Quelles sont les heures d'ouverture ?

Lundi 09:00 - 17:00 Mardi 09:00 - 17:00 Mercredi 09:00 - 17:00 Jeudi 09:00 - 17:00 Samedi 09:00 - 17:00 Dimanche 09:00 - 17:00

Quel est le site Web ?

https://www.facebook.com/104215064935567/

Green Health with Ghaith

Page d'Accueil
Algérie
Guelma
Green Health with Ghaith

محل يقدم منتوجات طبيعية تحت اشراف مهندسة تغذية واستشارية تغذية علاجية ورياضية

23/05/2026

القودا بالفلفل الاسود يظهرلي رح نربحوها prix / Meilleure fromage doux 🥇🏆 مكانش لي يدخل ويضوقها وميقولش تهبل تهبل 😍😍😍😍 👌بنة تع الصح

23/05/2026

كاين وحد المخلوقة تخدم "الصحي حاسب روحو" منا من قالمة راحتلي باجتها حبيت نقلها برك ... وشمن وجه عندك تقابلي بيه انسان دار فيك غير كل خير حتى كلمة واشك متقوليهالوش، وداخلة عندي لمحلي ودايرة روحك متعرفينيش حتى ، وماخذة راحتك عالاخر، ومدرتيهاش مرة مش 2، صححلك ربي وجهك وخلاك. انا مكانك مندخلش عند انسان نكرت خيرو. ولا انا مش مليحة بصح سلعتي مليحة.🤐
من هذا المنبر نقلك مذابيك منزيدش نلقاك عندي لانو الانسان نتم كي يكون معاكم مربي ومليح ميعجبكمش، يعجبكم لي يعايبكم مباشرة. فقط.

21/05/2026

مساء الخير عليكم ❤️
im sooo sorry لحباب
معنديش التوصيل للاسف 🥺 الاجبان خصوصا ، الشركات معندهمش chaîne frigorifique للاسف. هوما لحوايج الجافين و يهرسوهم. وينك يا الجبن مسكين يوصل ماتفهمو روكفور مالقروصة ماتفهمو قودا قراصت🤭🤭🤧 😂😂

21/05/2026

مكنتش علبالي بلي شعبنا يموووووت عالبوليتيك كيما هك ههه 😆 كون جا الشعب لي يعلق هذا كامل يجي يشري اييييه ما خلا ربي ما عطى تشبعوا فرامج كل 😆😆🤔🥰

👈 متوفر اليوم في المحل سلطة 10 اجبان بزيتون كاسي بالخضر 😍😍🧀🧀🧀🥗 تهببل و صاي ( فيها قوظا بيستو، قودا اعشاب عطرية، راكلات، روبلوشون ، شيدار، قريار، توم، قودا كمون، توابل، جبن ماعز....الخ بزاااف حطيتهم كل 😍😍)
👈موقعنا نهج خليل مختار زنقة المسجد العتيق مقابل صيدلية جبار قالمة 📞 0676734252

20/05/2026

Disponible 🥰

19/05/2026

سلام عليكم. عندي ملاحظة تكررت من بعض الزبائن.
سعات يجيو لي حابين يديو فرماج مثلا ب 10 الاف وتقلك من كلش اعطيني ب 10 الاف.
حبيت نوضح وحد الامر من فضلكم ونشاله تتفهمو الامر.
غالبا لفرامج كل يبداو من 18 حتى 20 الف 100 غ.
درك تجيني وحدة تقلي ب 10 الاف او ميقدروش البائعات يقصولكم بالضضضضبط قد ما حابين. سعات طيح 14-17 الف الزبونة تشنف وميعجبهاش الحال وتقلك لا قصيلي هديك ترونشة هي ديجا نتشة تزيد تقلك اقسميهالي عنص. و الطرف تع même pas 5 الاف ختي وش ندير بيه ؟ نرميه؟ هكا قاعدين نفزدو فالاجبان والله منين نروح ونلقى الانواع كل فيهم نتش نتش هذوك ييبسو و ينطاشو نقلق.
لي حاب يضوق والله نقصهالو ياكلها باطل ، الله غالب يديهم مش ميزان بش يطيحولكم في 10 الاف قدقد ، لذلك نتمنى منشوفش تشناف لانهم هم مساكن خاطيين ، ولي طاحو فيا انا فالمحل وعطيتهالهم والله باطل منحبش نحرج لعباد. لذلك نشاله تكون الرسالة لحقت وتتفهمو الامر هكا والله ماتصلح نفزدو لفرامج نتشوهم كل و نطيشو وش يفضال. مهوش كاكاو ولا كسكس لي نقدر نتحكم فيه ونحطلك بالضبط قداه راكي باغية. و شكرا عالتفهم 🌹

18/05/2026

متوفر اليوم في المحل 🥰 أجبان:
روكفور
قودا بانواعها
راكلات
روبلوشون
شيدار
قريار
توم
ماعز
ادام روج
موزاريلا..الخ

نهج خليل مختار زنقة المسجد العتيق مقابل صيدلية جبار قالمة 📞 0676734252

18/05/2026

وحد الرشتة بالقمح الكامل صدقوني غير مالقيت وش نعلق عليها....بننننة صح 😍 بالرغم اني منيش من محبي الرشتة خلاص. لكن تع الصح ربي يبارك في يدين لي صنعتهالنا. 10/10
(سامحوني غير متوفرة حاليا)

