدا ثم يوضع على نار متوسطة مع التحريك المستمر لغاية الحصول على خليط متماسك و کثیف
ينزع على النار نضيف اليه الزبدة و الفانيليا و يحرك جيدا . يترك ليبرد قبل الاستعمال.
و بالصحة و العافية

21/07/2023

وصفة منقولة بركوكس بالتعمير والدرسة الصراحة ماكليتوش بهاذ الطريقة

بركوكس
حمص
2 حبات بصل
5 حبات جزر
3 حبات طماطم
ربطة قسبر
ثوم
ملح، فلفل أسود، زنجبيل، كركم، زعفران، فلفل احمر و راس الحانوت
طماطم مصبرة
دجاج او لحم و الكفتة

في قدر نضع زيت و نقلي الدجاج، نضيف البصل مفروم و ثم بقية الخضار مقطعة صغيرة و ربطة الحشيش وم.ك طماطم والتوابل ونقليهم ونمرق بالماء الساخن ونضيف الحمص

البركوكس نغسله بالماء ونضعه في كسكاس يقطر، نحله ونفوره للمرة الاولى نضعه في قصعة و نضيف كأس ماء و نحله بيدي ثم نضيف الملح إذا كانربدون ملح لما يبرد نفوره للمرة الثانية
التعمير:
لحم مفروم + كأسان خبز مرحي وقسبر و المعدنوس وملح وفلفل وراس الحانوت ثوم و ملعقة زبدة و نجمعه بحبتين بيض، نشكله حربوش في كيس بلاستيكي ونضعه يستوي مع المرق أو يفور في قدر
نضع الدجاج و التعمير والحمص على جنب ونطحن الخضار
نحضر التتبيلة ربطة قسبر وثوم طماطم و م.ك راس حانوت م.ص فلفل ونضيفه للمرق
لما يغلي القدر نضيف البركوكس و نتركه يغلي دقائق
في قصعة نقدم البركوكس ونزينه بالحمص والدجاج و ونقطع التعمير دوائر

21/07/2023

21/07/2023

شخشوخة الدفر👌 البنة متناقشونيش فيها بالضمان🤣
مقادير الوصفة:
المرق نحتاج...
لحم🥩
حبة بصل 🌰
حبة طماطم🍅
خمس فصوص ثوم🧄
حمص
جريوات
سنارية( جزر)🥕
فلفل حار🌶️
التوابل:ملح+فلفل أسود+رأس الحانوت
طماطم مصبرة🍅🍅
طريقة التحضير:ندير ملعقة زبدة + شوية زيت يسخنو نقلي اللحم جيدا مدة خمس دقائق بعدها نضيف بصل مرحي وثوم يتقلاو جيدا بعدها نضيف طماطم مرحية +الثوابل + الحمص نقلي بعدها نضيف طماطم مصبرة ملعقة كبيرة ونضيف جزر+ جريوات كاملة بلا منقطعها بش مطيحليش فالمرق نخليهم يتقلو مليح بعدها نضيف فلفل حار أحمر ونمرق بماء دافئ (منكتروش الماء) نخلو المرق تعنا يطيب
بعد ما يطيب نحي منو مقدار كأس من المرق نضيفلو نصف ملعقة زبدة نخليها تدوب فالمرق نخليها على جنب.
شخشوخة ظفر
طريقة التحضير:
نفتحها بالقليل من الزيت بعدها نحطها تفور الفورة الأولى ونحيها نرشها بماء بارد مقدار كأس بعد ما تنشف نفورها الفورة التانية بعدها نحيها نملحها شويا بعدها نفرغ عليها كأس المرق لي ضفت فيه زبدة ونخلط تكتسب لون احمر لوم المرق بعدها نردها تفور الفورة التالتة وفي وسطها فلفل حار ....بعدها نحيها نديرها في برمة او صينية ونجيب زبدة نديرها وسطها نخليها تدوب بعدها نخلط قليلا نديرها على النار بعدها نضيف عليها المرق نخليها تتجمر مليح مع هداك الفلفل ..ونطفيو عليها فيها قليل من المرق وبعدها رح تشربو السخانة .وفقط وتقدم وتزين.حسب الرغبة
بصحتكم شهية طيبة 🥰
ديرو لايك ❤️☺️

21/07/2023

تدابير ونصائح مطبخية💡

√المرق الأحمر يتحط فيها الثوم🧄 المرق الأبيض لا❌

√القرفة تستعمل في الحلويات و طاجين الحلو والشربة وفالمرق الابيض لازم تكون عود مش پودر👌

√باه يجيك العدس بنين ديريه بالثوم ومن المستحسن تحطي فيه مربعات خضر لان الوصفة الاصلية للعدس تتماشى مع الخضر🥕🥒🥔🧅🧄

