10/04/2025
#وصفة خبز الدار بالسميد 100% خفيف ريشة🥰
ديره وحمري وجهك قدام عجوزتك😂
كما نعرفو العجايز يموتو على العجاجن 🤫
■3كيلات سميد رطب
■ملح
■مغرفة ك خميرة الخبز
■مغرفة ص سانوج
■3مغارف صغار سكر
■نصف كأس زيت
■2مغارف كبار حليب بودرة
■1/2خميرة الحلوى
■حبة بيض
■مغرفة ك زبدة
☆☆طريقة التحضير ☆☆
في قصعة حطيت السميد والسكر والحليب بودرة والملح وبسست بالزيت وزدت السانوج وجمعت بالماء دافي
العجينة تكون طرية فقط
من جهة اخرى
حطيت الخميرة في كأس وزدتلها شوية سكر وخليتها تتفاعل
حطيت العجينة فالبيترا وقعدت نزيد فالخميرة غير بالعقل ونعجن
من جهة أخرى
حطيت حبة بيض في كأس مع نصف باكي خميرة حركتهم بالمغرفة حتى نتحصل على لاموس وزدتها للعجينة وعجنت مدة 10د وزدت مغرفة ك زبدة وكملت العجن
خليت العجينة تختمر مرة وهبطتلها الخميرة وخليتها تختمر مرة ثانية هبطتلها الخميرة وقرصتها في سينية مدهونة بالزبدة
الي تحب تقرصها في 2 سنيوات تتحصل على 2خبزات
ادهنتها بصفار بيض مخلط مع شوية قهوة سائلة
ودرت السانوج وخليتها تختمر بعد الاختمار طيبتها
خليت الخبز يبرد مليح وقطعتو
