حكاوي اهالينا

حكاوي اهالينا 🤍🩷

09/02/2026

انا مش قادرة احس بحاجة غير الغضب الصافي
شوفت فديوهات بنت اتعرضت لتحرش مصوراها للمتحرش وهي بتشتمه وبتقول انه اتحرش بيها وسرقها والاتوبيس من الزوايا اللي هي مصوراها مليان ستات ورجالة بمختلف الاعمار شباب ورجالة كبيرة محدش هاين عليه ينصفها بكلمة وسايبنها تصوت وصوتها يتنبح
وكل اللي نطق من الرجالة بيزعقولها انه ملمسهاش منغير ما يفهموا حتى الموقف
والمتحرش لما نطق وزعقلها وبيشتمها وبيقولها بصي للبسك الرجالة ماسكينه وبيهدوه وبيحوشوه كأنه ضحية وبيخبوه منها عشان متصورهوش !
انا فمرة هموت من الحسرة بسبب البلد دي واللي فيها ورجالتها

تعالى احكيلك حكايه الراجل ده بمناسبة حصوله على الإعـ.. دام، تعالى احكيلك القصة كاملة..الشاب أبو چاكت بُني دا، شاب عادي ع...
06/02/2026

تعالى احكيلك حكايه الراجل ده

بمناسبة حصوله على الإعـ.. دام، تعالى احكيلك القصة كاملة..

الشاب أبو چاكت بُني دا، شاب عادي على باب الله من الشباب الشهمة المُنتشرة حوالينا في كل حته، إللي تلاقيهم طول الوقت يكلموك عن الرجولة والدين ورصيد الستر، ولما يلاقي واحدة منزله صورتها عالنت ولا ماشية في الشارع، بيقولها لفظ ابـ. يح، ولا واحد بيعا. ني من مشكلة ولا واخد باله من نفسه او بيمدح في أنثى، يقوله استر.. جل ولا اولويز وكده.. شاب عادي يعني من الفئة الكاسحة، شغال على توكتوك في قرية الراهب، التابعة لشبين الكوم في المنوفية، متزوج ومخلف طفلين (جنى 6 سنين، عبدالله 4 سنين).

جنى واخوها عبدالله مع بنت عمهم مكة كانوا في درس في قريتهم وراجعين عادي زي كل يوم متأخر، بس الفكرة إنه عدى ساعة وأكتر على ميعاد رجوعهم ومظهروش، ودا طبعًا أثار خوف واستغراب أمهم وإللي بلغت أبوهم إللي كان بيرجع من بره كل يوم متأخر بسبب ظروف شغله.. والاتنين بصحبة جيرانهم ونص اهل القرية بيدوروا عالاطفال وينادوا في الميكروفونات والمساجد، ونزلوا الشوارع في كل حارة وبيت بيقلبوه عشان يلاقوا الـ3 أطفال وإللي كان من ضمن اللي بيدوروا، هو الشاب الجميل إللي على خُلق ورمز للرجولة والشهامة أبو تيشرت رمادي دا، وإللي كان صديق قديم وحميم لوالد الطفلين!

بالصدفة بيدوروا في أحد البيوت المهجورة وإللي اتضح إنه ملك جدة ابو تيشرت رمادي دا، لقوا عبدالله الصغير مربـ. وط بإيشارب من رقـ.. بته، وجمبه چنى اخته ومكة بنت عمهم، والتلاتة جُـ.. ثث ها. مدة! وطبعًا الأب بمجرد ما شاف المنظر، الله يعينه بردو انفجـ. ر في الصر. اخ، وأهل القرية كلها مع الأم تجمعوا، والشرطة جات وبقى خلاص رسمي في جر. يمة.

في خلال 5 ساعات، كانت الشرطة تمكنت من حل اللغز والموضوع كله، وتتبعت الكاميرات والشهود بداية من الطفـ. لة زميلتهم إللي قالت أخر مرة شافتهم فين، وبعدين تسجيل الكاميرا إللي جابت جنى وعبدالله وهما راجعين وخلفهم مكة بنت عمهم ماسكين في أيد بعض، والشاب ابو تيشرت رمادي في الخلفية ورا خالص على عجلته ماشي وراهم يشوفهم رايحين فين، لغاية ما وقف اتكلم معاهم في حاجة، وبعدين اتحركوا الأربعة تجاه البيت المهجور إللي اتوجدوا فيه.

الشرطة طبعًا بحثت عن الشاب أبو تيشرت رمادي وجابته، وهو لوحده من الخوف اعتـ. رف على كل حاجة قبل ما يرجع يغير اقواله تاني طبعًا بعد كلام المحامي، بس في النهاية بدون أدنى فائدة.

