المقاطعه العالمية للمنتجات الصهيونيه وبدائلها

  • Home
  • Egypt
  • Cairo
  • المقاطعه العالمية للمنتجات الصهيونيه وبدائلها

المقاطعه العالمية للمنتجات الصهيونيه وبدائلها السلام عليكم ورحمه الله وبركاته // هذه الصفحه هي اداه اخري لمحاربة المنتجات الصهيونيه

05/11/2024

كامالا هاريس هتكسب الرئاسه وهيتم في عهدها حرب نوويه طبقا لمخرج مسلسل الكرتون سيمبسون🫵

05/11/2024

ها نحكي حكاية صغيرة.. قديمة جدًا وما لهاش أي علاقة بالحاضر...

(لكن لو لقيتو أي تشابه بين أحداث الماضي وما يحدث في الحاضر فهو تشابه مقصود ومقصود جدًا...)

زمان من ألف سنة تقريبًا أو تحديدًا سنة 1096 حصلت معركة كبيرة في القدس بين السلاجقة المسلمين والفاطميين المسلمين برضو..

يمكن دول سنة ودول شيعة لكن الاتنين كانوا بيهتفوا "لا إله إلا الله" وبيكبروا قبل ما يدبحوا بعض... انتهت المعركة وانسحب السلاجقة والقدس أصبحت في عهدة الفاطميين...

بعدها بكام سنة صحيت القدس على حصار مجموعة من الرعاع بتتستر بسم الصليب.
كانوا رعاع فعلاً وجعانين ومرهقين لدرجة إنهم كانوا بياكلوا الجيف والكلاب أثناء حصارهم للقدس 40 يوم، إلى أن يأس الصليبيين واشرفوا على الهلاك وقرروا الانسحاب...
لكن يتفاجئوا إن أبواب المدينة بتفتح والحامية الفاطمية بتسلم بشرط...

إيه الشرط؟ الشرط إن الجنود الأشاوس يضمنوا سلامتهم لغاية مصر... وبس؟!!!!
وطبعًا وافق الصليبيين على الشرط فورًا وأمنوا طريق آمن للجنود العظام وضباطهم ويمكن باسوهم من خشمهم وهما خارجين...
وبعدها استفردوا بالمدينة... مذبحة رهيبة طالت المسلمين واليهود والمسيحيين الأرثوذكس كمان...

طبعًا مرحموش لا صغير ولا كبير، كأنهم كانوا بيحاولوا يدخلوا موسوعة جينيس لأكبر مجزرة بشرية. ولما وصلوا للمسجد الأقصى، خلوه اصطبل لخيولهم ودنسوه بكل الطرق. وطبعًا مؤرخينهم وقتها كانوا بيفتخروا إن الدم في المكان وصل لرُكب الخيل بتاعتهم – طبعًا دي كانت حاجة تثير فخرهم أيامها...

بعد المذبحة بدأ الصليبين يخططوا "للاستيطان" والتوسع... طبعًا الفاطميين فعليًا ما سكتوش.. هما بعتوا للصليبيين مرسال شديد اللهجة إنهم يسيبوا القدس.... وفي المقابل الفاطميين هايساعدوهم في احتلال باقي الشام من إيد السلاجقة عدوهم المشترك ...

طبعًا الصليبيين رفضوا لأسباب دينية (ماهو ما ينفعش أعمل حملة ولم عساكر وفلوس ودهب بالهبل لتحرير القدس وعند أول محطة أسيبها وأخذ دمشق ولا حلب.. الحطابين في الجبال والعجائز حول المدفأة هايكلوا وشهم )...

طبعًا الخليفة المستعلي ووزيره الأفضل لما فشل الصلح قرروا الهجوم.

