Gateaux lidyaa

22/03/2023

شباح السفرة لوز

22/03/2023

27/09/2022

بوراك بالسلق les épinards 🤤 بلا منحطيلكم على الفوائد لي فسلق !! تبعوا معايا 👉
المقادير:
رطل بطاطا
زوج الى ثلاث حبات بصل
3 الى 4 حبات بيض
زوج قطات سلق
هريسة
فرماج لي عندك
التحضير :
👉أول حاجة نروحوا نحطوا البطاطا تتغلى مع وريقات رند وملح وفلفل اسود و لا تقشريها و تفوريها كيما تحبي 👉
👉من بعد نقليو البصل و الثوم والسلق نقصولوا ونخليوه في غرضوا حتى يبدا يذبال وينشف من الماء تاعوا مع التوابل و الملح اكيد مديروش بزاف باسكو السلق ديجا يجي مالح .
👉نجيبوا ديول تعنا نوجدوهم على طرف.
👉تكون طابت هاديك البطاطا نمعسوها مع زيادة شوي زبدة و نضيفوا السلق لي قليناه و نكسروا فوقهم زوج و ثلاث حبات بيض
باه يجي الخليط متجانس و يعطينا بنة رائعة .
👉 نديروا فرماج وهريسة فديول تاعنا و نضيفوا الخليط حتى نكملوا كامل الحبات كما فالصورة .
👉 نقليوهم و نشفوهم من الزيت لي فيهم و نقدموهم وبصحة و الهناء

23/08/2022

كي ميكونش لا تفاعل🙂اذن لا ستاتيات، ديرو رايكم و ندير راي😝😝�💔✌🏃

19/08/2022

غراتان بالخضار
3 بيضات
ياؤورت طبيعي او فرماج امير او كرام فراش واش عندك .
فلفلة خضرا حلوة
جلبانة
جزر وبطاطس مربعات
معدنوس مقطع
ملح . كمون . فلفل اسود . فلفل احمر
100غ فرماج مبشور
الطريقة :
نفور البطاطس والجزر والجلبانة
نشويو الفلفلة ونقشروها ونقطعوها ممربعات
نخلطو الخضر مع بعضها ونعملوها في مول مذهون بالزبذة
في إناء نخلطو الياؤورت الطبيعي والبيض والمعدنوس والملح والكمون وفلفل اسود والفلفل احمر والقليل من الفرماج مبشور
ونضيفو القليل من الحليب حسب الرغبة (اختياري)
نفرغو الخليط على الخضار ونرشو الجبن المتبقي للوجه ندخلوه للفرن حتى يطيب البيض ويتحمر الوجه🥖🥤

19/08/2022

Sur commande

18/08/2022

امين يارب العالمين

18/08/2022

Sur commande

17/08/2022

وصفة بالمرقاز
4 حبات بطاطا تقطع مربعات تقليها فالزيت. مع قليل من الملح.
نضع المرقاز في مقلاة بدون اي اضافة نخليه يطيب حتى يطلق الزيت لي فيه.
في زيت المرقاز حطي بصلة مرحيه فلفل اسود .ملعقه زيت. وقليل من الملح وقليها مليح. اضيفي حبه طماطم مبشورة وملعقة طماطم مصبره ونص كأس ماء. وخليها الطيب ما نخليهاش تنشف .
ملاحظة : الزيوت لي طلقها المرقاز متبله ومالحه.
في مول نحط البطاطا. نضيف الصوص والمرقاز. نفصل بياض البيض على الصفار . نخلط بياض البيض ونسكبه على البطاطا. اما الصفار تحطه كما هو فالسينيه. ندخلو للفرن حتى يطيب البيض ونخرجو وبصحتكم 😊بنينه بنينه👍👍

15/08/2022

ان شاء الله صدقة على ابي وامي ربي يرحمهما. دونات 🍩🍩🍩
العجينة 🍩
كأس حليب دافئ 240 ملل
ملعقة كبيرة خميرة الخبز
3 ملاعق كبيرة سكر
نخلطهم و نخليهم يخمرو عشر دقائق
بعدها نضيف عليهم
2 ملاعق ياغورت طبيعي إختياري تقدرو تستغناو عليه و تعوضوه بملعقة كبيرة من الحليب بودرة بصح نفضل الياغورت إذا توفر يكون أحسن
2 حبات بيض
2 ملاعق زيت
50 غ زبدة طرية الي هي زوج ملاعق كبار معمرين مليح
نصف ملعقة صغيرة ملح
كيس خميرة كيميائية
4 أكواب و نصف فرينة نفس الكوب إلي كيلنا بيه الحليب أو 650 غ فرينة بالتقريب ضيفوها بتدريج و شوفو متنشفوش العجينة بزاف حاولو ماتفوتوش 700 غ فرينة ....
أعجنوها مليح حتى تولي عجينة رطبة خليوها تريح قدما تريح يكون مليح انا خليتها تقريبا ساعة و نص في هاذيك ساعة و نص كسرتلها الخمور مرتين
مبعد فتحتها عادي و طبعتها بعد ما تطبعوها حطوها فوق ورق طهي مرشوش بالفرينة و غطيوها و خليوها تزيد تخمر ماشي أقل من نصف ساعة قد ما تخمر مليح و ابداو تقليو فيهم في زيت ماتكونش سخونة بزاف باش يطيبو كن داخل و ميتحرقوش و ابداو دايما بالحبات إلي طبعتوهم لولين كامل ماشي لخرين ....
ملاحظة بعد ما تطبعو الحبات تاعكم العجينة إلي تلايموها خليوها تريح و تخمر خمس دقايق باش تعاودو تفتحوها باش متتكمش
القلاصاج 🍩🍩🍩
200 غ شوكولا
100 غ كريمة طازجة
سخنو الكريمة حطو فيها شوكولا تذوب و حطوهم بجهة كي يبردو الدوناتس تاعكم اغطسو بالحبة ...
ملاحظة 🍩🍩🍩
هذا القلاصاج بعد ربع ساعة ينشف عادي متخافوهش ميبقاش طري🍩🍩🍩