وصفات و أكلات

27/05/2026

24/05/2026

الكوارع المصرية
المقادير اتنين كورع بصلة كبيرة حبهان ورق لورى قرفة فلفل بهار ملح و ليمون و خل
الطريقة تقطع إلى قطع صغيرة وبعد أن تنضف تماما توضع فى ماء مغلى ويرفع الريم كل مايتكون إلى أن ينتهى تماما ثم إضافة ماء مغلى نظيف وبقية المقادير من البصل وكافة البهارات وتظل على النار وتزود بالماء المغلى إلى أن تصبح سهلة التقطيع وتوضع فى طبق التقديم وتقدم الشوربة بمفردها
نصائح يجب أن تكون الكوارع صغيرة بتلو اوكندوز وتشترى بالكورع وتكون منظفة تماما عند الشراء يمكن تغير الميه عند تكون الريم لضمان عدم زفارتها لا تضاف البصلة ولا البهارات الا بعد انتهاء الريم تماما ويمكن إضافة فص توم ومن الافضل والاسرع تتعمل ف الحلة البرستو
وبالهنا وادعووولى وتقدم مع الفتة وصلوا على النبى الكريم

23/05/2026

📌أقسم بالله من أسهل وأنجح طرق الزبادي اللي جربتها كانت في الـ Air Fryer 😭❤️
ومن غير ماكينة زبادي ولا فرن ولا أي تعب!

كل اللي بعمله 👇
بلتر لبن مغلي وسيباه يبقى دافي زي دمعة العين
وبحط عليه:
🥄 علبة زبادي صغيرة
🥄 ربع أو نص معلقة صغيرة سكر
🥄 وممكن معلقة لبن بودر لو حبيتي القوام أتقل (بس بصراحة مش أساسية خالص)

وبعدين أضربهم حلو جدًا بالهاند بلندر عشان القوام يطلع ناعم وتحفة 👌

أصب في البرطمانات وأغطيها
ولو مفيش غطا عادي جدًا نحط طبق فوقهم

وندخلهم الـ Air Fryer على أقل حرارة عندك
سواء 40 أو 50 أو حتى 80 لو دي أقل حاجة موجودة

نشغلها 10 دقايق أو ربع ساعة بالكتير
وبعدين نطفي الـ Air Fryer خالص ونسيبها مقفولة 6 لـ 8 ساعات من غير ما نفتحها 🙈

وبعدها التلاجة…
وأقسم بالله أحلى زبادي كريمي وطعمه خطير 😍

ملاحظات مهمة ✨
✔️ اللبن لازم يكون دافي مش سخن قوي
✔️ ما تفتحيش الـ Air Fryer أثناء التخمير
✔️ كل ما اللبن كان كامل الدسم النتيجة تطلع أحلى وأتقل
✔️ دخليه التلاجة شوية قبل الأكل عشان يمسك نفسه

الايرفراير دي بقت حياتنا كلنا🥹♥️متنسيش تصلي ع سيدنا محمد وتحطي لايك للبوست ي ست الكل♥️

21/05/2026

اسهل طريقة للقضاء على الحشرات والناموس
ناس كتيير عندهم حساسية ولا يستطيعوا رش الحشرات فاليكم هذه الطريقة السريعة والناجحة
نحضر زجاجة ونقطعها ثم نضع الجزء المقطوع بالمقلوب ونضع ف الزجاجة معلقة خميرة فورية مع معلقة سكر مع بريل مواعين وقليل من المية وحتنبهروا من النتيجة الفورية
وادعووولى وصلوا على النبى الكريم

20/05/2026

🥖🔥 طريقة عمل الرقاق الطري على البوتاجاز… زي الجاهز بالظبط وأطـرى كمان 😍
من غير فرن ولا تعب، وبيطلع خفيف وطري ويفضل معاكي زي الفل 👌✨

📌 المقادير:
4 أكواب دقيق
3 ملاعق كبيرة سمنة سايحة 🧈
ماء للعجن
رشة ملح
رشة سكر

👩‍🍳 الطريقة:
في بولة كبيرة نحط الدقيق مع الملح والسكر ونقلبهم مع بعض 👌

بعدها نضيف السمنة السايحة، ونبدأ ننزل بالمية بالتدريج لحد ما تتكون معانا عجينة طرية وناعمة ومش بتلزق ❤️

مهم جدًا نعجن كويس لمدة لا تقل عن ٥ دقايق… دي سر إن الرقاق يطلع طري وحلو 😍

نقسم العجينة لكور صغيرة ونغطيها ونسيبها ترتاح شوية ✨

بعدها نفرد كل كورة بالنشابة لحد ما تبقى رفيعة.