16/05/2026

متوفر اليوم في المحل 🥰
👈ابن زبدة الفول السوداني ذات قوام رطب ورائع
👈ابن chocolat à tartiner طبيعية 💯 بدون سكر مكرر محلاة طبيعيا بعسل التمر البارد و الكاكاو الخام.
👈مربى طبيعي
👈العسل الحر ومشتقاته
👈خلطة الانيميا الفعالة 🤩

نهج خليل مختار زنقة المسجد العتيق مقابل صيدلية جبار قالمة 📞 0676734252

16/05/2026

صباح الانوار....
الرغيف، خبز البرغر، المطلوع الصحي متوفرين اليوم في المحل 🥰 لي حاب يدير بيهم ساندويتش بجبن 🌮🌯🧀🧀راكلات🧀 او 🧀اروع ڨودا فلفل أسود طرية مفشفشة🧀 سااااندويش ماااصراش 🥰😍🤩

نهج خليل مختار زنقة المسجد العتيق مقابل صيدلية جبار قالمة 📞 0676734252 هاتف العمل مفتوح لاي استفسار اتصلوا.

14/05/2026

سلام عليكم. فرحت بيكم جدا لي جيتو تذوقتو الاجبان ولي مجاوش بسبب الامتحانات وانشغالاتهم وعد مني نعاودهالكم فالوقت لي يساعدكم انتم.
👈وفرحححت بزاف كذلك باهتمامكم بوش قاعدة نوفرلكم ،عالاقل العبد يحس بلي يفيد فالناس وتعبو مهوش يروح خسارة
👈وفراااااحت بالبزاف كذلك كي ديتو المعجنات الصحية وجربتوهم و عجبوكم و مساكن كاين لي كانو ساااخفين على طرف شخشوخة وتوجعهم و جاو شراو الصحية وبررردوا قلوبهم فيها وقالولي ماااوجعتناش خلاص وفرحوا
🥰😍🥹🥰🥰🥰🥰🥹🥹🥹
vraiment ça m'a fait énormément plaisir 😍😍😍🥰🥰🥰🥰
👈وألف سامحوني اذا منجاوبش فالخاص او فالتعليقات ، راني فوق جهدي والله ، ومتعبة تع الصح وعندي أموري، لكن بربي نشالله راني نحاول نوضح كلشي فالمنشورات. يبقاو الاسعار والله مانهزهم في راسي كاين بزاف المنتوجات ومانيش حافظتهم. وكذلك البيع حاليا راه يتم فقط داخل المحل يعني معنديش توصيل. ممكن داخل الولاية يتوفر نشالله بالنسبة لليبوكس الصحيين هذوك نبعثلكم لغدا الصحي ولا اللمجة ولا كيما تحبوا 🥰.
👈ولي جا ومالقاش حاجة أللللللف يسامحنا لان اليد لي تصنع فالامور هاذو راهي عبد واحد مسكينة مهيش لاحقة راهي بجهدها ترضي فينا 😍🥰 ربي يعطيها ويرضيها سواء هي ام كل صانع وحرفي نتعامل معاه و يسعى بجهدو بش يوفرلنا منتوجات ذات جودة وقيمة غذائية عالية ماشاء الله. لان حنا كلش عندنا فالمحل يدوي الصنع وليس تع مصانع. وهذا ما يفسر نقص المنتوجات و بطء توفرها لمدة طويلة نوعا ما.
👈نشالله يقدرنا ربي نوفرولكم كلش والله رانا بالجهد والله او ربي يعلم نرضاها لروحي نشقى فوق 1000 كم خلال 48 ساعة مشي وبحث عن السلع نروحو بساقينا اكرمكم الله نروحو بيهم مكسررررييين وحنا بعد ... غيييير بش مانبعث فورقون ب2 ملاين وكثر يجيبلي ولا نبعث عبد مش ثيقة يلملي برك وش يلقى بلاما يحرص عالجودة والصلاحية تع المنتوج المعروض.
👈وفي الختام نشكركم متابعي الاوفياء ربي يبارك فيكم وفي صحتكم وربي يقدرني نكون عون وسند من بعدو لكل مريض او مستضعف او حتى صحيح ومحتاج النصح... لااا تترددوا فالاتصال 0676734252 لاي استفسار سواء على منتوجات المحل او طلب استفسار عن الصحة والتغذية مني شخصيا عبر الهاتف. مرحبا بكم جميعا 🌹🥰 نخدمكم بلا مزية استفسار ،استشارة، جاك ظرف صحي طاريء وماعرفتش ، زوجتك حامل وحصلت مالقيتش لي يفهمك في امر ما، وليدك صغير عندو مشكل صحي.....الخ 📞📞📞 عيط سقسي وبربي نشالله لي ميلقانيش يخلي استفسارو للعاملة الطيبة الفحلوتة ربي يبارك فيهم بنات كي لعسل يوصلولي استفسارك ونجاوب خااااوتي كاملين وماتخرجوا غييير راضيين بحول الله.
الف شكر للجميع 🥰 love u allll 🥰🥰🥰🥰

Adresse

Guelma Centre, En Face Pharmacie Djebar
Guelma
24000

Heures d'ouverture

Lundi	09:00 - 17:00
Mardi	09:00 - 17:00
Mercredi	09:00 - 17:00
Jeudi	09:00 - 17:00
Samedi	09:00 - 17:00
Dimanche	09:00 - 17:00

Téléphone

+213676734252

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Green Health with Ghaith publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.