بشرة خير

08/08/2024

ليه تطلب المانجا من عندنا؟؟؟؟؟؟؟؟
في بشرة خير
اولا المانجا عندنا لهاطعم و حكاية ميتقارنش بحد غيرنا والعين بتاكل الأول
الفاكهه كلها طازة وفريش فرز اول
#المواعيد مظبوطه بالثانيه 🛵
ابعتولنا دلوقتي ومتفوتوش الوقت
جربنا وخد فكره عننا وهنوعدكم هنكون عند حسن ظنكم
عرض #خاص المانجا فرز اول ممتاز بسعر الجمله لمده 24 ساعه فقط
1️⃣كرتونه مانجا ذبدية 12ك الكيلو 20ج
2️⃣كرتونه مانجا صديقه 10ك الكيلو 30ج
3️⃣كرتونه مانجا عويسي 10ك الكيلو 45ج

للطلب والحجز قبل الميعاد بيوم من خلال رسائل الصفحه
1557252688

31/07/2024

31/07/2024

27/03/2024

نصائح مهمة جدا 🍅🌶️🍒🥕🍆🥒🫑🧄

🥛🥛الجبنه القريش اضربيها فى الخلاط مع شويه لبن وملعقتين زيت هتبقى احلى جبنه كريمى👍 وكمان لو لبن خالي الدسم هتبقي لايت
#ريحان
🍜🍜- رشة ريحان علي صلصة المكرونة بتدى ريحة حلوة وطعم مميز .
#لحمه
🍖🍖- تشوح اللحم في الزبد وحبهان وورق لورا قبل السلق نديها صدمة عشان يبقى لونها بنى وجميل وطعمها تحفه .
#صلصه
🍜🍜 - لصلصة المكرونة اضربي مع الطماطم توم وفلفل حامي . .
#فراخ
🍗- الكيس الحراري لتسوية الفراخ والبط . .
#ارز
🍚🍚- الأرز والمحاشي اكشفي الغطا بعد ما يستوي عشان يبقى مفلفل ميعجنش .
#بفتيك
- وأنتِ بتحمرى البفتيك حطي ملعقة زبدة مع الزيت هيبقي حلو اوى وزي المطاعم
#زبادي
❤-ملعقتين زبادى فوق الرز المعمر هيبقى جنان
#مواعين
❤- شوية خل فى مياه غسيل المواعين بتفرق كتير بتمنع التصاق الصابون بالاطباق وبتنضف وتطهر وتلمع المواعين
#مطبخيه
❤- لو عندك كاتيل استانلس اغلي فيه مياه وخل وابعدين اغلي مياه فقط حينضف ويبقي بيلمع
#مطبخ
❌- اللحمه بيتحطلها ملح عادي ف اول التسوية لان غير كده مبتكونش الطعم احلي حاجة
#مكرونه
❌- مانحطش زيت واحنا بنسلق المكرونة هنستخدمها فى بشاميل أو وايت صوص عشان بيزحلق الكريمة من على المكرونة 👌
#مهم
❤- البصل الأبيض للطبخ والأحمر للسلطات والساندوتشات

❤- نضيف على عصير الليمون في الخلاط ربع كوبايه لبن بيبقي تحفه

❤- الطماطم بعد ما تتعمل بالخلاط بتتصفي من القشر والتفل بتبقي مختلفة تمامااااا .. كمان مريحة للقاولون👌وانتى بتشوحى الرز ضيفى مع السمنة حبة زيت هيخلى مفلفل وبيلمع👌😋لايك ومتابعة وشير وكومنت حلو زيك ياقمر عشان الكل يستفاد
وصلو علي النبي عليه أفضل الصلاة والسلام 😍😍😍

26/03/2024

#معلومه تخزين_الثوم هو ده وقت التخزين
ازاي تحافظي علي الثوم عشان ما يفضاش ويبوظ وازاي تعملي التوم البودره كمان✅