فعلاً جيوشهم وصلت عسقلان (جنب غزة) وانهزموا هزيمة منكرة... وبعد عدة معارك هزيلة وفاشلة قرر الفاطميين يخلوهم في حالهم عشان اكتشفوا إن الصليبيين دول جماعة شرانيين، ولو استمرت الهزائم مش بعيد ياخدوا منهم القاهرة... فقرروا يعملوا هدنة حلوة مع الصليبيين و"معاهدة سلام" تتيح علاقات سطحية مع حرية كاملة للتجارة... وشكرًا...

طبعًا سقطت عكا وحيفا ويافا وغيرهم من مدن فلسطين ولبنان حاليًا.. وقبلهم أنطاكيا والرها...

طيب في حد ذكي ها يسألني طيب الفاطميين الشيعة باعوا القضية وعملوا هدنة...

طيب فين بقيت المسلمين؟؟
وفين ملايين من أهل السنة المؤمنين.. أكيد هايكلوهم أكل...

أحب أقولك إن الخيبة كانت أكبر...

الخليفة العباسي المستظهر بالله كان فعليًا "شرابة خرج" في إيد السلاجقة الحكام الفعليين للأمة... والسلاجقة في الفترة دي كانوا في صراعات داخلية بعد موت الحكام العظماء زي الب أرسلان وملك شاه وتولي حكام على ما تفرج...

وانقسم الشام مثلاً لعدة (أمارات) وطبعًا كل أمير في تلك (الإمارات) كان بينافس أخوه أو ابن عمه عشان يستقر في إمارته...

وكان كل واحد على استعداد يحط إيده في إيد الشيطان نفسه عشان يفضل على الكرسي... وطبعا كان جمبهم شيطان جميل وأشقر وجاهز...

أيوه زي ما توقعت بالظبط.. الصليبيين... اتعاون الأمراء واحد ورا التاني في معاهدات علنية أو سرية مع الصليبيين زي مثلاً:

أمير حلب، رضوان بن تتش ابن ألب أرسلان

دقاق بن تتش ابن الب أرسلان

ظاهر الدين طغتكين أمير دمشق

أمير طرابلس فخر الملك بن عمار

وغيرهم وغيرهم...

طبعًا الصليبيين أصبحوا آمنين من الجهتين الفاطميين والسلاجقة...

لكن في وسط هذا السلام الجميل، والصافي يا لبن حليب يا قشطة...

لازم يظهر هادم اللذات ومفرق الجماعات.. حد ينغص على هؤلاء المسالمين والمهادنين حضنهم الدافي .. تحت شعارات الجهاد والمقاومة وتحرير الأرض والقدس لنا.. والكلام الي زي كده.

وهنا يظهر ويلمع اسم.. الأمير شرف الدين مودود بن التونتكين...

الأمير مودود كان أمير الموصل "في شمال العراق حاليًا" وما كانش عاجبه الحال المايل وأعلن من أول لحظة الجهاد والمقاومة...

وبالفعل تجمع معه عدد قليل من المجاهدين والأبطال وبدأ يهاجم الصليبيين في معارك صغيرة والغريب إنه كان بينتصر...

طبعًا ده أحرج موقف باقي أمراء الشام اللي اضطروا أحيانًا لمشاركته تحت ضغط شعوبهم...

واستمر الحال معركة يساعدوه ومعركة يتخلوا عنه لحد ما الراجل بدأ ييأس...

لكن كان عنده أمل أخير يجمع الجيوش تاني بمساعدة صديقه طغتكين حاكم دمشق وقرر يقضي الشتاء عنده في دمشق ويجمع حولهم الأمراء...

وفي يوم بعد ما صلوا الجمعة مع بعض وماشيين في صحن المسجد إيدهم في إيد بعض.. تعبيرًا عن الصداقة والوحدة الإسلامية الجهادية...
فجأة ينط واحد من الحشاشين الباطنية (أيوه هما بتوع كريم عبد العزيز) ودول في الوقت ده كانوا بيقتلوا بالأجرة (هيت مان يعني)...

وبالفعل يطعن الأمير مودود طعنة قتلته على الفور، والأمير طغتكين أول لما يمسكوا القاتل يطلع خنجره ويدبحه أمام الجميع، ويأمر بحرق جثته انتقاما لصديقه...

