لمسة DZ

08/05/2026

#رسالة
حطي حطي الزين حابة نفرغ قلبي شوية وينصحوني عييت
انا متزوجة ساكنة زعما وحدي باني فوق فوق يعني فوقهم 🥺و عائلة زوجي يجو يفوتو عطلة عندي بشهر يقفلو تحت ويكومبيو فوق 😢وفي أعياد مين نروح لدارنا يجو يفتشو يخصرولي اغراضي و يهرسو ماعين ويرفدو لبستي بلا شوار كي نحوس،على الحاجة حتى نلقاها تحت ونحط طرف جاج يرفدوه ادا خصهم حاجة يطلعو عندي رجعت سوبيرات وخياته متزوجات ومع انهم عندهم دار باباهم كبيرة و امهم كاينة مشي ميتة و يجو عندي و يفوتو شهر بشهرين في داري و خوهم جاي معاهم كي نشكي مايقضو معايا ما يعاونوني في دار و كي نقول راجلي علاه راهم دايرين لي هاك و حاقريني و يقولي معجبكش لحال طريق قدامك ايا دروك نتوما نصحوني و عطوني الحل 💔 كرهت ومليت

#رسالة

08/05/2026

🙄🙄

08/05/2026

Malheureusement

07/05/2026

06/05/2026

#ميساج
رايحين نخطبو لخويا شغل شوفة واش نديو بضبط ورانا رايحين نديو 17 مرا و25 راجل بزاف و لا لالا هي قالتلو متجيبوش ناس بزاف على خاطر دارهم ضيقة واحنا عائلة كبيرة هكدا ونقصنا بزاف
#رسالة

06/05/2026

#ميساج
لعجايز البركة تاع 1987 و 1988 و 1989 و 90
كيفاش راكم دايرين مع الكبر
و الروماتيزم
🥺😔

06/05/2026

#رسائلكم
لبنات زيدت عندي يومين جبت طفلة🥹 كي طلعت فوق طابلة سيزريان وليت نوكل في ربي علي عجوزتي لي طلقتني من راجلي وخياته لي هبلوني وضربوني و مرت بابا لي مخلاتنيش نعيش هانية كي رجعت لدار بابا وجع فيا تاع ولادة و سقيا هبطت و هي مبلعة عليا باب و خرجت من دار بصح مديتش معايا كابة تاع لبيبي كنت وجدتها بصح كي عيطت لياسير نسيت عليها مع وجع وكنت نبكي نبكي كي فطنت لقيت طبيب يبكي معايا و مام فرمليات 😭😭😭😭😭 قالولي علي قش قلتلهم علي وضعي جابولي قش من عند وحدة معايا في شومبرة و قاتلي فرملية نديك لدارنا اقعدي مع يما كبيرة عايشة وحدها سيقي اغسلي ونتي مستورة في الدار 🥺وربي بنتك غاضتني عمري دوك حابة نفرغ قلبي هنا معنديش لمن نشكي

06/05/2026

سمعتو بالجديد 🙂🙄 هاذي باخرة سياحية راكبين فيها 149 واحد خرجت من الارجنتين و عندها 3 اسابيع وهي في رحلة حول العالم
دوكا راهي واقفة قدام الراس الاخضر غرب افريقيا وحاصلة تماك و حتى دولة ما حبت تدخلها والسبب هو انتشر فيها فيروس اسمه هانتا وماتو ثلاتة تاع الناس وخمسة في حالة خطيرةو راهم يقولو احد من ركاب هو لي جابو وهو شخص كبير فالعمر و مات بعد ماجازو 12 يوم من بداية الرحلة وبعدها بيومين مرتو ماتت و بعد أيام بدات تظهر اعراض تاع فيروس هذا على واحد من ركاب تاع سفينة هاذيك ابخي نزلوه لأقرب جزيرة و الفيروس هذا ينتقل من الفيران للانسان
وحاليا اغلبية ركاب راهم عازلينهم

منظمة الصحة العالمية راهي تحاول تنسق مع هولندا او اسبانيا تجي ترفدهم بالطيارة وتحط كل واحد فبلادو وراهم باقين حاصلين وسط البحر
شكون سمع بهاذا لخبر 🤔🤔🥲🥲

06/05/2026

🔴 حدث استثنائي ونادر في حديقة بن عكنون… ولادة 5 أشبال من الأسود البيضاء 🦁🤍 ما شاء الله 🤩
ولادة هذا النوع النادر تُعد إضافة مميزة للمحافظة على الحياة البرية داخل الحديقة، وسط اهتمام كبير من الطاقم البيطري والرعاية المكثفة للأشبال حديثة الولادة.
💚 مشهد رائع يعكس جهود الحفاظ على الحيوانات النادرة والتنوع البيولوجي في الجزائر.❤️