الطريقه الأولي ✅
هنقشر التوم بتاعنا ياست الكل فصوص سليمه ونحطه في برطمان زجاج ونغطيه بالزيت وتشيليه في التلاجه وبس كدا بس تعالي اقولك بقا الزيت دا اوعي ترميه هنستخدمه في الطبخ بتاعنا عااادي خالص بالعكس كمان له نكهه مميزه وفوائده عديده جدااا

الطريقه التانيه✅
ممكن نفرم التوم ومعاه معلقه ملح ومعلقتين زيت يتقلب في بعضه وفي اكياس أو علب تلاجه وع الفريزر ويبقا توم متفرز

✅وممكن كمان تعملي توم بودره ✅
هنقطع التوم شرائح ونسخن الفرن ونفرش التوم علي صينيه تكون بتدخل الفرن واول ما الفرن يسخن نطفيه وندخل التوم علي الحراره والصهد عشان ينشف من السوائل اللي فيه ولما يبرد خالص نضربه في الكبه وبقا عندك احلي توم بودره مركز وبيور ونكهه وريحه

✅طريقه كمان✅
تخزني التوم بقشره في علبه أو كيس تلاجه في الفريز ولما تحتاجي طلعيه بيكون سهل في التقشير وجميل
اذكروا الله وصلو علي النبي لعلها المنجيه

26/03/2024

#نصائح #منزليه ❤
افكار سهله:
للست البيت واخواتي في الله 👌👍👏
======

🎀فكرة وضع الخل مع سائل غسيل المواعين بيعطيها لمعان رائع
❤❤

🎀مسح #الابواب بخليط #الديتول مع الداونى وادعولى
❤❤

🎀الخل مع #الملابس البيضا وهتلاقيها منوره ع الحبل بس انقعيها مع #الاريال ونص كبايه خل ومن غير كلور
❤❤

🎀تنظيف حوض المطبخ باريال مع ماء وبعدين افتحى حنفية المايه السخنة عشر دقايق هتلاقيه بروبروق
❤❤

🎀لو حوض #المطبخ اتسد نحط ف البلاعه ملح خشن وبعدين مايه
❤👍 سخنة
❤❤

🎀بالنسبه لتنضيف #الشبابيك والشيش بتوع البلكونات خدى منى بقي الفكرة دى ازازة الكاتشب اللى بتبقي ببوز تحطى فيها #الخلطه اللى هتغسلي بيها الشيش سواء كانت اريال او اى حاجه متعوده تغسلي بيها وتصبى منها من البوز ع الشيش وهتلاقيه بينضف بدون اى تعب وبعدين اشطفيها بالمايه بنفس الطريقه ولو معندكيش ازازة #الكاتشب دى ممكن بازازة الفيري برضو ببوزها بنفس الطريقه
❤❤❤❤❤

🎀بقع الحبر ع الملابس بتروح بكل سهوله لو دعكتيها بديتول غير مخفف
❤❤❤

🎀تعطير #البيت ممكن تحطى اى زيت عطري ع السجاد قبل الكنس ولما تكنسي هتفوح الرائحه ف كل البيت
❤❤❤

🎀الفحم ف #الثلاجه بيشفط الروائح
❤❤❤

🎀حطى شويه كربوناتو ف قعر سلة #الزباله مش هتشمى اى ريحه ف الباسكيت خالص وعلى فكرة الكربوناتو ليها #استعمالات كتير اوى هبقي انزلكم فوائدها عايزه بوست لوحدها
دعوة حلوه ومتنسوش تصلوا علي الحبيب
❤❤❤❤

21/02/2024

السلام عليكم ورحمة الله وبركاته
كل عام وحضراتكم طيبين وبخير
بلغكم رمضان وانتم في احسن حال لا فاقدين ولا مفقودين

18/11/2023

بسم الله توكلنا علي الله
بشرة خير لتوريد الخضار والفاكهه للفنادق والمطاعم الكبري والشركات فرز درجة ممتاز
للتواصل من خلال المدير المسئول علي رقم
01027375157

15/10/2023

شرفنا التعامل مع حضرتك يافندم ونتمني دوام التعامل الطيب

10/10/2023

انسي هم مشوار السوق عشان الخضار والفاكهة دلوقتي هيوصلك متغلف ومتنقي بالواحده
1557252688