21/09/2025
كتير بيسألو عن زيت الزيتون السنه ديه
و بالتحديد عبوات زيت الزيتون
فحابين نوضح كذا نقطه
- هو هيكون في جراكن غذائي سعة الواحد ١٠ كيلو و ٢٠ كيلو (حسب طلب حضراتكم)
- للحفاظ على فوائد الزيت و جودته يتم وضع الجركن في مكان بعيد عن الحراره و الضوء، و نسحب منه في زجاجات زجاج نضيفه.
- لو امكن تعبئه كل الكميه في زجاجات زجاج مع مراعاة حفظها بعيد عن الضوء و الحراره.
- مكان الحفظ المثالي للزيت هيكون داخل الثلاجه (ثلاجه و ليس الفريزر) هتساعده على التجمد و ده يوقف عمره بحيث يحتفظ بكل فوايده و عناصره الغذائيه لاطول فتره ممكنه. بحيث الزجاجه المستخدمه تكون بره في مكان ضلمه و غير مُعرضه للحراره و الباقي في التلاجه للحفاظ عليهم و عند سحب زجاجه لاستخدامها لا نرجعها في الثلاجه مره اخرى و تبقى خارج التلاجه.
- اذا لم تتوفر زجاجات لديكم ممكن احنا نساعد في توفير زجاجات فارغه جديده، و ديه خدمه بنقدمها لزبائنا بدون تحقيق ربح منها.
- الزجاجات ممكن تكون حجم اللتر او ٧٥٠ مل او ال ٥٠٠ مل و ممكن تكون غامقه او شفافه و بتيجي في شرنكات ١٢ زجاجه للتر( لمعرفة اسعارهم يرجى التواصل).