√المقرون جامي تطيبيها فوق 7 دقائق لأنو مام تطفي عليها تكمل تطيب🍝🍝

√الارز باه يجيك بنين جمريه فالفور ماشي فالقدر🍲

√الكسكس و الرشتة كي يكونو بمرق أبيض السر باه يجيوك بنان هو اضافة قطعة لفت راپي( محكوك رقيق )🍠🍠

√باه يجيك المرق ثقيل كثري البصل🧅

√باه تجيك الكسرة مبسسة مليح و مام تبات تبقالك جديدة دخلي الزيت🏺 بيدك مليح في الدقيق و ديري العجينة حاكمة روحها ماشي جارية👌

√كي تديري الشخشوخة او التريدة او الرشتة في الدار حلوهم بالنشاء مش بالفرينة🍚

√باه تجيك البطاطا مقرمشة كيما تاع المطاعم قصيها و انقعيها في ما فيه مغرف خل و طيبيها على خطرتين و ملحيها في الأخير🍟🍟

√الحبوب باه يجيوك بنان قبل ما تطفي ب 3 دقايق ارحي ثوم مع الكمون و زيديهملهم🧄🧂

√كي تشري التوابل حذاري تشريهم مدرحين ذوقيهم قبل و جامي تحكمي على اللون خاطر يزيدولهم ملونات🟡🔴

√جامي تكونجلي الليمون حب لانو رح غير يخسرلك❌

√امرقي ديما الخضر و الارز و اللحوم بالماء الساخن🔥

√باه تتحصلي على نتيجة مليحة للغريبية و المقرود ديما خلي عجينتهم تبات🌠

√لي تحوس على فيجيكاو بنين و مليح كاين "الوجدان" يهبل🍫🍫

√باه تنجحي في الكراميل خلي السكر يدوب وحدة جامي تحركيه🍯

√من الافضل استعملي الميزان⚖ في الحلويات باه تكيلي بالتدقيق و الحلوي تاعك تخرج ناجحة وتعبك مايروحش خسارة خاصة بعض الوصفات الميزان مهم جدا ⚖

√باه تجيك عجينة البيتزا مقرمشة ديري فيها بيضة و زبدة🥚🧈

√ كي تكثري الطماطم المصبرة في المرق حطي مغرف سكر باه يروح طعم الحموضة🍎🧂

√ باه ينجحلك لكروكي خلي العجينة جارية و حطي فيه مغرف نشا 🥄

√استعملي الملح الخشن فالطياب وستلاحظين الفرق لان الرقيق يكون مصنع فقد معادنه وفوائده 🧂

√باه يقعدلك البوراك مقرمش طول اليوم لازم البطاطا تفوريها ماتشرشميهاش لأنو ماء البطاطا المغلية هو لي يطيح الديول

√ديما اشري الفحم تحتاجيه في الطواجن و لي غراتان شعلي حبة فحم و حطيها في المنيوم و حطيها فوق الپلا تاعك تنفنف في الدقائق الاخيرة تجيك بنة هبال🔥

21/07/2023

#طاكوس منزلي.
3 كيسان فرينة
ملعقة كبيرة زيت
ملعقة كبيرة سكر
ملعقة صغيرة ملح
ملعقة صغيرة خميرة الخبز
4 ملاعق كبار حليب بودرة لحضة
حليب دافىء
ماء دافىء
طريقة التحضير⁦❤️⁩
في اناء ديري فرينة مع سكر او حليب بودرة او زيت نخلط نواشف مليح خميرة ملح نضيف عليهم نص كاس حليب دافىء او نكمل نلمها بلماء دافىء خلوها طرية شوية خليها تخمر مدة 30 دقيقة كي تخمر نقسمها على كريات صغار متساويين او نزيد نعاود نخليها تخمر مدة 10 دقائق او افتحي عجينة تاعك رقيقة تكوني درتي داجين تاعك يسخن ابداي طيبي بلوحدة او لي طيب ديريها في كيس بلاستيكي غطيه مليح باش متيبسش خليهم يبردو روحي وجدي الحشو 😍
في مقلاة ندير شوية زيت نضيف عليهم صدر تع جاج نكون قطعتو مربعات صغار نضيف عليهم شوية فلفل كحل خليه يطيب مليح الجاج كي يطيب ضيفي عليه 500 غ كريمة سائلة لطبخ أو خليها شوية فوق الفرن او طفي عليها زيدي عليها رشة تع فلفل كحل يعطي طعم رائع.
روحي جيبي الخبز تاعك تكوني قليتي بطاطا ديري فيه فرماج طري او بطاطا مقلية او جاج لي يكون برد شوية او صلصة طاكوس او فرماج شيدار ولا فرماج سوندويتشاات او اغلقي طاكوس تاعك كما هو موضح في صورة او ديريهم يتبريساااو مليح او قدميهم
ملاحظة 🥰
لي معندهاش لبراس دخلهم داخل الفرن العادي يحمارو ولا فوق طاجين او بصحتكم 😍
صلصة طاكوس😍
وحدة ياؤورت طبيعي ماشي حلو مع شوية فلفل كحل مع كمية من فرماج طري او اربع ملاعق كريمة سائلة لطبخ أو نخلطوهم مليح بلخلاط او الف ثحة😍