نسخن طاسة كويس جدًا ونحط الرقاق عليها دقيقة تقريبًا لكل وش لحد ما يستوي وياخد نقط خفيفة 🔥

وأول ما يطلع من الطاسة نغطيه بفوطة نظيفة عشان يفضل طري ومينشفش 👌

ينفع للحادق والحلو وكمان يتخزن في الفريزر 😋

وبالهنا والشفا يا حبايب قلبي ❤️
ومتنسوش تصلوا على النبي وسيبي كومنت بتم علشان يوصلك كل جديد 🧡🦋 منقووول

19/05/2026

اسباب كمكمه ريحه شقتك ممكن تكون:
**الشقه متقفله ابواب وشبابيك وستاير بحجه انك خايفه التراب يبهدلها 😒
**عندك اطفال مبيبطلوش دلق ف الميه ع السجاد والانتريه😞
**بتمشو بشبشب الحمام ع السجاد 😔
**السجاد والستاير والاتنريه متغسلش من العيد اللى قبل قبل اللى فات 😤
**القل والشوى والتحمير طووول اليوم والشفاط مقفول 😠
**عندك اطفال بيلبسو حفاضات وسله المهملات بتنسى ترميها اول باول
**المفاجاه ...بتنشرى هدومك جوه البيت 😨 يعنى حتى مش فى منشر داخلى!
***المفاجاه التانيه ..بتستعملى معطرات الجو بكثره ومبالغه!
اللى عنده سبب او اتنين من دول يرفع ايده 🙋
متزعليش ركزى فى الكام نصيحه دى وشقتك ريحتها هتبقى طبيعيه
1- اول ما تصحى من النوم ويوووومييييا تفتحى كل شباك وكل باب فى شقتك
حتى لو بتصحى العصر !افتحى برده كل حاجه ع الاقل 3 ساعات
(على الاقل يعنى الاكثر افيد ) ليه بقى ؟؟
لان التنفس اثناء النوم بيعمل ابخره 😳 تخيلى بقى
ابخره كل يوم لما بتتراكم طبيعى تعمل ريحه وبتعمل بصمه كمان بريحه معينه وثابته 😞
2-بعد ماتفتحى كل الشبابيك والابواب تقفلى شباك المطبخ وتفتحى الشفاط
ايه ده ايه العلاقه ؟!
الشفاط لو بعمل اكل بس 😒
لا انتى غلط 😌
الشفاط وسيله تهويه عكسيه يعنى بتسحب اى ريحه سواء دخان او ابخره او ريحه مكمكمه
ومعظم الناس مش بتستخدمه غير وهى ف المطبخ !
لكن لو كل يوم فتحتيه اول ما تصحى وقفلتى شباك المطبخ وفتحتى كل الشبابيك هيفرق جداااااااا
كل يوووم نص ساعه بسس 👌
***وانتى ف المطبخ افتحى الشفاط واقفلى شباك المطبخ علشان قوه الشفط
وقبل ماتنامى افتحى شباك المطبخ إذا كان عليه سلك ومتامن علشان الحشرات والفئران متدخلش..واول ما تصحى افتحى الشفاط 👍
3- الروايح الثابته يعنى اللى مش بتتغير سببها الوحيد فى النظافه
يعنى نظافه السجاد والستاير والانتريه هيفرق فى ريحه شقتك جدااا 😊
4-الميه لو اتدلقت على بطانيه او سجاد او انتريه الحل فى الشمسس
فقطط الشمس هى اللى هتحل المشكله وهتعقم وتنشف وتمنع اى تراكم لروائح ثابته 👌
5- كيس القمامه يترمى اول باول والمطبخ تفرزيه اول باول وترمى البايظ والمتعطن
6- مين ضحك عليكى وقالك ان سر ريحه شقتك فى المعطرات !!
المعطرات ضررها الصحى بسس يخليكى تقاطعيها وللابد لان اقل حاجه بتعملها حساسيه الصدر 😞
المعطرات حطيها بعد ماتغسلى الستاير ف ميه الشطف
تحطيها ف ميه المسح ا
وصلوا على النبى الكريم

18/05/2026

اسهل واسرع واشهى ايس كريم
الطريقة نحضر واحد بسكويت كبالشوكولاتة كالصورة ونكسره كويس جدا وهو مقفول ثم نفتحه ونمليه لبن ويجمد ليلة كاملة ثم المفاجاة اس كيم ولا اشهى وبالهنا وادعووولى وصلوا على النبى الكريم
ملحوظة نضع المعلقة الخشبة قبل ان يجمد