طبعًا كلكوا أكيد عرفتوا مين اللي حرض عليه وقتله.. الصليبيين أكيد...

لا للأسف الصليبيين طلعوا براءة.. لأن اتعرف بعد كده إن القاتل هو الأمير طغتكين نفسه وبمباركة من باقي الأمراء اللي مش عايزين وجع دماغ ووقف حال وبوظان مصالح...

وبالفعل يموت أول صوت مقاوم مجاهد ضد الصليبيين وكان يومها حقيقي يوم أسود على المسلمين

لدرجة إن الإمام ابن الأثير قال : "حدثني والدي رحمه الله أن ملك الفرنج كتب إلى طغتكين كتابا فيه: «وإن أمة قتلت عميدها، يوم عيدها، في بيت معبودها، لحقيق على الله أن يبيدها». تخيل يا مؤمن.. ملك الصليبيين بذات نفسه.. ما عجبوش الغدر والخسة بتاع حكام المسلمين وكان ناقص يحسبن عليهم (بيفكرني بأفيخاي)...
وطبعًا زي ما كان نواح وسواد على الأمة كان احتفال للامراء والمنافقين والمتعاونين وال mbc طبعًا...

وما أشبه اليوم بالبارحة...

بس هل المقاومة انتهت بموته وانتهاء الجهاد وقتها ؟؟؟
.. مودود كان له صديق وقرين في الجهاد وهو آق سنقر الحاجب اللي برضو اتقتل على إيد الأمراء المسلمين المسالمين للصليبيين...

لكن استمر الجهاد في ابن آق سنقر.. الأمير عماد الدين زنكي ثم في ابنه نور الدين محمود وجيل كامل من المجاهدين زي نجم الدين أيوب وأسد الدين شيركوه وتوج جهادهم بفتح القدس على إيد صلاح الدين الأيوبي. اللي فتحها بعد 88 سنة من الاحتلال.

وزي ما قلتلكم أي تشابه بين أحداث الماضي وما يحدث في الحاضر فهو تشابه" "مقصود جدًا..." "

18/10/2024

الاعلام والصحف الإسرائيلية بيشرحوا الواقعه ... السنوار هوا وتلات افراد من حماس من بدا بالاشتباك معهم .. (يعني مكنش مستني انكم تقبضوا عليه ) اصاب واحد والباقي هربوا زي الفراخ ... بعد كدا دخلوا الدبابات علي بعد 500 متر يا مؤمن ..اشتبك معاهم هو و3 جنود فقط لحد لما خلص كل الذخيره قنابل وطلقات كل ذخيرته نفذت واتصاب في ايده
بعتوله كواد كابتر (طياره مسيره ) لقي خشبه راح راميها علي المسيره (خشبه يا مؤمن ) مصاب وذخيرته خلصت وتقطعت كل السبل بيه وكان بيحارب بخشبه ..هما خافوا من الخشبه ضربوا تاني بالدبابات واكتشفوا تاني يوم ان ده كان يحيي السنوار ..
اي بطولة واي شرف كنت قائدا لحماس وعندما مت اصبحت ملهم للعالم وقائدا لامة .
الصحف الإسرائيلية انهارده بيقولو انهم وقعوا في خطا فادح لما طلعوا التفاصيل وانهم عرفوا العالم وخلقوا اسطورة بغير قصد .. انا كمان قلت امبارح ( وتمكرون ويمكر الله والله خير الماكرين )