21/07/2023

الوصفة تاع #الروز لي طلبوها وخفيف ظريف على السريع وبنينة تشهي 😍😍😍❤❤❤ الوصفة:
عادي جدااا صوص تاع اللحم بصل ثوم لحم دجاج توابل كركم وتقليوهم مليح تزيدوا طماطم هريسة وتمرقوا كي يطيب اللحم تحطوا الروز تاعكم لمدة 10د والاكلة تكون وجدت 🤩😊يعني مكانش نص ساعة ونتي مطيبة غذاء لذيذ😋
ملاحظة :الروز لي نستعملو ديما كاشتي ويكون مفور مانشريش تاع الميزان خلاه .
والروز عندي وصفات ياسر ليه نديرو في الكوشة فرماج جلبانة زيتون ونحمرو مع اللحم ولا نطيب لاصوص وحدو والروز وحدو زي المطاعم وكاين ياااسر وصفات مرة مع كروفات مرة مع دجاج مرة مع التونة ..وهو الاكلة الوحيدة لي نحبها تقريبا ..باسكو خفيف وهو راهو يعتبر حبوب مش عجاين ومايسمنش وفيه فوائد كبيرة ومليح للحميات ..بما اني مانوكلش خلاه العجاين والحبوب عندي كولون هو لي نلقاه لمخير مايقلقنيش وخفيف
منقوووووول

21/07/2023

#طريقة عمل زبدة الفول السودانى❤️

مقادير 😍

2 كوب فول سوداني مقشر
1 ملعقة صغيرة ملح
2 ملعقة كبيرة زيت
1 ملعقة كبيرة عسل

طريقة زبدة الفول السوداني😍

ضعي الفول السوداني في صينية نظيفة.
سخني الفول السوداني في الفرن لمدة ربع ساعة.
ضعي الفول السوداني في محضرة الطعام وهو ساخن.
اطحنيه لمدة 3 دقائق حتى يصبح لونه بنيًا.
ضيفي الزيت والملح والعسل واخلطي مرة أخرى.
سيتحول الفول السوداني إلى زبدة يمكن وضعها في الثلاجة للحفظ.

زبدة الفول السوداني للرجيم😍

مقادير زبدة الفول السوداني للرجيم😍
1 كوب فول سوداني
1 ملعقة صغيرة فانيليا
2 ملعقة صغيرة سكر دايت
طريقة عمل زبدة الفول السوداني للرجيم
احضري المطحنة وضعي بها الفول السوداني حتى يتحول إلى قوام كريمي.

ضيفي الفانيليا والسكر الدايت واطحني مرة أخرى.
احفظي زبدة الفول السوداني في الثلاجة.

زبدة الفول السوداني بالشوكولاته😍

مقادير زبدة الفول السوداني بالشوكولاته
2 كوب فول سوداني غير مملح
1 ملعقة صغيرة ملح
4 ملعقة كبيرة زيت ذرة
3 ملعقة كبيرة عسل
3 ملعقة كبيرة كاكاو
1 ملعقة صغيرة قرفة
4 ملعقة كبيرة قطع شوكولاتة

طريقة عمل زبدة الفول السوداني بالشوكولاته😍

وزعي الفول السوداني في صينية في الفرن
اتركيه لمدة 10 دقائق حتى يتحمص.
ضعي الفول السوداني في محضرة الطعام.
أطحنيه لمدة 3 دقائق.
ضيفي العسل والزيت والملح والكاكاو والقرفة والشوكلاتة.
اخلطي حتى يصبح لديكِ قوام متجانس.

احفظي الفول السوداني في الثلاجة.

21/07/2023

كسرة محشية 😍😍
المكونات
3كؤوس سميد رطب
2 مغارف كبار فرينة ( طحين)
ملعقة سكر
ملح
ملعقة كبيرة خميرة الخبز
4 ملاعق زيت
ماء دافى
التحضير
نخلط مكونات العجين و نجمعها بالماء الدافئ
ملاحظة (ماتكتريش الماء ) لان عندما ترتاح تطلق الماء تاعها
نخلوها ترتاح لمدة 15 دقيقة
و نحلوها بالفرينة
👈👈👈الحشو كيما تحبي
انا درت البصل و طماطم فلفل اسود و ملح زعفران شويا هريسة حارة و الجبن يمكن اضافة اللحم المفروم .....
👈👈 نثقبها قبل ماطيب
👈👈 تطبخ على نار هادئة