06/02/2023
تعرف ان الاسبريسو هو اساس اي مشروب
قهوه في الكافيه ☕
الايطاليين كالعاده هما اول ناس اخترعوا الطريقه دي في تحضير القهوه و هي ببساطه انك بتطحن القهوه طحنه اخشن من التركي شويه و بتتحط في باسكت في فتحات صغيره جدا ممكن تعدي السائل لكن مش هتعدي اي بواقي قهوه مطحونه.
و بعد كده القهوه بتتعرض لمياه ضغطها مش اقل من ٩ بار فبالتالي بيتم استخلاص كل الزيوت و الاحماض و السكريات و الكافين اللي في الحبوب القهوه المطحونه.
نتيجه الضغط ده بتتكون طبقه من الفقاعات الصغيره جدا و دي بسبب ان غاز ثاني أكسيد الكربون اللي جوه الحبوب مع الضغط بيخرج للاكسجين اللي في الجو و بيكون طبقه الكريمه اللي بتميز مشروب الاسبريسو ❤️
و علي فكره الكريمه دليل علي ان التحميص تاريخه حديث و مش بالضروره دليل علي جوده القهوه.
باسكت الاسبريسو بيكون حوالي من ١٤ ل ٢٠ جرام قهوه حسب نوع الباسكت و حجمه و بيستخلص منه اسبريسو بنسبه من ١:٢ او من ١:٢.٥ و لو استخلصت نسبه من ١:١ بيكون عندك شوت اسبريسو مركز اسمه رستريتو.
لو خلطت الاسبريسو بمياه سخنه يبقي امريكانو
و لو خلطت الاسبريسو بلبن و فوم يبقي كابتشينو او لاتيه او فلات وايت حسب نسبه اللبن و الفوم للقهوه و عدد الشوتات و ده هنتكلم عنه مره تانيه.
حاجه اخيره عاوز اقولها ان مشروب الاسبريسو مش مره 😁 و لو كان مر اوي زي اللي بتشربه في الكافيهات يبقي بايظ و مش معمول صح.
عشان كده احنا جهزنالك بن LIMU Espresso الطعم الأصلى للاسبريسو عشان تقدم لعملائك أفضل شوت
متاح توصيل ل أي مكان في مصر 🏍️
للتواصل على رسائل الصفحه 📩
او واتس آب على الرقم التالي⏳ : 01554171531
#اسبريسو
#قهوه
