05/11/2025
ءء
ّين 💛
يا رجالة الغلة، يا حُماة قوت المصريين،
الموسم ده مش عادي أبدًا... متوقع شتاء مثالي جداً للقمح ان شاء الله ..
🙏
موسم “اختبار” لكل فلاح عنده خبرة وتاريخ وشرف في الأرض ... ركّزوا في الجاي ده حرف حرف 👇
🔸 السنين اللي فاتت علمتنا دروس غالية:
👈 سخونة الصيف المبكر في 2018 ،
👈 الصدأ الأصفر اللي شافناه في 2019 و2021 و2022،
👈 سيول الربيع (عاصفة التنين) 2020 💦،
👈 والشتاء الدافئ الجاف في 2020 و2024،
👈 وكمان موسم 2025 اللي كان فيه لخبطة جو من آخره!
🟡 السنة دي (2025 / 2026) غير…
👈 عندنا “لانينا” نشطة يعني تقلبات كتير جداً،
👈 وبرد شديد متوقع إن شاء الله ❄️
👈 وده حلو للقمح… بس كمان حلو جداً للـ “صدأ الأصفر” لو ماخدناش بالنا!
.....
🌾 أولا:
👈 من 8 نوفمبر لحد آخر نوفمبر (النصف الأول من شهر “هاتور”) 👈 ده الميعاد الذهبي وممكن الموسم ده نزرع بداية من 5 / 11 لو أرضك جاهزة ، لان الجو هيبدأ يكسر بعد شوية ...
خارج الميعاد الأمثل ...
⛔️ الزراعة بدري في أكتوبر = طرد بدري × نضج ناقص × سنابل ضعيفة × مشاكل إخصاب وعقد.
⛔️ الزراعة متأخرة في اخر ديسمبر = صقيع × ضعف نمو × إصابات فطرية × تأخير في الطور اللبني والعجيني لما يدخل الحر في نص إبريل، يبهدل القمح 🔥
:
🌿 اللي يزرع بدري بيتعب 🌾 واللي يزرع متأخر بيتأخر 🌿
أما اللي يزرع في وقته “بيكسب دهب من أرضه” 🥇
ومن اول بكرة ٥ نوفمبر نبدأ نزرع ...
ءءء************************ءءء
🌾 ثانياً: #التقاوي
رجاءً 🙏 “ابعد عن كسر البيت” على اد ما تقدر ...
التقاوي لازم تكون معتمدة ومجربة ومعروفة مصدرها.
المناخ المتقلب ممكن يأثر على حيوية الحبوب القديمة.
يعني الموسم ده “تقاوي معتمدة = أمان وضمان” ✅
ءءء************************ءءء
🌾 ثالثاً:
📍 كل محافظة وليها الأصناف اللي بتجود فيها،
والوزارة محددة خريطة دقيقة، اعتمدوا عليها 100% 👇
: مصر ٣، ٤، ٥، ٦، ٧ – جيزة ١٧١ – سخا ٩٥، ٩٦، ٩٧ – سدس ١٤، ١٥
ءءء************************ءءء
( الجيزة بني سويف الفيوم المنيا اسيوط) : مصر ٣، ٤، ٥، ٦، ٧ – جيزة ١٧١ – سخا ٩٥، ٩٦، ٩٧ – بني سويف ٥، ٧ – سوهاج ٥، ٦
ءءء************************ءءء
( سوهاج قنا الأقصر اسوان الوادي الجديد ): مصر ١، ٣، ٤، ٥، ٦، ٧ – جيزة ١٧١ – جميزة ١١ – بني سويف ٥، ٧ – سوهاج ٥، ٦
ءءء************************ءءء
(توشكى، شرق العوينات، مستقبل مصر، الدلتا الجديدة): مصر ١، ٣، ٤، ٥، ٦، ٧ – جيزة ١٧١ – سخا ٩٥، ٩٧ – سدس ١٢، ١٤، ١٥ – سوهاج ٥، ٦
🌾 سخا ٩٦ صنف “مبكر النضج”… مناسب للزراعات المتأخرة.
ءءء************************ءءء
🌾 رابعاً:
✳️ أهم تقنية الموسم الحالي ✳️
ازرع على مصاطب بالسطارة أو يدوي بعرض 90 سم إلى متر 🌾
بتوفر:
✅ تقاوي بنسبة 30%
✅ مياه ري بنسبة 25%
✅ عمالة ومجهود
✅ وبتزود الإنتاج 10–25% 💰
🎯 وكمان المصطبة المرتفعة (20–25 سم) مهمة جدًا لو فيه ملوحة في التربة أو المياه.
💧 خامساً: #الري
القمح محتاج 4–5 ريات + رية الزراعة
⏰ أول رية بعد 21 يوم (رية المحاياة أو التشتية) وحاول ما تأخرهاش عن كده لان القمح هينزرع في أجواء دافئة الموسم ده ويحتاج ميه لاستكمال مراحل النمو ...
🟢 بعد كده كل حوالي 25 يوم
⚠️ أهم حاجة: لا تعطش القمح اثناء التفريع أو طرد السنابل
ولا تروّي وقت الرياح عشان ما يرقدتش منك🌾
:
رش مبيدات الحشائش العريضة قبل الري مباشرة و مبيدات الحشائش الرفيعة بعد الري و الارض لا تزال رطبة ...
** مكافحة الحشائش الحولية عريضة الأوراق ( السلق والعليق وغيرها ) (أونوستار – جرانستار - فولدكس) فى طور 2-4 أوراق لنباتات القمح او
عن عمر 20 يوم من الزراعة و قبل رية المحاياه.
** مكافحة الحشائش الرفيعة (الزمير والصامة وديل القط ..الخ) ( اكسيال - تراكسوس ) خلال 30 - 35 يوم بعد الانبات و مبيدات ( توبيك – أكشن ) للزمير خلال 45 يوم بعد الانبات .
** مكافحة الحشائش الحولية (عريضة وضيقة الاوراق) مبيد اطلانتس يفضل تواجد رطوبة في الارض خلال 25 يوم من الانبات بعد رية المحاياه عندما يكون نبات القمح في طور من 2-4 ورقات .
:
اللي يزرع بعلم ويخطط صح، ربنا بيكرمه رزق مضاعف 🌾💚
الموسم ده “مش عادي” ومحتاج وعي وحرص…
خلّي زراعتك شهادة شكر للأرض اللي عايشة بيك 🙌
📢 رجاءً اعمل شير للمنشور ده في كل الجروب ووصل الكلام لكل قرية وكل جمعية زراعية،
الكلمة دي ممكن تحمي موسم قمح كامل من الخسارة 💪🌾
دمتم طيبين ...
وكل عام وحضراتكم جميعا بالف خير وسلام وسعاده ..
استاذ دكتور محمد علي فهيم
رئيس مركز معلومات تغير المناخ
مركز البحوث الزراعية
4 نوفمبر 2025
13 جمادى أول 1447
25 بابه 1742