الشاب قال إنه بالفعل فضل متربص للأطـ. فال وهما خارجين، وكان مبيت النية على فعلته دي، ولما قربوا من بيت جدته، قرب منهم وقالهم تعالوا هجبلكم حاجة حلوة وشيبسي، فسمعوا كلامه بما انه جارهم وصديق أبوهم وراحوا معاه، حاول يبعد مكة بنت عمهم ويخليها تروح على ما ينفذ فعلته، لكن فضولها كطفلة للأسف كان سبب في نها. يتها، فلما شافته وهو بيعمل كده في ولاد عمها، خاف لتفضـ. حه وتقول عاللي عمله، فللاسف ألحقها بيهم.

وبعدها تركهم زي ما والدهم لقاهم، وخد عجلته وعمل نفسه بيدور مع اهالي الأطفال وباقي القرية، وهو بيبكي وبيتشحتف على اختفائهم وبيقول يارب خير، رجعهوملنا بالسلامة.

الشرطة سئلته، ايه الدافع بتاعك لعمل كده؟!

قالهم أنام كنت غضبـ. ان جدًا ومتضايق من أبوهم، وحبيت احـ. رق قلبه على أكتر حاجة بيحبها وبيهتملها.. طب ليه يعني واشمعنى! عملت كده ليه وضايقك في إيه!

قالهم عشان سابني وبعد عني، وأنا كان لا يمكن ابعد عنه وبالفعل هـ. دد قبل قدام مجموعة من اصدقائهم إنه لو مرجعلوش، هيمـ. وته يا نفسه!.. يقصد مين؟!

يقصد أبو الرجولة كلها، أبو الأطفال!

الأتنين جمعهم علاقة عاطفية جسـ. دية لمدة تجاوزت السنة، والقا. تل معروف في المنطقة بيموله دي وممارساته، وعلى مايبدو إنه ابو الأطفال قرر إنه مش عايز يكمل معاه في الريليشن شيب دي، بس القا. تل كان لسه معجب ولهان، فرفض الموضوع وقرر الانتـ. قام وحصل اللي حصل.

دا كان الاعتراف الأساسي اللي طلع منه، وأكد عليه أبو الاطفال بكل أريحية، لكن بعد كده لما الدوشة زادت واتضح إنه السُمعة دي هتطول أقاربهم واهل بيتهم ومش هيقدروا يكملوا في البلد، غير الأقوال وقال لأ، دا كان في بينا مشاكل مالية بسبب مكنة ولا قسط توكتوك، ومش عارف فلوس تليفون شاريه وهكذا، لكن طبعًا مكنش في أدنى أساس للإدعاء دا، خصوصًا إنه دي بيقولوا عليها جر.. يمة كراه.. ية، يعني الدافع فيها بيكون عاطفي، مش مادي.

اتعرضوا عالطب الشرعي الأتنين ومعرفش السبب بصراحة وهيفرق في ايه، بس اتضح إنه مفيش اي علامة على حدوث إيـ. لاج مؤخرًا، ودا لا ينفي حدوثه في العموم في مرات سابقة، او إنه حصل بالتراضي عادي بدون استخدام القـ. وة! بالإضافة لكلام الأب السابق انه بالفعل كان في شيء يجمعهم وهو توقف عنه واللي أكد الرواية القا.. تل!

أولى جلسات المحا. كمة كانت إمبارح تقريبًا، وخد تحويل للمفتي من أول جلسة ونتمنى تكون الأخيرة لأنه مـ ثْل بيهم، مش مجرد انهـ. اهم.

ويبقى أكتر شخص اتظـ. لم في كل دا، هي الأم الغلبانة إللي فقدت كل حاجة في يوم واحد.. فقدت أطفـ. الها الأتنين قرة عينها.. فقدت زوجها، مش بالمعنى الحرفي، ولكن هتكمل معاه ازاي لما تعرف إنه إللي كان بيجي ينـ. ام جمبها أخر كل يوم وأبو اطفالها، كان بيفضّل يشبع رغـ.. باته مع حد تاني وهي على ذمته، وكمان يطلع را.. جل!.. فقدت منظرها قدام الناس واهل القرية والجيران، والضغط النفـ. سـي اللي هتعيشه بعد كده مع اي حد يقربلها ولا يعرفها حتى لما يعرف حقيقة اللي حصل! هتكمل إزاي دي من غير دعم نفسي، وطبيعي في القرى للأسف مش موجود، بل بيحصل بشكل عكسي.. بيبقى هدم.

الله يعينها ويصبرها، ويرحم الأطفال.

04/02/2026

فاضل ايام قليله على اجمل شهر في السنه 🌜

Address

Cairo

Website

Alerts

Be the first to know and let us send you an email when حكاوي اهالينا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category