17/10/2024

ستوب .. وقف يبني ... مينفعش يافندم احنا لايف .. ومين الي قال اننا نعمل لايف .. محدش قال الكاميرا عملت كدا لوحدها .. قدر ..
قدر قدر يخلي موت قائد عظيم في ملحمه اسطورية رسمها علي مدار عام ويزيد في محاربة الطغيان مدافعا عن شرفه وبلده وارضه وعرضه ودينه في مشهد لو كان الف سيناريو والف مخرج واقفين عليه مش هيعملوا اجمل منه ..
مشهد واحد كان بيجسد خضوع حكام كل العرب والعروبه ونزاهه وبطولية ترسم وتحكي لالف عام ..
مشهد باراده ربنا يطلع من الد اعدائه وبصوره غوائية يكشف بيه للعالم كله كذبهم وقد ايه هما مضللين ..
مشهد واحد يخليك تقف وتفكر الف مره وتعرف يجد مين اللي علي حق ومين اللي علي باطل ..
مقتل يحيي السنوار بالطريقه دي نشوفه في اي مكان في الدنيا او يحكي عنه في اي مكان في الدنيا يعرفك ايا ما كنت مين ..مين علي حق ومين علي باطل ..
مشهد حقيقي كنا بنسمع عنه في ابطال اسطوريين سبقونا بالاف السنين وكنا بنقول مفيش زيهم تاني في الدنيا بس ربنا بيقولك فيه كتير ..
يحيي السنوار مكنش مستخبي في الانفاق يا صهاينه ..
يحيي السنوار مكنش واخد الرهائن حواليه ومفخخهم عشان محدش يقرب منه ..
السنوار مكنش مستخبي في قطر ولا في ايران ولا مصر ..
السنوار مكنش بعيد عن اهل غزه العزه .
السنوار وهو في اعلي مراتب للحركه كان في وسط الجنود وفي وسط اهل غزه ماسك رشاشه وبيحارب ..
مات وسلاحه علي كتفه في وسط اهله وفي وسط ناسه
نحتسبه عند الله شهيد
السنوار لم يكن يدعي ما كان يقول ولكنه كان مؤمن بيه .
كان قائد عظيم في زمن خسيس .
السنوار مات زي جيفارا ومات زي عكرمه ومات زي اخر ساموراي ومات زي اكبر الابطال الذين يخلدهم التاريخ ويخلد ذكراهم ..
السنوار مات وهو بيدافع عن مبادئه وشرفه وعزته في وقت ما فيه نعام كتير اوي دافن راسه في الرمل ..
السنوار ارجل من ارجل واحد بيتكلم باسم العروبه دلوقتي ..
ويشاء ربنا ان اعلان موته علي يد اعدائه يكون بالطريقه دي سبحان الله (ويمكرون ويمكر الله والله خير الماكرين )
ربنا قال في كتابه العزيز ( وَقَالَ رَجُلٌ مُّؤْمِنٌ مِّنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَن يَقُولَ رَبِّيَ اللَّهُ وَقَدْ جَاءَكُم بِالْبَيِّنَاتِ مِن رَّبِّكُمْ ۖ وَإِن يَكُ كَاذِبًا فَعَلَيْهِ كَذِبُهُ ۖ وَإِن يَكُ صَادِقًا يُصِبْكُم بَعْضُ الَّذِي يَعِدُكُمْ ۖ إِنَّ اللَّهَ لَا يَهْدِي مَنْ هُوَ مُسْرِفٌ كَذَّابٌ) صدق الله العظيم ..ان الله لا يهدي من هو مسرف كذاب ... كل كذاب وكل من افتري علي الله سيحاسب والله لا يهديهم ونصر الله قريب جدا باذن الله ..
ان مات السنوار ...
فكلنا #السنوار ..
اللهم اني ابرأ اليك من حكامي وابرأ اليك من افعالهم وابرأ اللهم ولي علينا من يخافك ويخاف دينك وينصره ويعز المسلمين ..
اللهم اجعلني جندا في قتال اهل الباطل وتوفني مستشهدا ..

هذا ليس بنعي ..
قال تعالي {وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ}
صدق الله العظيم

Address

Cairo

Website

Alerts

Be the first to know and let us send you an email when المقاطعه العالمية للمنتجات الصهيونيه وبدائلها posts news and promotions. Your email address will not be used for any other purpose, and you can unsubscribe at any time.

Shortcuts

Share

Category